آپاردیلار گولومی - ائیله دیله ر ظولومی- نه قویدولار دانیشام - نه کسدیله ر دیلیمی

خياليم ترلاني dilənçi

يئنه سيرانه چخبدر خياليم ترلاني كئچميشلرده

گوروره م توزلو خيال پرده ده آغ بيرچي آنام

شنلي آيدين گونده

ايكي قارداشي اوتوردوب ديزينين اوستونده

بير ديزينده مني لاي لاي دييه ره ك يوخلاددي

بير ديزينده سني عشق ايله ماراقلانديردي

يوره يينده كدرين قاره كوكون يانديردي

بيلمه ديم بير قارا طوفان قوپدي

بيلمه ديم آيريليقين طوفاني هاردان قوپدي

بيلمه ديم بير ده افقلار نه ئ اوچون چن دوغدو

نه ده ن عشقين گونشين گؤيده قارانليغ بوغدو

بو گئنيش دونيا گونش سيز

آنايا زيندان اولوب

گونو آغلار گشدي

آنانين گوز ياشي آخديقجا آرا ز داشلاندي

آيريليق باشلاندي

اوزون ايللر اؤته ره ك هر گونو ايلدن آغير اولدو

ارزيلار گوللري سولدي

پاييزين يئللري اسدي پوزولان بيرليگيميزده

ديريليكده ن جانا گلديك داغيلان ديرليگيميزده

بوايل آي قارداشلار

يازين آخير نفسي باغلاري گوللنديردي

سازيمين تئللري سونبوللري تئللنديردي

كدر اوغروندا داش دير

نه وطن داشليقدير

سولايين يوللاريزي

سن اوتايدان

بو بوتايدان

اوزادين قوللاريزي

اوزادين كورپو قورولسون ارازين اوستونده

ياپشين ال اله عشقين اوجاقي اودلانسين

آيريليقلار يانسين

آنامين نغمهسينين سحري قاناد وئردي منه

من اوتايدان اوچدوم

من اوچايدان اوچدوم

بیز بوعشق ايله سئوينجي ، قاتاراق گوز ياشينا

اینجی اولدوز سپیره م

شوقیله

قارداش باشینا

پیروز دیلنچی

==========================

بويوك ديار

بويوك بير ديارام بويوك توپراغام

واحيد بير ميللتم واحد بايراغام

اوزبكم قيرقيزام تركم قازاغام

قارداش واي سوي داش واي اوبام ائليم واي

وطندن وطنه گئدن يولوم واي

دربندم تبريزم آنكارايام من

كاشغارام كركوكم گور هارايام من

ايكي يه بولونموش آستارايام من

آراز واي، مفتيل واي ، سرحد تئليم واي

وطنده ن وطنه گئده ن يولوم واي

هر يانا اؤز دوتسان من اوياندايام

زنجاندا ، مغاندا ، نخجواندايام

تركمن چايدايام ، گلستاندايام

قلم واي ، ايمضا واي ، ساختا قولوم واي

وطنده ن وطنه گئده ن يولوم واي

موشفقم ، جاويدم ، گوله لنميشم

هيكله دونموشم، داشا دونموشم

اولويام ناحاقدان بئله سينميشام

گوله واي ،اعدام واي ، ناحاق اولوم واي

وطنده ن وطنه گئده ن يولوم واي

بيرياندا بايراغيم ياساق اولوندو

بيرياندا چكوج له اوراق اولوندو

من توركم دئيه نلر دوستاق اولوندو

ياساق واي ، قيفيل واي ، كسيك ديليم واي

وطنده ن وطنه گئده ن يولوم واي

هريئرده هر ياندا بير بايراغيم وار

شرق ده ن غربه دك باخ داياغيم وار

سازلي بورچاليم وار ، قارا باغيم وار

باغيم واي ، باغچام واي ، سولموش گولوم واي

وطنده ن وطنه گئده ن يولوم واي

بابكم نبي ام لاپ چنگيره م من

ده ده قورقودام من سازام سوزه م من

كول آلتينداكي ياناركوزه م من

آلو واي آتش واي ، سونموش كولوم واي

وطنده ن وطنه گئده ن يولوم واي

بير داها كيمسه يه اييلمز ائليم

بنه روسا نه فارسا اييلمز بئليم

زنجيره چكيلمز باغلانماز قولوم

قيريلميش زنجير واي ، آچيخ قولوم واي

وطنده ن وطنه گئده ن يولوم واي

واي...............

پیروز دیلنچی

==========================

« جوان شاعير ساز گؤتورك ،
آراميزدا سؤز اويناسين .
هر سطريميز ، هر نؤقطه ميز ،
هدفينده دوز اويناسين . »
هاشيم ترلان

جاواب:

قوي آغلاسين

قوجا شاعير قلم گوتور ،

كدرده ن ياز سؤز آغلاسين

وصال اوچون نغمه لر قوش ،

غريبليكده گؤزآغلاسين

قارا باختلي سارامز وار

ساغالميان يارامز وار

گؤروشماغا هارامز وار ،

آيريليغا دؤز آغلاسين

سانما اولوب حسرتين آز ،

قلمين دير الينده ساز

قيزيل ساچلي گونش ده ن ياز ،

آلو ياغدير كو‌‌ز آغلاسين

قوجا شاعير دورما بير آن ،

ساز آل سوز قوش ائللره يان

قيشدا گوللر دونان زامان ،

ايستي پاي وئر بوز آغلاسين

داريخاندا ائلي سسله ،

حزين حزين ماهني بسله

حسرتده ن دئ بيزيم نسله ،

گوز ياش توكوب اوز آغلاسين

آلسا بوز بولوت باشيني ،

قملي گورسن قارداشيني

گوزده ن آخان گوزياشيني،

ياناغلارا دوز آغلاسين

ياد ائللرده ن كوچوب گله ن ،

حزين يئلي گورسه چمن

سولان گوله آغلاما سن ،

ماتمينده ياز آغلاسين

شاعیر توکمه گؤزده ن یاشین

آتمیشدان دا اوتوب یاشین

سؤیله نه لر چکیب باشین

قوی دردلیلر آز آغلاسين

شاعير گوروم ايلدن ايله ،

نغمه لرين دوشسون ديله

گزسين بوتون ائلده ن ائله ،

عاشخ چالسين سوز آغلاسين

پیروز دیلنچی

==========================

Qoy ağlasın

Cavan şaiir saz götürək

Aramızda söz oynasın

Hər sətrimiz hər noqtamız

Hədəfində düz oynasın

Haşım tərlan

Cavab:

Qoy ağlasın

Qoca şair qələm götür,
Kədərdən yaz, söz ağlasın.
Vüsal üçün nəğmələr qoş,
Qəriblikdə göz ağlasın.

Qara bəxtli Saramız var,

Sağalmayan yaramız var,
Görüşməyə haramız var?
Ayrılığa döz, ağlasın!

Sanma olub həvəsin az,
Qələmindir əlində saz,
Qızıl saçlı günəşdən yaz,
Alov yağdır, köz ağlasın!

Qoca şair durma bir an!
Saz al, söz qoş, ellərə yan!
Qışda göllər donan zaman,
İsti pay ver buz ağlasın.

Darıxanda eli səslə,
Həzin-həzin mahnı bəslə,
Həsrətdən de bizim nəslə-
Göz yaş töküb, üz ağlasın.

Alsa boz bulud başını,
Qəmli görsən qardaşını,
Gözdən axan qan yaşını-
Yanağlara düz, ağlasın!

Yad ellərdən köçüb gələn-
Həzin yeli görsə çəmən,
Solan gülə ağlama sən!
Matəmində yaz ağlasın.

Şair tökmə gözdən yaşın,
Altmışdan da ötüb yaşın.
Söylə nələr çəkib başın,
Qoy dərdlilər az ağlasın.

Şair görüm ildən-ilə,
Nəğmələrin düşsün dilə,
Gəzsin bütün eldən-elə,
Aşıq çalsın saz ağlasın.

Piruz dilənçi

======================

böyuk bir diyar

böyuk bir diyaram böyük toprağam

vahid bir millətəm vahid bayrağam

özbəyəm kırqızam türkəm qazağam

Qardaş vay soydaş vay obam elim vay

Vətəndən vətənə gedən yolum vay

Dərbəndəm təbrizəm ankarayam mən

Kaşğaram kərkükəm gör harayam mən

Ikiyə bölünmüş astarayam mən

Araz vay məftil vay sərhəd telim vay

Vətəndən vətənə gedən yolum vay

Hər yana uz dutsan mən o yandayam

Zəncanda muğanda naxcıvandayam

Türkəmənçaydayam gülüstandayam

qələm vay imza vay saxta qolum vay

Vətəndən vətənə gedən yolum vay

Müşfiqəm cavidəm güllələnmişəm

Heykələ dönmuşəm daşa dönmüşəm

Uluyam nahaxdan belə sinmışam

Güllə vay eedam vay nahaqq ölum vay

Vətəndən vətənə gedən yolum vay

Bir yanda bayrağım yasağ olundu

Bir yanda kəküclə orağ olundu

Mən türkəm deyənlər dostağ olundu

Yasax vay qıfıl vay kəsik dilim vay

Vətəndən vətənə gedən yolum vay

Hər yerdə hər yanda bir bayrağım var

Döğudan batıya bax dayağım var

Sazlı borçalım var qara bağım var

Bağım vay baxcam vay solmuş gülüm vay

Vətəndən vətənə gedən yolum vay

Babəkəm nəbiyən lap çəngizəm mən

Dədəqorqudam mən sazam sözəm mən

Kül altıdakı yanar közəm mən

Alov vay aatəş vay sönmüş külüm vay

Vətəndən vətənə gedən yolum vay

Bir daha kimsəyə əyilməz elim

Nə rusa nə farsa əyilməz belim

Zəncirə çəkilməz bağlanmaz qolum

Qırılmış zəncir vay açıx qolum vay

Vətəndən vətənə gedən yolum vay

Vay………

Piruz dilənçi

======================

zindan

Heç bir kəslə göruşmədən,
Heç bir kəsle danışmadan…
Nə bir xoş söz, nə güler üz,
Nə də bayram təbrikleri…

Doğmalardan çox-çox uzaq,
Kimsə haqlı, kimsə nahaq,
Yaşla quru birgə yanır,
Hamı məhbus, hamı dustaq.
* * *
Dariısqal bir uzun zaldır,
Nə allahın günəşindən xəbər vardır,
Nə bəndənin ateşindən əsər vardır.
             Yer-göy beton,
             Yer-göy demir…
Biz kimik ki?,
Lap tanrı da bu soyuqda tir-tir esir!
Divarlarda damcı-damcı
             Rütubətin şehleri var…

Ağır-ağır qorxunc qalın qapılar da
             eyni rəngdə, eyni boyda
             düzülübdür sağda, solda…
Her qapının üzərində
Özundən də çox zəhimli
İki böyük qıfıl durur.
Her qapının arxasında kimler yatir?
             Eləsində dörd adam var,
             Eləsində on beş adam.
Tək başına bir otaqda qalan da var,
Tek başına min-bir dərdə dalan da var...

Bizim otaq 70 saylı kameradır,
Qonşumuzda yerə-göyə sığışmayan,
             Öz acılı taleyilə barışmayan,
             Qəlbi cavan, özü cavan,
             Bir oğlan var!
             Fəryad edir, haray salır,
             Yeri-göyü söyür bəzən!
             Arada bir dözə bilmir bu zülmətə,
             Öz canına qəsd eləyir,
             Əl-qolunu, damarını kəsir-tökür...
             Gecə-gündüz yatmaq bilmir bu gənc oğlan!..
Nə o bizim,
Nə biz onun üzümüzü görməmişik.
Qonşularin heç birini görmək olmur...
Bağlı qapı arxasından eşidilən,
             Boğuntulu nalə səsi gəlir hərdən.
* * *
Bizim otaq 70 saylı kameradir,
             Allah kəssin bu otağı…
Bu otaqda nə vardır ki?
             Rütubətin, siqaretin, tualetin-
             Qarışılmış qoxusundan başqa heç nə!

Bu otaqda iki dəmir taxtımız var,
Gör nə qara baxtımız var:
             Taxtımızın ayaqları-
             Özümüz tək bağlanıbdır betonlara…

Bu otağın küncünde bir tualet var,
             Qoy onu da allah kəssin!
             Nə tualet?
             Tualetin nə qapısı, ne divarı…

Bizim otaq 70 saylı kameradır,
Lap tavana çatan yerdə,
             Əl boyda bir pencərə var.
             Pencereden baxmağa da,
             Nə insanın boyu çatır, nə cürəti.
             Qoy onu da allah kəssin!
             Bir yerdən ki, boy çatsa da,
             Baxmaq belə qadağandır-
                         Nəyə lazım?!

Həyətdə bir məhbus da var:
             Uca boylu şam ağacı!
             Bəzən onun qol-budağı-
                         Baxır bizim pencərədən…

* * *

Bizim otaq 70 saylı kameradır,
Burda yalnız Tahirlə mən yaşamırıq,
Bizdən başqa böcək de var,
             Hörümçək də bu otaqda…
Mən deyəndə allah kəssin bu otağı,
             Tahir deyir:
             Allah, bundan betərindən qoru bizi!

Bizim otaq 70 saylı kameradır,
Tahirlə mən gecə-gündüz
             Yalan-palan, dağdan-daşdan,
             Ağlımıza nə gəlirsə,
             Danışırıq boş-boşuna…
             Nə vaxt ölmür,
             Nə gün keçmir…

Bizim otaq 70 saylı kameradır,
             İki alma,
             İki konfet,
             Bir az çörək,
             Qonşulardan bayaq bizə pay gəlmişdi,
             Bayram payi!

Bizim otaq 70 saylı kameradır,
             Bu otağa
             Heç allahın havası da gələ bilmir,
             Bayram necə gəlsin bura?
             Qorxuram ki, o da gəlsə düşər tora!
             Bura duşən,
             Tora duşən…
                         Çıxa bilmir…

* * *

Bizim otaq 70 saylı kameradır,
             Son günlərdən
             İki alma,
             Bir quru nar,
             Bir az konfet, bir az pendir,
             Üç kiflənmiş lavaşımız qalıb hələ...
Çarə nədir?
Olanımız budur bizim!
Bəlkə bayram süfrəmizi solğun görüb,
             Gəlmir bura?
Bəlkə o da bir şey umur?!
Olanımız budur vallah:
             Süfrəmizi bəzəmişik,
             Yeni ilin süfrəsini…

Tahir deyir:
             Allah, bundan betərindən qoru bizi!
Bundan betər nə vardır ki?
             Allah kəssin bu süfrəni!

* * *

Bizim otaq 70 saylı kameradır,
Bu otaqda Tahirlə mən yaşamırıq,
             Can veririk!
Tahir kimdir?
             45 yaşlı bir qazaxlı…
Ziyalıdır, alimdir o,
Amma hanı elmi sayan?
             Elmə baxan?!
Doqquz aydır yatır burda,
             Min cür dərdə düşub cani…
             Xəstelikdən, ağrilardan,
             Gecə-gündüz zarısa da,
             Bəzən durub gicəllənib yıxılsa da,
             Fəryadına gələn olmur…
Öz-özüne ürək verir:
Allah, bundan betərinden qoru bizi!

Az qalır ki, canı çıxsın,
             Ölüb getsin,
Mən bilmirəm bundan betər nə olacaq?
             Allah kəssin Tahirin bu duasını!
* * *
Bizim otaq 70 saylı kameradır,
             Bu otaqda nə saat var,
             Nə də başqa zaman ölçən bir aparat!
Səhər tezdən qaplları döyə-döyə bağırırlar:
             -qalxın-qalxın!
             Saat altı,
             "proqulka"!!
Baxırsan ki, şaxta kəsir, soyuq kəsir,
             Yatmaq olmur...
Təzə yuxu tutan yerdə
             Dəli-cinli olur adam
             Bu hay-küydən, bağırtıdan…
Hələ bunlar harasıdır?
Öz yerindən durmayanı
             Söyürlər də, döyürlər də…
Di gəl yaşa bu fəlakətlə,              Bu rəzalətlə!..
Zaman da ki, keçmək bilmir.
Burda bir gün, bir il kimi
             Hey uzanır, hey uzanır…

Tahirin də çirk içində
Lap qaralmış ağ damino daşları var,
Fala baxır bu daşlarla…

Yazıq Tahir!
             Daşlari da düz çıxmır heç!
             Allah kəssin bu daşları!

* * *

Bizim otaq 70 saylı kameradır,
Səhər tezdən göz dikmişik
             Ağır dəmir qapıya biz…
Mən bilmirəm rus dilində,
"Nazor"-du bu, "Pazor"-du bu,
             Nəzaretçi mənasında…
Birdən yenə bağırmağa başlayır ki,
"Adboy", "adboy",
Yatın, yatın!

Gözlərimdən axan qandan,
Xəbərsizdir nəzarətçi.
Niyə yataq? Necə yataq?
Onsuz da biz kamerada yatmaqdayıq…
             Allah kəssin bu yatmağı!

Bizim otaq 70 saylı kameradır,
             Bayram oldu, il dəyişdi,
             Amma bizim bu otaqda,
             Heç hava da dəyişmədi…

Yenə Tahir, yenə de men,
             Yenə boş-boş nağıllar...
             Allah kəssin bu nağılı!

Piruz dilənçi

======================

Man nəyəm?

Qan rəngi hər zaman yanağımdadır,
Köyşəndə kök salan qızıl laləyəm.
İşıqlı ay mənim qucağımdadır,
Hərdən bir görsənən tozlu haləyəm.

Hər yeri söyləsən, gəzib gəlmişəm,
Min dürlü həsrətə dözüb gəlmişəm,
Sellərdən ayrılıb, süzüb gəlmişəm,
Dağları seyr edən bir şəlaləyəm.

İlk səhər istəsən, el bağındayam,
Bağdakı güllərin yarpağındayam,
Gecələr yetimlər yanağındayam,
şəbnəməm, şehəm mən, inci jaləyəm.

Bağçada güləndə ətirli güllər,
Bir şadlıq məclisi quranda ellər,
Vüsal mahnısını çalanda tellər,
Xalqımın əlində mən piyaləyəm.

Dinləyin ey başı dumanlı dağlar!
Bir qərib şairəm, gözüm qan ağlar,
Aşıqlar əldə saz ağladan çağlar,
Ney kimi sızlayan həzin naləyəm!

Piruz dilənçi

======================

Dirəyi sınıqdı, təməli əyri,
Ürəyi qaradı, əməli əyri,
Həm özü əyridi, həm əli əyri,
Axı mən dünyaya nə deyim indi?

Evləri qorxulu, küçəsi sirli,
Neçəsi şübhəli, neçəsi sirli,
Gündüzü qaç-ha-qaç, gecəsi sirli,
Axı mən dünyaya nə deyim indi?

Birinin evində çörəyi yoxdur,
Birinin pulu var, ürəyi yoxdur,
Biri də xoşbəxtdir, diləyi yoxdur,
Axı mən dünyaya nə deyim indi?

Mərdləri sarsıdır, belin sındırır,
Ocağın dağıdır, odun söndürür,
Namərdi ucaldır, ata mindirir,
Axı mən dünyaya nə deyim indi?

İşə bax, savabdan seçilmir günah,
İnsan gah dilənir, gah da olur şah,
Yaşamaq çətindir, qorxuram allah!
Axı mən dünyaya nə deyim indi?

Bu həyat imansız, bu həyat dinsiz,
Sevinci bir zərrə, kədəri sonsuz,
Lap tanrı özü də yaşamır onsuz,
Axı mən dünyaya nə deyim indi?

Yaxşını yamandan seçə bilməyir,
Heç kəs də sirrini aça bilməyir,
Zülmündən insanlar qaça bilməyir,
Axı mən dünyaya nə deyim indi?

Ürəyim açıqdır, əlim bağlıdı,
Deməyə sözüm, var dilim bağlıdı,
Vətəndən vətənə yolum bağlıdı,
Axı mən dünyaya nə deyim indi?
Piruz dilənçi

======================

Dilançiyam mən

Şerimdə görəndə təxəllüsümü,
Sanmayın var-dövlət dilənçisiyəm.
Bütün var-dövlətim ürəyimdədir,
Bir zərrə məhəbbət dilənçisiyəm.

Gələcək bağında gül əkmişəm mən,
Ən yaxşı günlərdən əl çəkmişəm mən,
Qeyrətli ellərə göz tikmişəm mən,
Xalqıma şan-şöhrət dilənçisiyəm.

Azadlıq yoluna, yolum deyirəm,
Dilimə mən qurban olum deyirəm,
Vətən düşməninə: -ölüm deyirəm!
Yurduma səadət dilənçisiyəm.

Qaranlıq gecəyə ay vermək üçün,
Ellərə xoşbəxtlik pay vermək üçün,
Məzlum insanlara hay vermək üçün,
Cəsarət, dəyanət dilənçisiyəm.

Piruz dilənçi

======================

Anama

Gedişin evimi yıxacaq mənim,
Getməyə hazırlıq görmə, əzizim.
Sənsizlik qəlbimi sıxacaq mənim,
Getməyə hazırlıq görmə, əzizim.

Hələ getməmisən yerin görünür,
Şəhriyar arxanca baxır, sürünür,
Evimiz dumana, çənə bürünür,
Getməyə hazırlıq görmə, əzizim.

Son vüsal gecəmiz çatıbdır bizim,
Könlümüz min dərdə batıbdır bizim,
Onsuz da bəxtimiz yatıbdır bizim,
Getməyə hazırlıq görmə, əzizim.

Bakıda olmağın düz altı aydı,
Kaş bu son gecəmiz sonsuz olaydı,
Ölürəm, amandı, haydı, haraydı!
Getməyə hazırlıq görmə, əzizim.

Sərhəddən keçəndə geriyə baxma,
Könlümün yıxılmış evini yıxma,
Məndən olsa əgər, heç yola çıxma!
Getməyə hazırlıq görmə, əzizim.

Ayrılıq yamandı, gəl ayrılmayaq,
Gözünün yaşını sil, ayrılmayaq,
Nə olar bir daha gül, ayrılmayaq,
Getməyə hazırlıq görmə, əzizim.

Gecələr qorxuram, gəl saxla məni,
Boyumu oxşayıb, qucaqla məni,
Mən hələ uşağam, sən saxla məni,
Getməyə hazırlıq görmə, əzizim.

Piruz dilənçi

======================

Allah pozulub ənənə-adət bizim eldə,
Sanki itirib keçmişi millət bizim eldə.

İnsanın üzü gülməyir artıq, bu nə işdir?
Heç kəs yerini bilməyir artıq bu nə işdir?
Hey söylə, vecə gəlməyir artıq bu nə işdir?
Ağsaqqala yoxdur daha hörmət bizim eldə,
Allah pozulub ənənə-adət bizim eldə.

Hər şeydən uca pul sayılır, pul bu məkanda,
Vardırsa pulun paylamağa, gəl bu məkanda,
Yoxdursa balam, sən yaşama, öl bu məkanda,
Bir qanun olub indi də rüşvət bizim eldə,
Allah pozulub ənənə-adət bizim eldə.

Qeyrət papağın başlarımızdan atırıq biz,
Əziyət çəkirik, hər gecə barda yatırıq biz,
İşsiz deyilik, əcnəbiyə qız satırıq biz,
Ya rəbb, bu nə namus, bu nə qeyrət bizim eldə?
Allah pozulub ənənə-adət bizim eldə.

Hər kəs bizə zülm etdi, cəfa etdi də, dözdük,
Məhv oldu bizim mənliyimiz, itdi də, dözdük,
Öyrəncəli olduq, Qarabağ getdi də dözdük,
Hardandı görən bunca rəzalət bizim eldə?
Allah pozulub ənənə-adət bizim eldə.

Rusdan üzülüb əllərimiz qərbə uzandı,
Qərbin özü başdan-ayağa boşdu, yalandı,
Avropadakı şura da boş zurna çalandı,
Soxmuş özünü indi də ATƏT bizim eldə,
Allah pozulub ənənə-adət bizim eldə.

Bəziləri Türkəm -deyə, Turanlı olubdur,
Cəbr ilə gedib çoxları İranlı olubdur,
İranlı demə, yox baba, viranlı olubdur,
Hakim kəsilibdir neçə dövlət bizim eldə,
Allah pozulub ənənə-adət bizim eldə.

Aclıq bürüyüb ölkəni, imdadə gələn yox,
Məhv olsa da millət, əcəba dadə gələn yox,
Qol-qıç uzadıb ölsə də, fəryadə gələn yox,
Getdikcə də artır bu səfalət bizim eldə,
Allah pozulub ənənə-adət bizim eldə.

İşdən daha cox al-ver edən nazirə bir bax,
Nazir demək olmaz buna, sən cibgirə bir bax,
Hər sahədə meydan oxuyan tacirə bir bax,
Al-verxanadır sanki vəzarət bizim eldə,
Allah pozulub ənənə-adət bizim eldə.

Satqınlıq edib dövlətə çatmaq mod olubdur,
Haqsız tutulub türmədə yatmaq mod olubdur,
Vitrində vətən torpağı satmaq mod olubdur,
Boldur belə mənada ticarət bizim eldə,
Allah pozulub ənənə-adət bizim eldə.

Bizdən olanı təbliq elə, göylərə qaldır,
Şəxsiyyəti yoxdursa da, sən xalqı inandır,
Baxmazsa sözə, şax-şaxa qoş, zurna da çaldır,
Çoxdur belə haqsız yerə töhmət bizim eldə,
Allah pozulub ənənə-adət bizim eldə.

Mən əmr eləsəm, bağdakı güllər solacaqdır,
Güllər nədi, göylərdə bulutlar dolacaqlır,
Hər şey mənə sərf eyləsə, qanun olacaqdır,
Bax gör, belədir indi hökumət bizim eldə,
Allah pozulub ənənə-adət bizim eldə.

Hər kəs ölür, ölsün, itir, itsin, soxasoxdur,
Baş saxlamağa xaricə getsin, soxasoxdur,
Qoy kim bacarır, bildiyin etsin, soxasoxdur,
Atdan bahadır boynu yoluq it bizim eldə,
Allah pozulub ənənə-adət bizim eldə.

Bir dəstə ərazil oturub soymağa hazir,
Ac milləti ağlar günə lap qoymağa hazir,
Vermiş əl-ələ keyf eləyir şah ilə nazir,
Hər kəs oxuyur keçmişə rəhmət bizim eldə,
Allah pozulub ənənə-adət bizim eldə.

Qatma başını böylə böyük işlərə şair,
Sən söylədiyin sözləri kimdir görə şair,
Bəsdir daha bitdi, qələmi qoy yerə şair,
Başdan çıxarıb əqlini qürbət bizim eldə,
Allah pozulub ənənə-adət bizim eldə.

Piruz dilənçi

======================

xiyalım tərlanı

yenə seyranə çıxıbdır xiyalım tərlanı keçmişlərdə

görürəm tozlu xıyal pərdədə ağbirçəy anam

şənli aydın gundə

iki qardaşı oturdub dizinin üstündə

bir dizində məni laylay diyərək yuxlatdı

bir dizində səni eşqiylə maraxlandırdı

yurəyində kədərin qarə kökün yandırdı

dilmədim bir qara tufan qopdi

bilmədim ayrılığın tufanı hardan qopdi

bimədim birdən ofoqlar nəy üçün çan doğdi

nədən eşqin gunəşin göydə garanlığ boğdi

bo geniş dünya günəşsiz

Anaya zindan olub

guni aglar geşdi

aananın göz yaşı axdixca araz daşlandı

aaaah ayrılıx başlandı

uzun illər ötərək hər gunun ildən ağır oldi

arzılar gulləri soldi

payızın yelləri asdi pozulan birliyimizdə

dirilikdə cana gəldik dağılan dirliyimizdə

bu il ay gardaşlar

yazın axır nəfəsi bağları gulləndirdi

sazımın tellləri sumbulləri telləndirdi

kədər uğrunda dadaşdır

nə vətən daşlıxdır

sulayın yollarızı

sən o taydan

bu butaydan

uzadın gollarızı

uzadin köpu qurulsun arazın ustundən

yapışin ələlə eşqin ocaöı odlansın

ayrılıxlar yansın

anamın nəğməsinin sehri ganad Verdi mənə

mən o taydan uçdum

mən o çaydan uçdum

biz bu eşqiylə sevinci qatarax göz yaşın

inci ulduz səpirəm

şövqilə

qardaş başəna

Piruz dilənçi

======================

+ 87/07/07 ائلچی |

علی آغا واحیدین شعرلری عرب الیفبادا

اولا vahid

ایسته رم من او گولی ، اؤز گولی خندانیم اولا

اودا اؤز کونلونو وئرسین منه جانانیم اولا

تکی جانانیله بیر یئرده گونوم خوش گئچسین

آرزو ائیله ییرم باغ و گولیستانیم اولا

قییمایان جانینه عاشیق دگیل اؤز یاری اوچون

من فدا ائیله یه رم یاریمه مین جانیم اولا

گونده یوز یول ائده رم جانیمی قوربان او گوله

او دا بیر یول دولانیب باشیمه قوربانیم اولا

بو پری چهره لرین بیرجه گوزللیک لری وار

سئومه رم هئچ بیرین الده اگر ایمکانیم اولا

نیله ییم کونلومه بیر قویمادی آسوده اولام

گؤروم ای کاش کی ویران ، دل سوزانیم اولا

واحید هر شوخه ایناندیمسا وفاسیز چیخدی

بو گؤزللرله منیم حشرده دیوانیم اولا

شاعیر : علی آقا واحد

--------------------------------------------

اولماسا

من نئیلرم او دلبری شیرین دیل اولماسا

بولبول باهاره عشق یئتیرمه ز گول اولماسا

مجنونون عشقی لیلی نین آرتیردی شهرتین

قدری بیلینمه ز ایدی گولون بولبول اولماسا

عهد ائتمیشم کی هر گوزه له مایل اولمایام

منسیز بلالی کونلوم اگر مایل اولماسا

درد فراقه غفلت اؤزو بیر علاج ائدر

یوخسا بو درده کیم دایانار ، غافل اولماسا

جانان جفاسینی چکن عاشیق روا دئییل

وصل نیگارینه او اگر نایل اولماسا

جور ائیله دیکجه یار منه ایسته رم اونو

ائل سئومز هر آغاجدا اگر حاصل اولماسا

واحید کونولده عشقیمی من گیزلی توتمارام

عرفانیمه تعرض ائدن جاهل اولماسا

شاعیر : علی آقا واحد

--------------------------------------------

اولماسادا

یانیندا دلبریمین اعتباریم اولماسادا

یئنه غمین چکرم غمگساریم اولماسادا

بدنده یاری جانیم قالمایب گئدیب یاریم

گرک دؤزوم غم هجرانه یاریم اولماسادا

گونوم کی تار اولوب او زولف الیندن ای تانری

ترنم ائیله سنی تانری تاریم اولماسادا

اوزون خیالی بسیمدیر بهشت کویوندا

یوز ایل خیالیمه گلمز باهاریم اولماسادا

لبینله مست گؤزون هر دوشنده خاطیریمه

شرابه رغبتیم آرتیر خوماریم اولماسادا

منیم بیر آهیم ایله شمعلر یانیر گئجه لر

توخونما شعله عشقم شراریم اولماسادا

کمند زولف ایله (( واحد )) اؤزوم شکار اولدوم

منیم او آهو باخیشلی شکاریم اولماسادا

شاعیر : علی آقا واحد

--------------------------------------------

اولسا

یار اگر مهر و وفانی دوشونن یار اولسا

غم دئییل کی بوتون عالم بیزه اغیار اولسا

اهل دل ذوق و صفانی لب جانان دان آلیر

ظلم دور عاشیقه ، جانانی دل آزار اولسا

وار نه غم گؤزلرینین خسته سینه یوخدور علاج

لب لرین چاره سین ائیلر ، نئجه بیمار اولسا

زولف و خالین او مهین گؤز یاشیم ائیلر روشن

گئجه آیدینلیق اولار ، ثابت و سیار اولسا

یار اگر عاشیقه غمخوارلیق ائتمزسه نه غم

غم اودور اؤزگه یه معشوقه سی غمخوار اولسا

گؤزلرین شوق ایله قان تؤکمه گه چوخ راغیبدیر

مست دیر ، بونجا خطا ائیله مز هوشیار اولسا

وار امیدیم منه ، واحد داها ظلم ائتمه یه جک

حال زاریمدان او مهپاره خبردار اولسا

شاعیر : علی آقا واحد

--------------------------------------------

اؤزون

ائتدی پینهان ، زولف ایچینده اول ملک سیما اؤزون

گیزله میش ، ابر ایچره سان مهر جهان آرا اؤزون

لیلی ساچلی بیر پری ، مجنونه دؤندرمیش منی

رحمه گلمز توتسادا ، آهیم اودی دونیا اؤزون

یوز گؤزه ل اؤز سئوگیلیم دن باشقا آچماز کونلومی

شبهه سیز مجنونه ، گوسته رسین گره ک لیلا اؤزون

یار سیز گول اوزلو جانان سیز بساط باده ده

قان اولور کؤنلوم گؤزوم گؤرسه ، مئی حمرا اؤزون

یوز کونول مین نازیله باخدیقجا قان ائتسین گره ک

گؤسته رینجه عاشیقه بیر دم او گول رعنا اؤزون

بیر منیم کؤنلوم دگیل ، دیوانه سی مه رو لرین

من کیمی مینلرجه مجنون لار توتوب صحرا اؤزون

زولف دن ، دیوانه دن دیر هر سؤزون واحد یئنه

گؤسته ریر بیر گون سنه عارف لر استهزا اؤزون

شاعیر : علی آقا واحد

--------------------------------------------

مندن

سن زلفيني آچ، توك اوزونه ، شانه سي مندن

زنجيري نشان وئر منه ، ديـــــوانه سي مندن

سن عاشقي يانديرماقا ، من يانماقـــا مايــيل

سن شمعيني گوستر، منه ، پروانه سي مندن

زلفون قدري ، عاشق اولان وار. سنه اي گل

سن سويله، اومجنونلاري ، افسانه سي مندن

سرمست گوزون، فتنه لبين ، نشئه لي باده

ايچديرمنه ، اول بادني – پيـــمانه سي مندن

سن ناز ايله گل كي ، صدفين، قيمتي آرتسين

كوزياشي كيمي ،اينجيسي. دردانه سي،مندن

هردم گوتور،اوزدن. گوزه ليم، افعي لي زلفين

چك ظاهره، گنجينه ني – ويـــرانه سي مندن

"واحد"مي ي ، ترك ائتمك اوچون–پيرمغانين

رنجيده اولوب ، بيرنئچه . مســـتا نه سي مندن

شاعیر : علی آقا واحد

--------------------------------------------

نازلی دیلبر اولا

شراب اولا ، من اولام ، بیرده نازلی دیلبر اولا

بیر اؤزگه عالمی واردیر اگر میسر اولا

صفای مجلس مئی ، مین بهشتدن آرتیق دیر

بیر الده گول توتا جانان ، بیر الده ساغر اولا

اولاندا مست ، آچار زولفون نیگار ، نشئه سی وار

عمومه ذوق وئره بزم می معطر اولا

بساط باده ده حال اهلینین فداسی ، اولوم

شرابی قال ایله ایچمه ، اگر پیمبر اولا

اسیر زولفونم ائی شوخ ، گل آجیقلانما

اسیره حرمت ائدرلر اگر کی کافر اولا

نه لیلی سن کیمی اولموش ، نه من کیمی مجنون

نه کاره دیر گلیب اونلار بیزه برابر اولا

گؤرنده ، واحد ، اوزون یاریمین اسیر کونلوم

نه نوع ساکت اولار اود اولا سمندر اولا

شاعیر : علی آقا واحد

--------------------------------------------

اوز باشینا

بوراخما ای کونول ، او نازلی یاری اوز باشینا

روا دئییل قالا ائللر نگاری اوز باشینا

گؤز ایله کیپریگی بیرلیکده قان تؤکور گئجه لر

عجب قالیب گئنه دریا کناری اوز باشینا

قراره گلدی رقیب ال گؤتورسون اول گولدن

نه اعتبار اونا ، دئسین قراری اؤز باشینا

او قاره گؤزلونو گؤزدن کناره قویما کونول

بوراخماز اووچی گوزل بیر شیکاری اوز باشینا

گول اوزلولر نه قدر وارسا باغبانی منم

نئجه قویوم بئله بیر گول عذاری اوز باشینا

رقیبی یاره طرف قویمایین یاخین گلسین

کی گول سولار گؤره بیر بوته خاری اؤز باشینا

عمومه خدمت ائله ، واحد ، آرتیب انسانلار

کی ، سانما ائل قازانیب اعتباری اوز باشینا

شاعیر : علی آقا واحد

--------------------------------------------

باخدیقجا

کونوللر قان اولور سنسیز ، گول گول حمیرایه باخدیقجا

گوزللر یاد ائدیر خورشید رویین ، آیه باخدیقجا

اگر گول لب لرین ، می مجلیسینده گئچسه خاطیردن

الیمده قان اولور بادم می مینایه باخدیقجا

فضای عشقده دیوانه لیک دن باشقا شئی یوخدور

بیلر افسانه در (( مجنون ایله لیلایه )) باخدیقجا

منیم عاشیق لیقیم مجنون دان آرتیق دیر بیلیر عالم

اونو یاد ائیله مز هر کیم من رسوایه باخدیقجا

طبیعتده نه گیزلین سرّلار وار ایندی ظاهیردیر

قالیر حیرت ده انسان هر بت زیبایه باخدیقجا

سنی گولزار ایچینده گول گوررکن یاد ائدر ائللر

منی خاطیرلایاللار بوبول شیدایه باخدیقجا

محبت سیز گوزل سیز گون گئچیرمک هئچ نه دیر (( واحید ))

یئنه سئومک ، سئویلمک یاخشی دیر دونیایه باخدیقجا

شاعیر : علی آقا واحد

--------------------------------------------

افغانیمیزا

گولسه هر کیمسه بیزیم دیده گریانیمیزا

دوشسون عالمده گوروم حال پریشانیمیزا

عشق چوخ دلبر بی مهره اسیر ائتدی بیزی

بیری رحم ائیله مه دی ناله و افغانیمیزا

دوست ساندیق گؤروب هر شوخی بلاسین چکدیک

دوشمن اولدو یئنه آخیردا بیزیم جانیمیزا

ذوق آلار عشقیده بیزدن گؤروب احوالیمیزی

هانسی درد اهلی اگر گلسه بیزیم یانیمیزا

زولف زنجیرینه عقلیله اسیر اولمامیشیق

عشق دیوانه سی ییک باخما بو نقصانیمیزا

گلدی گول فصلی بیزی ساقی نظردن سالدی

پیر میخانه گره کدیر باخا دیوانیمیزا

دم غنیمتدی می ایچ ثابتی واحید باشا سال

بیر علاج اولسا اودور درد فراوانیمیزا

شاعیر : علی آقا واحد

--------------------------------------------

دئدی دئدیم

دئدیم:ای غنچه دهن،کونلومو قان ائیله میسن،

دئدی:بیجا یئره عشقیمده فغان ائیله میسن!

دئدیم:انصاف ائله،اینجیتمه منی،عاشیقینم،

دئدی:گئت،سیرریمی دونیایا عیان ائیله میسن!

دئدیم:- آغلاتما منی سرو بویون شوقونده،

دئدی:گوز یاشینی بیهوده روان ائیله میسن

دئدیم:- آخیر گوزه لیم،باغ و باهاریم سنسن،

دئدی:- سن عومرونو حسرتله خزان ائیله میسن.

دئدیم:- آز چکمه میشم گوزلرینین حسرتینی،

دئدی:- اوز کونلونو یئرسیز نیگران ائیله میسن.

دئدیم :عشقینده اسیرم،منه بس خیری نه دیر؟

دئدی:- اولده بو سئودادا زیان ائله میسن.

دئدیم:عشق اتشی نئیلر منه،قورخان دئییلم!

دئدی:-بیچاره یانارسان نه گمان ائیله میسن؟!

دئدیم:- ای گول،من ازلده نده گوزل عاشیقییم،

دئدی:- سن روحونو عشق ایله جاوان ائیله میسن.

دئدیم:- هر گون سر-کویوندا دولانماقدیر ایشیم،

دئدی:- واحد،نه گوزه ل یئرده مکان ائیله میسن!

شاعیر : علی آقا واحد

--------------------------------------------

بیر دیلبریم اولسا

اولمزدیم اگر سن کیمی بیر دیلبریم اولسا

بیر آفت جان ، شوخ ملک ، منظریم اولسا

هر گون دولانیب باشینا ، قوربانین اولاردیم

پروانه صفت ، اوچماقا ، بال و پریم اولسا

منده سئویلردیم ، بوتون عاشیقلر ایچینده

آهولری مجنون ائلییه ن گؤزلریم اولسا

شوقیله نثار ائیله رم ، هر بیر قدمینده

دریا قدری الده ، دورّ و گوهریم اولسا

کویوندا منه قوی نه بیلیر ، ائیله سین اغیار

البته جزاسین چکر ، آللاه کریم اولسا

بیگانییه من بیر بئله منت می ، ائدردیم

کونلوم کیمی بیر یار وفاپروریم اولسا

واحید دئمه رم دردیمی من باشقا نیگاره

یاریم بیلیر عشقینده نه دردیسریم اولسا

شاعیر : علی آقا واحد

--------------------------------------------

بیرده جاوان اولماقیما

بیر سبب یوخ دئمه روسوای جهان اولماقیما

غنچه آغزین کیمی خلق ایچره نهان اولماقیما

منی صد حیف قوجالتدی بو گوزللر سیتمی

یوخدور امّید داحی بیرده جاوان اولماقیما

قامه تین جلوه سی چشمیمده گزیر وجهی اودور

چشمه تک هر یانا ای سرو روان اولماقیما

مومیانین هوسی غونچه دهانین فیکری

سبب اولدو بئله بی نام و نشان اولماقیما

انتظارم کی ، وئرم جانیمی ، گورجک یوزونی

نولا ای گول بیر علاج ائت نگران اولماقیما

یانیرام عشق اودونا ثابت اینان مجنون تک

لیلی اولسا یاناجاق شعله فشان اولماقیما

واحیدم درد و غم غربته تابیم یوخدور

وار امیدیم یئنه اولکمده عیان اولماقیما

شاعیر : علی آقا واحد

--------------------------------------------

كونول

ديل بيلن سوز آنلايان بير نازلي يار ايستر كونول
لاله دن گول دن گوزل بير نو بهار ايستر كونول
اعتبارين گورمه يينجه سئومه رم بير ديلبري
نازنين مهپاره لردن اعتبار ايستر كونول
هر قارا زولفون اسيري اولمارام بوندان سورا
ايندي عالم ئوزگه دير خوش روزگار ايستر كونول
اويناماق، گولمه ك ، دانيشماق ، عيش و نوش اياميدير
بلبل شيدا كيمي مين لاله زار ايستر كونول
هر طرف گولدير، چيچكدير بئيله آزاد ئولكه ميز
دائم ئوز خوشبخت خلقين بختيار ايستير كونول
بختور ((واحد))، او كسلر دير بو خوش عالمده دير
هر زمان بو خوش حياتي پايدار ايستر كونول

شاعیر : علی آقا واحد

--------------------------------------------

سن ناز ایله بیر سوز دئدین ،ائی جان ، باشا دوشدوم،

اغیاره اولان مئیلینی پنهان باشا دوشدوم.

قلبینده نه لر وار ، اونو بیگانه دوشونمز ،

گورجک سنی ،ائی سئوگیلی جانان ، باشا دوشدوم.

مجنون ائدن عشق اهلینی کیم دیر ،نه بیلیردیم،

زولفون کی سحر اولدو پریشان ،باشا دوشدوم.

گوردوکده زنخدانینی بیلدیم کی ،او یوسیف ،

اولموش نه اوچون لایقئ – زندان ، باشا دوشدوم.

دردی غمئ – هیجرانه چتین لیک یئری یوخموش ،

بوموشکولو گولمک قیلیر آسان ، باشا دوشدوم.

گول اوزلو گوزهل بیر صنیمین اولدوم اسیری،

بولبول کی ، ائدیر ناله وافغا ن، باشا دوشدوم.

سوردوم ، ساغالان درد دئییل عشق بلاسی ،

اولمک دیر اونون چاره سی آسان ، باشا دوشدوم.

واحید ، اگر امیدئ – وصال ائیلمه سه یدیم ،

ییخمیشدی منی محنت وهیجران باشا دوشدوم.

شاعیر : علی آقا واحد

--------------------------------------------

بیز قالدیق

یئتیشدی غیر عاشیقلر ویصال یاره بیز قالدیق

خلایق چاره تاپدی دردینه بیچاره بیز قالدیق

هامی اؤز سئودیگی معشوقه سیله شادکام اولدو

یانان پروانه لر تک روز و شب اودلاره بیز قالدیق

رقیب بی مروت لر فرحناک اولدو عالمده

سئویب جانانی حسرت طره طراره بیز قالدیق

کئچیرتدیک تیر نازین سینه دن هر ماه رخسارین

گئنه بی مهر چیخدی طعنه اغیاره بیز قالدیق

محبت گولشنینده بیر گول اکدیک زحمتین چکدیک

صفاسین اؤزگه لر گؤردو جفای خاره بیز قالدیق

بوتون دیوانه لر واحید کمندین دن خلاص اولدو

گئنه او زولفه باغلی متصل آواره بیز قالدیق

شاعیر : علی آقا واحد

--------------------------------------------

اؤزون

ائتدی پینهان ، زولف ایچینده اول ملک سیما اؤزون

گیزله میش ، ابر ایچره سان مهر جهان آرا اؤزون

لیلی ساچلی بیر پری ، مجنونه دؤندرمیش منی

رحمه گلمز توتسادا ، آهیم اودی دونیا اؤزون

یوز گؤزه ل اؤز سئوگیلیم دن باشقا آچماز کونلومی

شبهه سیز مجنونه ، گوسته رسین گره ک لیلا اؤزون

یار سیز گول اوزلو جانان سیز بساط باده ده

قان اولور کؤنلوم گؤزوم گؤرسه ، مئی حمرا اؤزون

یوز کونول مین نازیله باخدیقجا قان ائتسین گره ک

گؤسته رینجه عاشیقه بیر دم او گول رعنا اؤزون

بیر منیم کؤنلوم دگیل ، دیوانه سی مه رو لرین

من کیمی مینلرجه مجنون لار توتوب صحرا اؤزون

زولف دن ، دیوانه دن دیر هر سؤزون واحد یئنه

گؤسته ریر بیر گون سنه عارف لر استهزا اؤزون

شاعیر : علی آقا واحد

--------------------------------------------

کونلوم

گه لوبدور تنگه ای ظالم ستمله قان اولان کونلوم

همیشه باغ وصلینده گولوب خندان اولان کونلوم

دوشوب مجنون کیمی صحرایه بیر لیلی فراقیندا

بوتون عاشیقلر ایچره منبع عرفان اولان کونلوم

نه اولدو بیلمه دیم دوشدو جدا گولزار کویوندان

همیشه خوان وصلین بزمینه مهمان اولان کونلوم

کیمه بیلمم گئدیب اظهار قیلسین محنت عشقین

دونوبدور قانه هجرینده غمی پنهان اولان کونلوم

نه چاره ائیله سین بیلمم خلاص ائتسین اوزون غمدن

اسیر محنت و پابسته هجران اولان کونلوم

اولورمی بیر زمان خرّم یئتیشسه وصل جانانه

غم هجرین له افغانلار چکیب گریان اولان کونلوم

منم فرهاد عصرین سئودیگی واحد گوزللر دیر

اودور کی لاله داغین گؤستریر ویران اولان کونلوم

شاعیر : علی آقا واحد

--------------------------------------------

دوشرسن

بیرگون گوزه لیم قبریمین اوستن اوتوشرسن

دردیندن اولن عاشیقینی باشه دوشرسن

ائتمز ملک اولسا بو قدر ناز و کریشمه

اینصافه یاخینلاش گوزلیم سنده بشرسن

نازیله گلر کن قدمین قوی گؤزوم اوسته

قویما قوری یئر اوستونه بیردن سوروشرسن

بیگانه ایله گزمه دئدیم قلبینه دگدی

جانان نه بیلیم سن بو قده ر دگمه دوشرسن

بیر سالمادین اوز عاشیقینی یادینه ظالیم

اغیاریله آمما گئدیب هر گون اوپوشرسن

ال چک منه ای دل دئمه زولفوندن او ماهین

بیر گون بو کمنده سن اوزونده ایلیشرسن

رحم ائیلمه دین (( واحید ه )) ظالیم دیریلیکده

اولدوکده مزاریمله گئدرسن گؤروشرسن

سن ناز ایله بیر سوز دئدین ،ائی جان ، باشا دوشدوم،

اغیاره اولان مئیلینی پنهان باشا دوشدوم.

قلبینده نه لر وار ، اونو بیگانه دوشونمز ،

گورجک سنی ،ائی سئوگیلی جانان ، باشا دوشدوم.

مجنون ائدن عشق اهلینی کیم دیر ،نه بیلیردیم،

زولفون کی سحر اولدو پریشان ،باشا دوشدوم.

گوردوکده زنخدانینی بیلدیم کی ،او یوسیف ،

اولموش نه اوچون لایقئ – زندان ، باشا دوشدوم.

دردی غمئ – هیجرانه چتین لیک یئری یوخموش ،

بوموشکولو گولمک قیلیر آسان ، باشا دوشدوم.

گول اوزلو گوزهل بیر صنیمین اولدوم اسیری،

بولبول کی ، ائدیر ناله وافغا ن، باشا دوشدوم.

سوردوم ، ساغالان درد دئییل عشق بلاسی ،

اولمک دیر اونون چاره سی آسان ، باشا دوشدوم.

واحید ، اگر امیدئ – وصال ائیلمه سه یدیم ،

ییخمیشدی منی محنت وهیجران باشا دوشدوم.

شاعیر : علی آقا واحد

--------------------------------------------

سئوگیلی جان

بیلسن گوزلیم سن نه قدر سئوگیلی جانسان

ظلم ائیله مه قوی سویله مه سینلر جان آلانسان

سوسدورما او گول چهره نی آلدانما رقیبه

اوز قدرینی بیل کی نه قدر ایندی جاوانسان

اغیاره اینانما گوزلیم قورخورام اوندان

چوخ ساده سن هر سؤز کی دیللر اینانانسان

گول دن ده ، چیچک دن ده ، گونش دن ده گوزل سن

سن باغ ملاحت یئتیرن سرو روانسان

گؤردوم یئنه مین نازیله بیگانیه باخدین

چوخ شبهه یه سالدین منی بیلدیم نیگرانسان

گؤر بیر نه گوزل لیکده یئتیرمیش سنی طالع

حسرت چکر عالم سنه مشهور جهانسان

واحید بو قدر سنده کی وار عشق و محبت

دونیا قوجالیب گئتسه چتین سن قوجالانسان

شاعیر : علی آقا واحد

--------------------------------------------

صولح اولماسا

ائی گول منی سن ایسته سن عومروم هدر اولماز

صلح اولماسا، اولاد وطن بخته ور اولماز

آزاده لیقی، صولحی سئویللر بیزیم ائللر

بیر یئرده کی ، صولح اولسا، او یئرده ضرر اولماز

اودلار وطنین نازلی گوزه للر بورویوبدور

ائللرده مثل وارکی، گوزل سیز شهر اولماز

آهیم اودو بلکه ائله سین قلبینه تاثیر

نیسان سویونو ایچمه یه داشدان گهر اولماز

هیجران گئجه سی، من چکنی چکمه سین اغیار

ظننیم جه قیامت گونو بوندان بتر اولماز

زولفون اوزونو توتسادا، گویچک لیگین آرتیر

ظلمت گئجه لر اولماسا آیدین سحر اولماز

واحید سنه، غم چکمه رقابت ائدن اولسا

مین گول قووشا بیر یئره ، بحر خزر اولماز

شاعیر : علی آقا واحد

--------------------------------------------

محبت اهلینه

کونول وفاسیز اولان نازلی یاره یالوارما

نه اعتبار اونا ، بی اعتباره یالوارما

داریخما یاخشی یامان روزگاریمیز کئچه جک

بو بئش گون عومره گؤره ، روزگاره یالوارما

سنین ده بیر گون اولار نوباهارین ای بولبول

خزان جفاسینه صبر ائیله خاره یالوارما

فقیره ، عاجزه ، مظلومه احترام ائیله

عدویه قان ایچیه نه ظلم کاره یالوارما

وطن یولوندا اولوم مرد اوچون سعادت دیر

حیات اوچون فلک کج مداره یالوارما

مخالف اهلینه باش اَیمه سن ده منصور اول

اناالحق اوسته چکیلسن ده داره یالوارما

محبت اهلینه واحید همیشه خدمت ائله

نه تاجداره نه بیر شهریاره یالوارما

شاعیر : علی آقا واحد

--------------------------------------------

خوشدور

یارین ره عشقینده کونول قان اولا، خوشدور
هیجرینده گوزوم هر گئجه گیریان اولا، خوشدور
من کی، بو قارا گوزلولر عشقینده اسیرم
سینم هدف ناوک مژگان اولا خوشدور
سن عصریمیزین ایندی زولئیخاسی سان، ای گول!

عاشیق سنه مین یوسفی کنعان اولا، خوشدور
ییغما باشینا، ناز ایله بیر شانه چک هردن
کونلوم کیمی، زولفونده پریشان اولا، خوشدور
گل سینه نی گوستر منه هر صبح زمانی
گول بولبول اوچون چاک گریبان اولا، خوشدور
رخسارین اودو کونلومو یاخدیقجا سئویننم
پروانه اوچون شعله سوزان اولا، خوشدور
جانان نه جفا ائیلسه، واحید یئنه صبر ائت
عشق اهلی اسیری غم جانان اولا، خوشدور

شاعیر : علی آقا واحد

--------------------------------------------

ایسته میره م

گئت، گولوم، گئت منه سن جان اولاسان ایسته میره م

عشوه لی، سئوگیلی جانان اولاسان ایسته میره م

بیرده گوز یاشی توکوب، کویونا گه لممم گوزه لیم

گوروب احوالیمی خندان اولاسان، ایسته میره م

بیوفالیقدا بوتون عالمه مشهور اولدون

سن اگر حوری و غلمان اولاسان ایسته میره م

وورموسان سینه مه مین یاره کفایتدی منه

بو سینیق کونلومه درمان اولاسان ایسته میره م

بیوفاسان دگیلم راضی اولندن سونرا ،

قبریم اوستونده نگهبان اولاسان ایسته میره م

پیس گونومده منی سالدین نظریندن گئتدین

یاخشی گونده منه مهمان اولاسان ایسته میره م

< واحدین > قیمتینی بیلمه دین، اینجتدین اونو

ائله کی، اولدو پشیمان اولاسان ، ایسته میره م

شاعیر : علی آقا واحد

--------------------------------------------

لیلا کیمی اولماز

هر گول آچیلا اول گولئ رعنا کیمی اولماز

هر عاشیق اولان بولبولئ شیدا کیمی اولماز

مین لرجه بو دونییا گوزللر گئله بیرده

من سئودیگیم اول شوخی دلارا کیمی اولماز

گولدن او تمنانی کی بولبول قیلیر هر دن

مین باشقا تمنا بو تمنا کیمی اولما

فخر ائتمه سین اوز سئودیگی لیلا سینا مجنون

مین لئیلی اگر گئلسه بو لیلا کیمی اولماز

واحید دئمه کی عطریلی گوللر یئتیشیبدیر

هر عطر گلیب عنبری سارا کیمی اولماز

شاعیر : علی آقا واحد

--------------------------------------------

گولسون منه

آخر آغلاتدین منی ، بیگانه لر گولسون منه

شمع تک یاخدین منی ، پروانه لر گولسون منه

منده یالوارام ، گوزون یادیله ، پیر میکده

ائیله مست ائتسین منی ، مستانه لر گولسون منه

پرتو خورشید رویین جام می ایچره گؤروب

آغلارام قوی دوریده پیمانه لر گولسون منه

قورخورام سر دهانین می ایچیب فاش ائیله یم

مست اولام کیم عارف ، میخانه لر گولسون منه

باغلا اول زنجیر زولفونه من سرگشته نی

قویما کیم صحرانشین ، دیوانه لر گولسون منه

لیلی وش ، زولفوندن آیری ایسته رم مجنون اولام

قوی ائشیتسین بو سؤزی ، فرزانه لر گولسون منه

ییخا بیلمزدی فلک اولسایدی ییخدی هجر یار

واحدم قوی ساکن ویرانه لر گولسون منه

شاعیر : علی آقا واحد

--------------------------------------------

باشا دوشدوم

سن ناز ایله بیر سوز دئدین ،ائی جان ، باشا دوشدوم،

اغیاره اولان مئیلینی پنهان باشا دوشدوم.

قلبینده نه لر وار ، اونو بیگانه دوشونمز ،

گورجک سنی ،ائی سئوگیلی جانان ، باشا دوشدوم.

مجنون ائدن عشق اهلینی کیم دیر ،نه بیلیردیم،

زولفون کی سحر اولدو پریشان ،باشا دوشدوم.

گوردوکده زنخدانینی بیلدیم کی ،او یوسیف ،

اولموش نه اوچون لایقئ – زندان ، باشا دوشدوم.

دردی غمئ – هیجرانه چتین لیک یئری یوخموش ،

بوموشکولو گولمک قیلیر آسان ، باشا دوشدوم.

گول اوزلو گوزهل بیر صنیمین اولدوم اسیری،

بولبول کی ، ائدیر ناله وافغا ن، باشا دوشدوم.

سوردوم ، ساغالان درد دئییل عشق بلاسی ،

اولمک دیر اونون چاره سی آسان ، باشا دوشدوم.

واحید ، اگر امیدئ – وصال ائیلمه سه یدیم ،

ییخمیشدی منی محنت وهیجران باشا دوشدوم.

شاعیر : علی آقا واحد

--------------------------------------------

گرک اوددا یانا

دئمه ای گول اولورم گئتمه گؤزومدن اویانا

گرک عاشیق دؤزوب ، هر جورینه یارین دایانا

عالم عشقینده قانون محبت بئله دیر

بولبول حسرت گوله ، پروانه گرک اوددا یانا

منده هیجران غمینی ، قسمت اولا چکدیره رم

سنین او گول یوزینه ، کونلومی حسرت قویاینا

عاقبت آتش آهیمله ، رقیب اود ، توتاجاق

اؤز جزاسین چکه جک ، قاچسا الیمدن هایانا

بیر مبارز ایگیدم ، قویمادیم اغیاری گولوم

جنت کویونا یول تاپسین او گوندن بویانا

یا اوچون عاشیق اودور شوقیله جاندان گئچسین

کیم وفا بسلییه جک ، دوستونا جان قویمایانا ؟

سنده (( واحید )) وطن اوغروندا چالیش مرد کیمی

اینجه قلبینده بؤیوک ، حس محبت اویونا

شاعیر : علی آقا واحد

--------------------------------------------

+ 87/07/07 ائلچی |

نصرت کسمنلی نین شعرلری عرب الیفبادا

وطن

آنالارين تورپاغيني سولايان
تريني سئوديم
گوي قورشاغي کيمي الوان
يئريني سئوديم
آجيني، شيريني سئچه بيلمه ديم
آرازدان اوچا بيلمه ديم
کورپوسوندن کئچه بيلمه ديم
دلي کيمي وورولدوم
دلي کورونو سئوديم، وطن!
بورنو تيتره ين دوشانيني
بنوشه ني، يووشانيني
قوروقدا مله ين جئيرانيني
سونبولونو، رئيحانيني
باهار موژده لي قارانقوشو
آنالارين
"داشا دونه سن!"- دئييب
هئيکل آرزولايان قارغيشيني
قوروجا داشيني
تورپاغينين هر قاريشيني
ائويني- ائشيگيني
سوبا يانيندا خومارلانان پيشيگيني
قفس ده کي شئريني سئوديم، وطن!
گوزليندن، گويچه ييندن
بيرينه کونول وئرديم
بيريني سئوديم، وطن!
چيچه ييني، گولونو سئوديم وطن
اوباني، ائليني سئوديم وطن
ياغيشينا چتير توتماديم
لئيسانيني، سئليني سئوديم وطن!
دنيزينده اوزه بيلمه ديم
وورولدوم ماويلييينه
چايلاريني، گولونو سئوديم وطن!
مئشه لرين فيکريم کيمي قاريشيق
زيروه لره گئدن جيغيرلارين دولاشيق
اوتولو دوزلريني
قيرچين چولونو سئوديم وطن!
دوشمنينه"يان" دئيه ن
"آنام آذربايجان" دئيه ن
ديليني سئوديم وطن...

یازان: نصرت کسمنلي

منیم تک سئوه نین اولمایاجاقدیر ...

آدیمی قلبیندن آتا بیلرسن

اوزاق آرزیلارا چاتا بیلرسن

مندن گؤزلینی تاپا بیلرسن

منیم تک سئوه نین اولمایاجاقدیر

بیر گون سؤنه جکدیر بو اود ، بو اوجاق

کدر یوواسی دیر بوش قالان قوجاق

دیزینه باش قویوب ، یاتان اولاجاق

باشینا دؤنه نین اولمایاجاقدیر

عؤمرونه بیر سئوگی گلر ، بیلیرم

سن ایله آغلاییب ـ گولر ، بیلیرم

کیمسه سئوینجی نی بؤلر ، بیلیرم

دردیندن اؤله نین اولمایاجاقدیر

سئوگیلیم ! عذابدان اوزاقسان هله

بیر گون ارییه رسن سن گیله ـ گیله

یاناغیندان اؤپه ن اولسادا بئله

گؤز یاشین سیله نین اولمایاجاقدیر

یازان: نصرت کسمنلي

من کي سن دئييلم…!

اونوتمادي گوزله‌ريني گوزله‌ريم

منيم گوزوم، سنين گوزون دئييل کي

او يئرله‌ري ناخيشلايير ايزله‌ريم

منيم ايزيم، سنين ايزين دئييل کي

يالانلارا اويرتمه ديم ديليمي

منيم ديليم، سنين ديلين دئييل کي

هر يئته نه اوزاتماديم اليمي

منيم اليم، سنين الين دئييل کي

اوچوب گئتدين، سازاق دوشدو کونلومه

منيم قلبيم، سنين قلبين دئييل کي

سن گولوش چون يارانيب سان، اينله مه

منيم غميم، سنين غمين دئييل کي

سن قارالتدين، من آغارتديم ساچيمي

منيم ساچيم، سنين ساچين دئييل کي

ائشيدنلر باغيشلايير سوچومو(۱)

منيم سوچوم، سنين سوچون دئييل کي

يئره دوشدو، اودلو سوزوم کوزردي

منيم سوزوم، سنين سوزون دئييل کي

قارشيلاشديق، ديل سوسدو، اوز قيزاردي

منيم اوزوم، سنين اوزون دئييل کي

سن يولونو دييشديردين بير سحر

منيم يولوم، سنين يولون دئييل کي

بو هيجرانا دوزه جه يم بير تهر

دوزه جه يم، هيجران اولوم دئييل کي…!

نصرت کسمنلی

محببت

يازيريق سئوگيدن؛ يازيريق آنجاق
ائله سطيرلرده آليشيريق بيز
محبت اولوبدور اويون- اويونجاق
هانسي محبتدن دانيشيريق بيز؟
اودلارا قالانماق اوته ري حيسدير
کلمه لر بيچيملي؛ سوزلر بيچيملي...
چوخلاري ديپلوم سوز متخصصدير!
ائه؛ اوره ک آلداتماق بير سو ايچيمي
سئويم مي؟! ترددود قطع ائده بيلمير
بعضا ايتيريريک اينام؛ اوميدي
اوره ک وار دويغولار فتح ائده بيلمير
اوره ک وار هينديسي فيقور کيمي دير
بير قلبه گيرنده بويالي سوزلر
گورن اوز سوزونو اوره ک دئدي مي؟!
آختارير؛ آختارير؛ آختارير گوزلر
ايشله ين بير ساعات کفکيري کيمي.
تبسوملر ساختا سوز قيمتليدير
يالاني يالانا آلقيشلاييرلار
چوخلاري کونولدن سخاوتليدير
هر قيزا بير کونول باغيشلاييرلار
يازيريق سئوگيدن؛ يازيريق آنجاق
ائله سطيرلرده آليشيريق بيز
محبت اولوبدور اويون- اويونجاق
هانسي محبتدن دانيشيريق بيز؟

یازان: نصرت کسمنلي

گوزلرین

چكير وارليغيمي دارا گؤزلرين،

آپارير روحومو هارا گؤزلرين،

قارا بير محبس دير قارا گؤزلرين،

بوراخ گؤزلرينين حبسيندن مني.

يانديريب ياخماقدا اؤد قودرتي وار،

تكجه من بيليرم نه حيددتي وار،

آخي، جزانين دا بير مدتي وار

بوراخ گؤزلرينين حبسيندن مني.

قالديم جاذيبه نده بيهوش كيمي يم،

مرحمت گؤزله ين باخيش كيمي يم،

قفسه سالينميش بير قوش كيمي يم،

بوراخ گؤزلرينين حبسيندن مني.

گونوم ائله سندن شيكايت اؤلوب،

بو سئوگي بير داستان ،حئكايت اؤلوب

محبت نه واخت دان جينايت اؤلوب

بوراخ گؤزلرينين حبسيندن مني.

زيندانا كؤنوللو سالديم اؤزومو،

عيبي يوخ، پاييزا دؤندر يازيمي،

من گوناه ايشله ديم آرتير جزامي،

ساخلا گوزلرينين حبس ينده مني.

یازان: نصرت کسمنلي

گوروردوم بو گونو

بودا سونونجو گون؛ سونونجو ويداع
بودا آيريليغين سونونجو تيني
قوزوم؛ هر گوروشون سون اوجو ويداع
گوروردوم بو گونو؛ سنينله گوروشون بيرينجي گونو...

يولون اوغور اولسون دئييرم سنه
قارشيدا عومور- گون سيناغي دورور
نه دئييم؛ بلکه ده يولوندا يئنه
منيم تک بير سئودا قوناغي دورور

گئديرسن؛ بو گونو ساخلا ياديندا
يادداشين من وئرن درسي پوزماسين
سن ائله آليش کي؛ سنين اودوندا
اوته ري قوناقلار قوي قيزينماسين.

قارشيمدا نه چپر؛ نه ده کي؛ باري...
منيمده عومرومه بئله جه گلدين
قلبينده بير چينقي اوت ساخلا باري
بلکه بير چيراغي يانديرا بيلدين.

اييل! محبتين اونونده اييل
بلکه بو دونيادان قوپارا سني
طالعين ائستافئت آغاجي دئييل
هره بير منزيله آپارا سني...

بير گونده سربست ليک تاختي دئوريليب
عومرونه گلين ليک ايللري گلر
دونه نين بير نامرد دوستا چئوريليب
صاباح کنديريني دوغرايا بيلر.

بودا سونونجو گون؛ سونونجو ويداع
بودا آيريليغين سونونجو تيني
قوزوم؛ هر گوروشون سون اوجو ويداع
گوروردوم بو گونو؛ سنينله گوروشون بيرينجي گونو...

یازان: نصرت کسمنلي

کاش کي...

نه لر، نه لر يادا دوشدو
خاطيره لر اودا دوشدو
او گونلردن قلبيميزه
قورخولو بير صدا دوشدو
گورمه يه يديم کاش کي، سني.

باهار گلدي قيش ائوينه
بو کوچه ري قوش ائوينه
او واخت ناشي بنا کيمي
يادداشيمين داش ائوينه
هورمه يه يديم کاش کي، سني

کوله دونموش اود- اوجاقسان
بلکه يئله قالاجاقسان
اوندا اوشاق دئييلديم کي
بيليرديم کي سولاجاقسان
درمه يه يديم کاش کي، سني

هيجران گلدي سينه- سينه
گونلر اوتدو سنه- سنه
بير گولداندا ساخلايايديم
اوز اليمله اوزگه سينه
وئرمه يه يديم کاش کي، سني

یازان: نصرت کسمنلي

قاییتما

ايندي کي، گئديرسن سون باهار کيمي
قاييتما گئرييه دورنالار کيمي
ياشا زيروه لرده، ياشا قار کيمي
چئوريليب ياغيشا، سئله قاييتما
ايللريم ناحاقدان اوتدو سنينله
دئميرم عومور- گون بيتدي سنينله
گئتدين، نغمه لريم گئتدي سنينله
ايندي غملي اوتن تئله قاييتما
سن گلدين عومرومه دومان، چن کيمي
ياشارسان ساچيما دوشن دن کيمي
باري بوندان بئله ياشا من کيمي
قوخلاييب آتديغين گوله قاييتما

یازان: نصرت کسمنلي

قار کیمی

قارکیمی آغ گلدیم ،

لَکه سیز گلدیم ،

سَس سیزجه یاغمیشدیم یوْللارینا مَن .

من سَنین عؤمرونه « بلکه » سیز گلدیم

ییغیلدین گۆج کیمی قوْللاریما سَن ...

بیتدی باخیشلارین نغمه سی ، سوُزو

سۆکوت قوْللاریندا گزدیردی بیزی ...

سوْیودوق قارکیمی...

نه دِئیم ،

دۆزو ،

بلکه بو سوْیوقلوق بئزدیردی بیزی ...

ایندی خاطیرنله یاناجاغام مَن ،

گۆلسن ،

گۆلوشونه بۆرونه‏ جه ‏یم .

قارکیمی اوْوجونا یاغاجاغام من ،

قارکیمی اوْوجوندا اَرییه جه یَم ! ...

حسرتین قلبیمده دینیر تارکیمی ،

نغمه لر دنیزدیر ، ووُصالین قاییق .

سَن ده آی سِئوگیلیم ،

گِئتدین قارکیمی

قاییتسان ،

قارکیمی لکه سیز قاییت ! ...

یازان: نصرت کسمنلي

عومرومدن بیر آن

عومرومدن بیر آنی اوغورلامیشیق

قاچیب بؤلوشوروک بو خلوت یئرده

پاییزدان آیریلان کوچه ری قوشوق

کیم بیلر بلکه ده گؤروشدوک بیرده

بؤشالیر اوره یین دولور گؤزلرین

کئچیتمیش زامانی لعنت له ییرسن

دولاشیب دیلینده قالیر سؤزلرین

اؤزونده بیلمیرسن نه ایسته ییرسن

اؤرتور گؤزلرینی یوخو خوماری

یوخون ساچین کیمی قاریشیق دوشور

فیکیرلی کئچیرسن ، بوگون یوللاری

عنوانین ، آدیملا ، دولاشیق دوشور

ده لی تک داش آتدیق بو ساکیت گوله

او داشی گئریه ، قایتارماق اولمور

بیزیم یالانیمیز ، یئرییر هله

ائله یئرییر کی ، ایزی ده قالمیر

آچادا بیلمیریک سیرری هئچ کیمه

ائله گیزلی گیزلی ، آلیشیریق بیز

بلکه ده بیر دوغرو سئوگی عشقینه

مین یالان اویدوروب دانیشیریق بیز

شاعیر : نصرت کسمنلی

سنین آجیغینا

موژده لرله گله جک دير
ايللر سنين آجيغينا
داها الوان آچاجاقدير
گوللر سنين آجيغينا
غم ياغيشي ياغماياجاق
کدر مني بوغماياجاق
اينان کي، آغارماياجاق
تئللر سنين آجيغينا
آرزولاريم دينه جک دير
بخت اولدوزوم گوله جک دير
دنيزلره دؤنه جک دير

گؤللر سنين آجيغينا
دئمه عشقيم سؤنه جکدير،
گله جک بير گؤره جک دير
ائله مني سئوه جک دير
ائللر سنين آجيغينا

یازان: نصرت کسمنلي

دولان بولود

يامان دولوب بو بولود
ياغاجاقدير اينديجه
غضبي شيمشک اولوب
چاخاجاقدير اينديجه
دونياني سو ايچينده
بوغاجاقدير اينديجه
نه دئييم کي ياغماسين؟
قارا بولود؛ بوز بولود
نه دردين وارسا؛ اونوت
اوزاتميشام اليمي
من توتوم اته ييندن
سنده اللريمدن توت
اوچاق يئل قاناديندا
قوناق گول بوداغينا
دوشک بير نغمه کيمي
داغلارين دوداغينا
گورلا منيم سسيمله
اوخوماق هوسيمله
سن دئه؛ من قولاق آسيم
اوخويوم؛ مني دينله
قوي سينه مه باشيني
بو بولود؛ قارا بولود
بنزه يير يارا بولود
من دريا ايچينده يم
گور ياغدين هارا بولود؟
هارا چکدين قوشونو...
هر داملا شئه دنه سي
شئه ده سنه دونه سي
ياغيب اوزونو يورما
نه ييم وارکي؛ سونه سي؟
آت عينادين داشيني
گويلردي سنين يوردون
باشيمين اوسته دوردون
اوجاليغا آغلاماق
ياراشمير؛ آي بولودوم
سيل گوزونون ياشيني...

یازان: نصرت کسمنلي

داها ناغيللارا اينانميرام من

چاپيب اوز آتيني آغ آتلي گئتدي
آتلاري شيمشکدن قاناتلي گئتدي
اوشاق يادداشيمي قاناتدي گئتدي
داها ناغيللارا اينانميرام من

ننه مين اينامي، دردي ناغيللار
نامرده آلداتدي مردي ناغيللار
بيزي يوخولارا وئردي ناغيللار
داها ناغيللارا اينانميرام من

اوشاق اووتماغا بير نوغول ايدي
سوزلرده ياشايان بير آغيل ايدي
ياخشي آداملاردا بير ناغيل ايدي
داها ناغيللارا اينانميرام من

((سيم- سيم))ي سوزله يوخ، زورلا آچديلار
تيلسيمي مين جوره يوللا آچديلار
هيم- جيمي موهورلو قوللا آچديلا
داها ناغيللارا اينانميرام من

فاطمالار آياغي کنديرده قالمير
خميريميز کوت گئدير، تنديرده قالمير
قارغالار تولکويه داها آلدانمير
داها ناغيللارا اينانميرام من

آجي حقيقت لر بال دادير ايندي
آري سي اولمايان بال ساتير ايندي
کئچلي ساچلي لار آلدادير ايندي
داها ناغيللارا اينانميرام من

ائله يوخولاردا آتلار کيشنه دي
دئولري قازانا سالديم، پيشمه دي
گوزله ديم، گويلردن آلما دوشمه دي
داها ناغيللارا اينانميرام من

یازان: نصرت کسمنلی

حاضیر قبیرلر

گرگ گلمه ییدم بو سون منزیله

نه دئییر دیککه لن او داشلار گؤرن

بو غملی کولکین آغلار سسینه

کیمدی گؤزلرینین یاشینی وئرن

هر گون یوخو عومرو وئریریک یئله

یومولو گؤزلرین ، غم کولگه سی وار

یاخشی کی یوخودان دوروروق هله

بیر گون اویانماماق تهلوکه سی وار

سکوتی آغیردیبو داش صبیرین

اوستو هیچقیر یقلی گون قاباقدادیر

حاصارا آلینمیش بوبوش فبیرین

اؤلوسی بلکه ده کئف داماقدادیر

تلاش یئری دئیل اؤلوم کی حق دیر

گئری یه قاییتمیر ، بو ائوه گیرن

یاخشی کی کرایه قبیرلر یوخدو

پولسوز نیله ییردی اؤلولر ، گؤرن ؟

داشلار آیاق دوتوب هارادان قاچیب ؟

دیزه جن تورپاغا گیریپ بیتیرلر

آج قوش بالاسی تک آغزینی آچیب

یئمیین گؤزله ییر ، بو بوش قبیرلر

یورولوب ترینی سیلیر داش یونان

هامار داشلار اوسته باخشی دؤندو

شبهه یدی ایچینده آلیشیب یانان

بو داش بلکه اونون قسمتی اولدو

یئنه انسان انسان یاپراقلادی یول

تابوتین اؤنونده اینله ین کیمدی ؟

ناشی بالابانچی اؤز ایشینده اول

ماتمده موسیقی دینله ین کیمدی ؟

آخیر دایانماییر حیات سئل کیمی

اؤلوم آددیم آددیم ایزله ییر بیزی

سرنشین گؤزله ین « کار و سئل » کیمی

اؤلوم « قورد آغیزیندا » گؤزله ییر بیزی

آی قبیر قازانلار گئدین ائو تیکین

بو غملی دره ده « پئلان » کی یوخدور

سیز زحمت چکمه یین آخی بیرده کی

اؤلوسی چوللرده قالان کی یوخدور

بو قوجا دونیادا ، عومروموز قیسسا

بیزی قانادینا آپاریر ایللر

چوخو ائو گؤزله ییر ، آنجاق بورداسا

انسان نوبه سینده دوروب قبیرلر

بسدیر یووا یووا قازدینیز یئری

بلکه ده کروانی دایاندی کؤچون

باغلایین باغلایین بوش قبیرلری

آچین حیات ایچون قاپیلار آچین

یازان: نصرت کسمنلي

بیر تئل

چینیمده بیر تئتین گلیب منیله

دولانیب بوینوما، آچا بیلمیرم

بیر اوجو جهنم، بیر اوجو جنت

من بو قیل کورپوده ن گئچه بیلمیرم

چینیمده بیر تئل گلیب منیله

اومیدسیز یئوگی نین سئون آهی کیمی

کوکسومه باش قویوب ، آغلاییر سانکی

بیر قیزین دوزلمز گوناهی کیمی

چینیمده بیر تئلین گلیب منیله

بو گئجه ، تئلینه قیسیلاجاغام

گؤتوروب آتماغا گلمه ییر اَلیم

گؤرسه لر تئلینده ن آسیلاجاغام

چینیمده بیر تئلین گلیب منیله

چینیمده ائله بیل ملک یوکو وار

یاندیرسام اؤزونو یئتیره جکسن

تئل دئییل چینیمده سیمرغ توکو وار

چینیمده بیر تئلین گلیب منیله

اؤپوب اوخشاییرام من سئوه سئوه

میدان اوخویورام یوخسا اؤلومه

کفنیم چینیمده ، گلمیشم ائوه

چینیمده بیر تئلین گلیب منیله

بو یوکون آلتیندا ، سانکی چؤکورم

بیر نور منبعی دیر هامیدان گیزلی
سندن ائویمیزه ایشیق چکیرم

چینیمده بیر تئلین گلیب منیله

دورنا دیر قاطاردان آیریلیبدی او

ائویمدن الفتی کسمه یه خاطیر

قیلینج تک قئینیندان سیریلیبدی او

چینیمده بیر تئلین گلیب منیله

صفامی جفامی گتیره جک دیر

هاراداسابیر قارتال شیغاییب بلکه

یوواقورماق اوچون گؤتوره جک دیر

چینیمده بیر تئلین گلیب منیله

بو گئجه یوخوما ، اولاجاق غنیم

بو گئجه بیر تئلین گلیب منیله

بو گئجه تئلینه قوربانام سنین

یازان: نصرت کسمنلي

بهانه سیز گئت

گئتمک ايسته ييرسن

گئتمک ایسته ییرسن،

بهانه سیر گئت،

اویاتما مورگولو خاطیره لری،

سسین همین سس دیر،

باخیشین اؤگئی،

گئدیرسن،

سسین ده یاد اولسون باری...

سن دنیز قوینونا آتیلمیش چیچک،

اوستونه دالغالار آتیلاجاقدیر.

ساختا محبتین

ساختا سند تک

نه واختسا اوستونده توتولاجاقدیر.

دؤشه نیب یوللار تک آیاقلارینا

سنه یالواریم می...

بو مومکون دئییل!

قویمارام قلبیم تک ووقاریم سینا

آلچالیب یاشاماق عؤمور – گون دئییل.

دئمیرم سن اوجا بیر داغسان، اییل،

دئمیرم قالیبدیر علاجیم سنه.

نه سنده محبت قارا پول دئییل،

نه من دیلنچییم ال آچیم سنه...

گئتمک ایسته ییرسن...

او یول، او دا سن...

بیر جوت گؤز باخاجاق آرخانجا سنین.

گئتدین می...

نه واختسا دؤنمک ایسته سن

تیکانلی یاستیغا دؤنه جک یئرین.

گئتمک ایسته ییرسن....

نه دانیش، نه دین!

یوخ اول اوزاقلار تک دوماندا ، چنده...

نه ییمی سئومیشدین؟

دئییه بیلمه دین،

ایندی یوز عییب گؤزوزسن منده.

گئتمک ایسته ییرسن،

بهانه سیز گئت،

اویاتما مورگولو خاطیره لری.

سسین همین سس دیر،

باخیشین اؤگئی،

گئدیرسن،

سسین ده یاد اولسون باری...

یازان: نصرت کسمنلي

بو داغدان

بو داغدان کئچه بیلمز سن
گولونو دره بیلمز سن
زه هه رم ایچه بیلمز سن
سنین شرابین دئییلم
..
گل اویناما بو اویونو
آچابیلمز سن دویونو
گئت آختار تای اؤز تایینی
من سنین تایین دئییلم
..
اؤته ری حیس لره یادام
کرنوللر یاندیران اودام
سئوگی آدلی بیر کیتابام
سنین کیتابین دئییلم
..
یانیب اودلارا قالانما
بو عشقی اه یلنجه سانما
پروانه تک چوخ دولانما
سنین چیراغین دئییلم

یازان: نصرت کسمنلي

اینانما

دئسه لر اونو دا اييلن گوردوک
دونن دئديييني بو گون دانيردي
دئسه لر ياخشيجا درسيني وئرديک
گولوب اوزوموزه، يالتاقلانيردي
اينانما عزيزيم...
اينانما بونا.
بير سينميش آغاجين اونونده چوکوب
دئسه لر بوداغي باغلاييردي او
بير سولموش چيچه يي مين دفعه اوپوب
لاپ اوشاقدان بتر آغلاييردي او
سن اينان عزيزيم،
سن اينان بونا.
بيرينين حاققيني آلديلار الدن
دئسه لر داش کيمي سوسوب باخيردي
هئيکله دونموشدو دوردوغو يئرده
سسيني ايچينه قيسيب باخيردي
اينانما عزيزيم،
اينانما بونا.
دئسه لر قيرديلار قول- قاناديني
چيينينده ن تازادان قانادلار بيتدي
ديلنچييه وئردي سون ماناتيني
دئسه لر ائوينه پيادا گئتدي
سن اينان عزيزيم،
سن اينان بونا.
دئسه لر بيرينين اوزونه گولوب،
سونرا آرخاسينجا دانيشيردي او
دئسه لر عومرونو مين يئره بولوب
باشي گوروشلره قاريشدي، اونون
اينانما عزيزيم،
اينانما بونا.
دئسه لر اونوتمور او ايلک عشقيني،
اوستونده گول کيمي بيتير مزارين،
سانکي ايلک گوروشه گئتدييي کيمي
هر گون گوروشونه گئدير مزارين،
سن اينان عزيزيم،
سن اينان بونا.
دئسه لر دفن ائتديک دونن بيز اونو
او دا هامي کيمي ياشادي، اولدو
بيلمزديک بو قدر ياخينميش يولو
قاييديب دونيايا تازادان گلدي
سن اينان عزيزيم،
سن اينان بونا!

یازان: نصرت کسمنلي

آیریلیق

دییه سن یولوموز آیریلدی بیزیم

اورک او اوول کی هوس ده دئییل

آیریلیق اوخویور ،ذ ایندی هر سؤزون

دینله سن سؤزوده ، من اؤزوم دییم

یورغون ، یولچولارا بنزدیم نه غم

یوللار آیاغیمدان ، توتوب ، سورونور

منزیلیم اوزاقدیر ، آستا گئدیرم

سنین سه ، منزیلین داها گؤرونور

افق دا نه یامان قیزاردی بئله

بلکه محبتین غروب چاغی دیر ؟

عومرومدن نئچه ایل وئرمیشم یئله

طالع ده بیر یاندان وئریب داغیدیر !

اوچوردوم گؤیلرین یئددی قاتیندا

آخان اولدوزلاری ، گؤیده توتوردوم

هر گئجه خیالین قانادلاریندا

گونشده یاتیردیم « آی » دا یاتیردیم

یوخ داها صبریم ده چاتیب ساحیله

گئتمه رم من « آی » یا اولدوزا کیمی

عشقیمی بیر دنیز آتیب ساحیله

ارییر داش اوسته ، مئدواز کیمی

آدینی قلبیمدن ، سیله جک سنین

خیالین گؤیلردن تورپاغا انیب

بلکه ده طالعین گوله جک سنین

نفرتیم بیر یازی پوزانا دؤنوب

آدینی قلبیمدن سیله جک سنین

یامانجا ایتیردیک ، گونلریمیزی

اه ، داها ایتیرمک ، قورخوسو یوخدو

کولک لر یولوردو ، گوللریمیزی

یولونموش لچه یین ، قورخوسو یوخدو

گونلری ، اینجی تک ، سالیب ایتیردیک

نه قدر آختاردیق ، تاپا بیلمه دیک

بیر چئوره خطینی توتوب گئدیردیک

ها گئتدیک سونونا چاتا بیمه دیک

گئجه نی گوندوزه قاتیب گئدیردیک

بودا عومروموزه ، بیر یازی ایمیش

اومید آی ایشیغینی ، توتوب گئدیردیک

چاتاندا گؤردوک کی ، قورد گوزوایمیش

اورکده بیر کؤیره ک خاطیره ایزی

آخیر کی منزیلین سونونا گلدیک

بیز دویون سالمیشدیق طالعیمیزی

یاخشی کی واختیندا آچیلا بیلدیک

آیریلیب گئدیرسن دولور گوزلرین

سونونجو ندا تک قیریلیر سسین

باری بوندان بئله ، سنین ایزلرین

منیم ایزلریمه دویون دوشمه سین

یازان: نصرت کسمنلي

اللرین نه یامان سویوقدور گولوم

اللرین ائله بیل ، قار چیچگی دیر

آی آمان الینده دوندوکی الیم

اللرین الیمین بوز الجه کی دیر

بیز کی جونوبلویوق بو سویوق هاردان ؟

گرک کولوموزده سویوق اولماسین

گؤزوموز دونیادا ، ان قاینار بولاغ

گرک الیمیزده سویوق اولماسین

اوددان یوغرولموشوق ، آتشیک آخی

قلبیمیز دویغولار تونقالی کیمی

یاناغین ائله بیل آلو دیلیمی

اللرین بیر تاختا یونقاری کیمی

آی اوزو باهارلی ، الی قیش سونام

گیلئییم ، گولمه لی گلمه سین منیم

قورخورام سئوگی ده ، سویوماغیندا

الیندن باشلایا ، الیندن سنین

یازان: نصرت کسمنلي

اونداندا باخارسان

دئديم، سون خاطيرم قورو شكيلدي ،

يازدين ، اونوداندا باخارسان آنجاق.

من سني اونوتسام ...

دوشوندون مو بير ،

شكلين سندن اوول اونودولاجاق...

بيليرم،

بير داها دؤنمه يه جك سن ،

عكسين - يانان عشقين بير اوووج كولو...

اؤزون ياد اوره يي دينله يه جك سن ،

شكلينسه قلبيمين دؤيونتوسونو.

سني ساخلاماغا چاتمادي گوجوم،

آچيلان نه واختسا سولمالي ايميش.

شكليني وره قه كؤچورمك اوچون

آرادا نئقاتيو اولمالي ايميش.

بو سويوق كاغيذدا سئوينج دونوبدور ،

كده رين هارداسا يول گلير هله .

اوزونه خفيف بير گولوش قونوبدور ،

هيجرانا باخيرسان سن گوله - گوله...

بير آنين حوكمويله دييشير اينسان،

نئجه عزيز ايدي باياق بو شكيل.

سن اؤزون بير سئوگي خومارينداسان،

هميشه اوياقدير ،

اوياق بو شكيل.

بير كاغيذ اوستونده دونان اوميدين

غملي گؤزلرينده ابدي اوجاق،

شكلين واختي سايان ساعات كيميدي ،

ياديما دوشنده باخيرام آنجاق...

یازان: نصرت کسمنلي

یاندیر مکتوبلاریمی

هر سطیر اوستونده تیتره‌ییب الیم

سطیرلر قلبیم‌دن اود آلیبدیلار

من سنه بیر دفعه آلداندیم، گولوم

مکتوبلار عؤمورلوک آلدانیبدیلار

منی خاطیر لاما،

اوزگه اول، یاد اول

اویونجاق اولماسین مکتوبلار باری.

عؤمرونده بیرجه یول

عالیجناب اول،

یاندیر خاطیره‌می ـ‌ او مکتوبلاری...

اوردا اوره‌ییمین هارایی، آهی

قلبیمین اوتانجاق سئوداسی یاتیر.

اوردا ووقاریمین سینما گوناهی

کووره‌ک بیر نغمه‌نین صداسی یاتیر.

داغیلار شؤهرتین دومانی، چنی

اودار بیر آج بالیغ اینجی تک سنی

یازدیغیم سطیرلر آج توخوم کیمی

بیر گون گوز یاشینی ایچه‌جک سنین

مکتوبلار ایچینده، نه‌ییم،‌نه‌لریم...

آلوولو سطیرلر گیزلی غم کیمی

یاندیر مکتوبلاری...

خاطیره‌لریم

یانسین،

کوله دونسون قوی کرم کیمی

سنه اومید دولو دیکیلن گؤزلر

یئنه خاطیره‌ده دونوب قالاندیر

الیم اسه ـ اسه یازدیغیم سؤزلر

او زامان دوز ایدی،

ایندی یالاندیر...

حیاتین اؤزونده سینادیم سنی

دئمه باهاردیم،

ایندی‌سه قیشام

یاخشی کی سونرادان تانیدیم سنی،

یاخشی کی عؤمورلوک آلدانمامیشام...

یازان: نصرت کسمنلي

اگر یوخویدوسا ...

آغ بیر دونیا ایدی ، اوگونکو دونیا

« آی » دا کؤکسوم اوسته دوشموشدو اوگون

بلکه حیات ایدی بلکه ده رؤیا

آچیلدی یاخاسی ، ماوی بیر گؤیون

ناغیلا دوشموشدوم بیر آغ ناغیلا

اوره گیم اووجومون ایچینده ووردو

حس لر یئر وئرمه دی اوگون آغیلا

بیر علوی خومارلا ، قارشیمدا دوردو

دونیا اوزو بویدا ، قار یاغدیرمیشدی

یاندیردیم بو بیاض آغلیق ایچینده

دونیا یامانلیغی یادیرغامیشدی

تمنا یوخ ایدی ساغلیق ایچینده

بولودلار گؤزونو سیخمیردی داها

گؤزو یومولویدو دویغولارین دا

هیچ کس متاعینی ساتمیردی باها

آیدینلیق گؤروردو ، یوخولاریندا

شیرین لیک آخیردی بولاغ دان اوگون

کونلوم سو گؤلونده چیمیردی ، نه غم

دئدیم اوجا داغلار سیزده دیز چؤکون

بو گون من سیز لردن یوکسه یم

سؤزومه باخیرکن ، بیاض تپه لر

سونبول شلاله لر ، اوستومه آخدی

اه نه لر یازیلدی عومرومه نه لر

نه دئییم سویله مک بلکه گوناهدی !

کؤکسومده گول آچدی چاغلادی یازیم

او یازی دونیانین باهاری ساندیم

او حیات ایدیسه یوخو نه لازم ؟

اگر یوخویدوسا نییه اویاندیم ؟!

یازان: نصرت کسمنلي

+ 87/07/07 ائلچی |

پروفسور زئهتابی نین شعرلری

بذ قالاسيندا

محمد تقي زهتابي

بذ قالاسي- ١٣٥٩ نجي ايلين خرداد آيي

قوجا داغلارين اوجا زيروه سينده باخير ووقاريله بير قالا

ائله بيل كي، يئر اوره گين ياريب چيخارير نهنگ اوجا بير قايا

قايانين باشيندا طبق كيمي قالاني قويوب آپارير آيا

دئيه سن به يا كي، خطر گوروب آليشان آنا

گويه قالديرير بالاسين، قويوب ايكي اووجونا

سورونوب قالانين توپوغون اوپور كوله گيله رقص ائله ين دومان

بولودون امير مه مه سين شيرينجه ياتير قالا

سينه سين ده گاه ياراراق اونون اوجاليب، بو دور

گونشين قيزيل ايشيغين اودور

گئجه اولدوزون قوجا سيرداشي

آي اونون هميشه كي، يولداشي

او گورر بيرينجي آلاولار اولكه سينه سحر سوكولنده دان

ساوالان ساغيندا فلكلره اوزادير باشين

باخيب آختارير قوجامان سهنديني، اولمه ين قوشا قارداشين!

اوجا داغلارين قوجا زيروه سينده باخير ووقاريله بير قالا

مئشه لر اوپور آياغين اونون

كولك اوخشايير ياناغين اونون

سايا بيلمز سن بولاغين اونون

اولا بيلمه ميش هله داشلاري يووا قارتالا!

دوشه رك و سويكه نرك قيلينج كيمي ساللارا

دورورام، گئديب كئچيرم داغين، چاتيرام يالا

نئچه زيروه لر، نئچه سيلديريم، نئچه اورمانين

قاياسين، دوزون، كئچيدين، بويوك مزاريستانين

كئچه رك ياواش گئديرم، گئدينجه هر بير آن اوجالير قالا

دونه رك باخاندا بير آنليغا كئچيلن يولا

قارالير گوزوم...

دايانيب اونومده بو دور قالا

اوتوروب او داغ يئكه ليكده شيش قايادان سالا

ستمين اسيرگه مه ميش اونا قوجا روزگار

بوراخيب، اوتوب كئچن عصرلر اونو يادگار

بو آلاولار اولكه سينين دوشوندن امنلره

داغيليب سادا، اله نير گئنه ظلمت، ووقار

باخيري، سوسور سادا، داغلارا و چمنلره

ائله بيل باخير زامانين گوزو...

باش اييب ووقارينا توپراغين اوپه رك اونون

دئديم: اي قالا!

دئه نه دير آدين؟

ازلينده كيم اولوب اوستادين؟

نئچه موحتشم ساريليب باشان دومان، اي قالا!

سني قوينونا بو ديار آليب آنا مثلي مهربان، اي قالا!

سوكولوب ديوارين، توكولوب داشين

اوره گين يقين دولودور، بوجور چاتيليب قاشين!

كئچيب عصرلر، دئه نه لر چكيبدي سنين باشين؟

كيم اولوب ازلده كي يولداشين

و سيلاحداشين؟

سوكولوب ديوارين، توكولوب داشين...

گئنه ياز گلنده هميشه لاله دي سير داشين

گورونور ووروب سنه ضربه لر

كئچن عصرلر و قرينه لر...

گئنه توكجه سارسيماييب ولي ووقارين سنين

و چكيبدي قامچيلارين زامان كوره گن قالا

و چكيبدي داغ اوره گن قالا

و ووروبدو زنجيري ايگيت بيله گن قالا

كي، بوغوب سسين، قويا سون بويوك ديله گن قالا...

گئنه لاله لر

ياز اولونجا قالديراراق سينه نده پياله لر

دئييري كي، قاينايان آل قانين هله دونماميش

ووقارين گئنه، كئچيري مين ايكي يوز ايل، بو گونده تالانماميش

هله سونمه ميش آلاوين، اگر چه اوزون زاماندي كي، يانماميش

قاپانيبدي ياد قانيله، زامان توز ا يله گوزون

دوداغيندا دوندورولوبدو خنجرين سوزون...

گئنه لاله لر

ياز اولونجا قالديراراق دوشونده پياله لر

دئييري: اينانماميسان، قالا، اولن اوزون

و عصيرلرين كولو اورتسه ده

يانيري ايچينده پيريل- پيريل غضبين، كوزون...

ديله گل، دي آچ اوره گين قالا!

دئه نه دير سنين ديله گين قالا

دئه نه لر چكيبدي باشين، داشين؟

سني كيم اولوب بو گونه قويان؟

قوجا دوشمنين، يا كي يولداشين؟

باشيوي اوپوب اوتوشن بولود

نفسين دئييل؟

ديريسن، دئمك اولو سان قالا

اوزو غملي سينه سي قان قالا!

دئه نه دير آدين؟

كيم اولوب، دانيش، قوجا فرهادين؟

تانيميرسان بو علي الدوام

قوجاغان قوناق گلن اوولادين؟

گتيريب بولار ووقاران سلام

كي، اوپوب شرفلي بو توپراغين

ائل اوچون ايگيتليگه آند ايچه

حياتيندان، ائل دئسه، واز كئچه

دئه نه دير آدين؟

نييه دينميسن؟

نييه سوسموسان؟

قالا دينمه يير

نه جواب، نه سوز، نه ده بير كلام

نه ده سس- سمير!

قالانين گزير سينه سين نسيم

گزيشير نسيم ايله آغ بولود

جواب آلمايينجا يانير ايچيم...

قالانين ديبينده اوتورموشام

دولانير باشيمدا فيكير مدام

اوره گيمده دغدغه، مين خيال

نئچه مين سوال!

گونش اودلو توپ تك اوفوقده ساللاناراق باتير

و قيزيل دونويلا گلين كيمي بزه نير قالا

گئجه شرقدن چاپاراق آتين قانادين سه رير

و ياواش- ياواش يوماراق گوزون دره، داغ ياتير

و طبيعت ايله ده من اوزوم!

دئيه بيلمه رم نه زامان منيم يومولور گوزوم...

گوزومو يوخو آپاران كيمي

گوزومه گوروندو هامان قالا

كي، قيميلدانير قوجا شيرلر يوخودان سحر اويانان كيمي

اوجاليردي هئي بو سوسان قالا

اوجالينجادا، آغاريردي صبح چاغي دان كيمي

قالانين بو هئيكلي عاقبت

دونوب اولدو بير اولو قهرمان

آتي كيشنه ييب شاها قالخيري

قيلينجي الينده پاريلدايان

او وورونجا هاي دره، يال و داغ

دونوب اولدو اوردو، ايگيت، قوچاق

گله رك تلاطمه اوردولار

بيري توركيجه

بيري توركمن، بيري كورديجه

باغيريرديلار:

اولو بابكه

ابدي شرف، بويوك افتخار!

ياييليردي شيمشه گه بنزه ين سسي بابكين

داغا، دوزلره

و ايشيق ساچيردي يانان ببكلره، گوزلره

و اومود وئريردي اوركلره

گوج اولوردو قوللارا، ديزلره

ياييليردي شيمشه گه بنزه ين سسي بابكين:

بو يئرلر بيزيم دير ازلدن، بيزيم

نييه دوغما يوردومدا من قول گزيم؟

نييه ياد اليلن سويولسون ائليم؟

نييه سوسدورولسون شكر تك ديليم؟

بو يئرلر بيزيم دير ازلدن، بيزيم

گرك اوز دياريمدا آزاد گزيم

قودوز شاهلارا بيز ازلدن ياديق

خليفه آدين قويسادا، شاهدير او

سيزين تك بشر، يوخسا آللاهدير او؟!

عرب قارداشين دا گوزل يوردو وار

او يوردوندا اوز عشقي وار، دردي وار

قوي آزاد گزه دوغما يوردوندا او

بو آزادليغا بيز اوركدن شاديق.

گوواراسي اولسون او شيرين حيات

و لاكين بو يئرده بيزيم دير بيزيم

گرك منده يوردومدا آزاد گزيم!

عرب قارداش اولسا، اونا قارداشيق

آغير گونلرينده اونا سيرداشيق

قيلينج ايله گلسه و لاكين، اولار

بو يورد اونلارا هر بير آدديم مزار!

قيام ائيله ينده بيز آند ايچميشيك

آزادليق اوچون هر نه دن كئچميشيك

بو يئرلرده بيز

يا آزاد گرك ايشله ييب دينجه لك

و يا خود شرفله ايگيت تك اولك

سويولسون نييه كندلينين هر زادي

چيچكلنسين آمما اونون باغدادي؟!

بو ائللر آزادليق سودوندن امير

ايگيت تك اولر، لاكين اولماز اسير

ائشيتسين، دوشونسون بونو معتصم:

بويورسون دويوش قصدي وار مئيدانا

آزادليق گركدير بوتون ايرانا

گرك حر اولا فارسي دا، توركوده، كوردوده

بو ائللر حقيقت بيلير قرآني

اونا سارسيماز ذره جه ايماني

گئدير عرشه ائللرين آلقيشي

گزير آت بئلينده قادين، كيشي

بو ائلين گوزونده يوخ آسلانين

ديشي، اركگي!

امه گي جوشور آزاد انسانين

قيلينج الده هم آپارير خيشي

چالاغان كيمين

او حاضيرلاشير گله جك سمالارينا اوچوب هاوالانماغا

ايش اولوب شرف و امك بولاق كيمي قاينايير

قوتاراندا ايش قيزي، اوغلاني چاليب اوينايير...

گاه آخير دومان كيمي اوردولار

ازيليب، دونور لپه لر كيمين

آزاد انسانين گوجو سئل كيمين داغيدار، ييخار

داغيدار قارانليغي، گون چيخار...

بو ظفر سورور دوز ايگيرمي ايل

دويوشور، اكير آزاد اولموش ائل...

آزاد اولسا ائل اميرين حياتي اولار قارا

چكيليب ايچينده خليفه ليك ائله بيل دارا...

دوشونور مدام قوجا معتصم

او كي ائتدي شيعه يه مين ستم

اوره گينده كينه، اوزونده غم

سحر- آخشام ايشلري مصلحت

نه قالير نديم، نه ده باش بيلن...

تاپير عاقبت

قوجا حيله گر ظفرين يولون:

كوره دن دميري چيخادار دمير

بوكه جكدي يولداشي بابكين او پولاد قولون

ازه گر او توركو بو توركلر

آغاليق قالار بيزه بي خطر!

كوره دن دميري چيخادار دمير

گئدير افشينه قوجا ائلچيلر، بويوك ارمغان

گئدير اوزبكيستانا هر سحر دولو كاروان...

گليب آخيريندا اوپور او، معتصمين الين.

عرب اوردوسو، عجم اوردوسو

نه كي واردي شرقده، غربده

سودانيندادا، يمنينده ده

ميصيرينده ده، عدنينده ده...

آخيشير گلير، قارالير سهند

ساوالان سوسور، آلينير ميشوو

بوغولور قانيندا دا مازيار

كسيلير آراس، سوكولور مرند...

بورويور دومان كيمي اوردولار...

قورويور قانيله تامام بير ايل

قوجا ايرانين شرفين، آدين

و آزادليغين قوجامان بو ائل

و اوجالديردي گويه فريادين

سووارير قانيله داغين، داشين

ياد اونونده ديك توتور اوز باشين

آنالار وئرير ايگيت اوغلونو

گلين ايسه سئوگيلي يولداشين

نه گركدي بونلار آزادليق اولماسا ملته؟

آزاد اولمايان ايه جك يقين باش اسارته

اسير عومر سورسه اگر جوان

او، جوان دئييل، سورونن كوله!

شيرين عشقدن نه قانار بشر

آزاد اولماسا اوز ائوينده گر؟!

قوجا سومباتين، قوجا تولكونون

بير ائلين دوزون بير عومور دادان

اوزو دوست ايكن، ايچي بير ايلان

بئله دوشمنين آجي خنجري ده يير آرخادان

قورولور كمند

توتولور قوچاق

توتولور بوتون ياري، يولداشي

قيريلينجا ساقه، سينار بوداق

وورولور آزاد دوغولان بيلكلره عاقبت كلك ايله بند.

اوتوروبدو تخته باخير گولر قوجا معتصم

تاجي اينجيلي، ائوي محتشم

سوزولور شراب

دانيشير كامانچا، گولور روباب

سوزورو اسير گلن اينجه قيز و گلينلر هئي

دولانان پياله لر هر آن بوشالينجا مئي...

وئرير امر جلادا بابكين قوپارير قولون

آييرير سولون

ساغ الينن او اوزونه چكير بير اووج قانين

بو نه دير؟- دئيه، سوروشور خليفه ي مسلمين!

ائشيدير جواب:

من ائليم كيمي قانيله، جانيله سنه دوشمنم

ساري رنگينن

قاباغيندا من

آياغيمدا كونده اگر اولم

يازاجاقدي تاريخينيز كي ، قورخودان اولموشم

سيليرم بو لكه ني اوز قانيملا من ايندي دن!

يوخودا بو حالته آغلاديم

بير ائلين اوميدي باتان گونه

ساوالانين ياد اليله بختي ياتان گونه

نييه باتدي گون، نييه اولدو بابك ائل اوغلوموز...؟

نييه لرله گويلره دوغرو گوز آپاراندا من

گورورم دورور گوزومون اونونده هامان قالا

گئنه بابكين اولو هئيكلي

اوزانيب الي

اوجادان دئيير:

اونه باخ، اونه

گويه يوخ، منه!

اولومون گوجو ائل اوچون اولنلره چاتماميش

ياتيب ائل، ولي قالا ياتماميش

چاغيرين ائلي، بوغا ظلمتي

قيرا زنجيري، آتا ذلتي

چاغيرين ائلي، آييدين، دورون

كي آلاولار اولكه سي شن گرك

آزاد ائللره اولا تن گرك

آييلين، بوغون بو قارانليغي

گونو ميخلايين گويون آلنينا

سيزه قول كيمين ياراماز حيات

گوزون آچ اوزون، ياتاني اويات

آييلين، دورون

دويوشوب آزاد بير حيات قورون...

ائله نعره چكدي بو سوزلري باغيران زامان

كي، اوياندي يئر، ساوالان دا اسدي، سهند ده

ميشوون باشين بورودو دومان

تر ايچينده منده هراسينان

آييلان زامان

يوخودان دوروب قالانين بوتون دره سي، داغي

گونشين قيزيل كيمي بايراغي

بزه يير فقط قالانين باشين!

باش اييب اونون اوپورم بو گون ده پولاد كيمين دايانان داشين!

سون

سن اوسان منده بویام

سو دئییبدیر مــــــنه اولده آنـــــــــام آب کـــــی ،یـوخ

یوخو اوئرتدی اوشاقلیقدا منه خواب کی يوخ

ایلــک دفعه کی چؤره ک وردی منـه نان دئــــمه دی

ازلینــــدن منه دوزدانه، نمکـــــدان دئمــه دی

آنام اختــــــــــــر دئمییبدیر منه،اولــــدوز دئــــییب اؤ

سو دوناندا دئمییب یخدی بالا،بوز دئییـــــب او

قار دئییب،برف دئمییب،دست دئمیــــیب ال دئییب او

مـنه هئچ وقت بیا سؤیله مه ییب گل دئییب او

یاخشی خاطیرلاییرام یاز گونو،آخشـــام چاغیــــــلار

باغچانین گــــون چیغانیندا کی ایلق گون یاییلار

گه ل- دئییردی-داری ییم باشیوی ای نازلـــی بـــــالام

گلمه سن گر باجیوین آستاجا زولـــفون دارارام

او دئـــــمزدی کـــی،بیا شـــــــانه زنم بر ســــــر تو

گــــر نیائی بــــزنم شـــــانــــــه سر خواهر تو

بلی!داش یاغسادا گؤیدن سن اوسان منده بویـــــام

وار سنین باشقا آنان،واردی منیم باشـــــقا آتام

اؤزومه مخصوص اولان باشـقا ائلیم واردی منیـــــم

ائلیمه مخصوص اولان باشقا دیلیم واردی منیم

ایسته سن قارداش اولاق،بیر یاشییاق،بیرلیک ائده ک

وئرگینن قول-قولا بوندان سورا بیر یولدا گئده ک

اولا" اؤزگــــــــه کــولکلرله گـــــرک اسمیه ســــن

ثــــانـــیا" وارلیقیما،خلقیمه خور باخمـــــییاسان

یوخسا گر زور دییه سن میلتیمی خــــوار ائده سن

گون گلر صفحه چؤنر،مجبور اولارسان گئده سـن

پروفسور دوکتور محمد تقی زهتابی

بيز اوستون گلميشيك هر سيتمگره،
آرخادا اوْلموشوق ا‌زيلنلره،
حتي باج وئرمه‌ديك بيز ايسكندره،
سود وئريب ارشكه، اشكانا خلقيم.
بيز قوودوق ايراندان يادي ، يوناني،
قورتارديق ظولمدن فارسي، كيرماني،
خلقيمين تاريخده وار آدي، ساني،
دئييلدير قورو، بوش افسانا خلقيم.
عرب بو توپراغا چكنده شمشير،
اوْنون شمشيريني قيردي جوانشير،
بابكين نعره‌سي هله‌ده ياشير،
قالاسين ساخلايير آلانا خلقيم.
عربين بو يئردن ظولمونو قازان،
مگر اولماميشدير آلپ‌ارسلان؟!
قورويوب بو يئرين ، بلي هر زامان،
شرافتين مرد ـ مردانا خلقيم.
اوندا كي يو‌خ ايدي ايراندان نيشان،
قيزيلباش ائيله‌دي ايراني ايران،
ايرانا باش اوْ‌لدو آذربايجان،
سالدي ايشلريني سهمانا خلقيم.
مشروطه زاماني اولو ستارخان
ايستيبداد دئوينه توتاراق ديوان،
آزادليق پري سين گتدي ارمغان،
توْي توتدو سولطانا ، خاقانا خلقيم.
هله ده اوْلوبدور ديللر ازبري،
قوْچاق موجاهيدين ايگيدليكلري،
بيزيمدير اونلارين بؤيوك هونري،
اؤيونور سالارا، باغبانا خلقيم.
جسارت كانييدي خيابانيميز،
اونونلا ديريلدي بو ايرانيميز ،
او بيزيم فخريميز، حيكمت كانيميز،
سؤزلرين ساييري دوردانا خلقيم.
شئخ ممد سوسمايان آلوولو سسدير.
ميلي وارليغيما او تكجه بسدير،
تاريخه هاي سالان گوٍجلو جرسدير،
اؤيونور بئله ‌بير اينسانا خلقيم.
ايل كئچر ، بير ميلت بير اينسان دوغار
اوْنون تدبيريله دوشمانين بوغار،
داهيلر توپلانار ، خلقه گوٍن دوغار،
چو‌خ وئريب دهيلر ايرانا خلقيم.

یازان: محمد تقي زهتابي

پروانه نين سرگذشتي

سئودا گولونون رايحه سين تازه جه قانميش
گول- گول قاناديندان آزاجيق شعله ده يانميش
پروانه ني گوردوم.
سرميشديسه يانميش قانادين تورپاغا يورغون
دوشموشدوسه ديلدن، گئنه ده آتشه وورغون
باخماقداايدي حيرصيله، اولدوز كيمي، گوزلر
اوددان نه گوروبسن، آ زاواللي؟ - دئيه، بير آن
توتدوم قاناديندان.
ساپديرماياراق گوزلريني بير دم آلوودان:
- بيگانه سن، اي – سويله دي- افسانه لريمدن
قالديرديغيم اولده كي پئيمانه لريمدن
احواليمي بيلسه ايدين ازلدن گر آديمدان
توتمازدي الين ايندي بو يانميش قاناديمدان
- عاشيق تانيميشدير- دئديم- آنجاق سني دونيا
ائتمز سن، آديندان گورونور، دهرده پروا
اوددان و آلوودان.
اما دئه گوره ك حاليوي، افسانه وي بير- بير
قصدين نه دي يانماقدان اود ايچره، اونو بيلدير؟
- من سويله رم اما- دئدي- ال چك قاناديمدان
لاييق دئييل آزاد اولان انسانلارا زندان:
" دايم مني اوخشاردي آنام كورپه اوشاقكن.
تك لايلاريندان بونو خاطيرلاييرام من:
"آتشله يارانديق!"
اورتردي عصيرلرجه يئري قاپ- قارا پرده
مطلق او قارانليقلاري يلدا گئجه لرده
شيمشكلر عجايب سسيله گورلاييب، هردن
اوز اودلو قيلينجيله بير آنليقجا ياراركن:
- باخ، گور، بودور آتش- دئيه، سويله ردي آنام، من
فيكره داليب، آتش دئيه، قاچماق دوشونركن
اوخشاردي و سويله ردي منه قايغيلي گوزله:
تئزدير، هله گوزله!!
آخشام چاغي بيرگون بوتون عالم قارالاندا
ظلمت قوشو هر بير طرفه كولگه سالاندا
خلوتده آنام سويله دي:
- دولدون ياشا آرتيق،
كئچميشدير او گونلر، بالا، كئچميشدير اوشاقليق
عقلين كسير آرتيق، قولاغ آس سويله ييم ايندي
قلبيمده كي سيرري:
" بير آخشام آتان، گوستره رك شمعي اوزاقدان،
- هر وقت- دئدي- كورپم اولار بير ايگيت آسلان،
سويله، اوسانيب تنگه گتيرسه اونو ظلمت
بيلمه ك ديله ييب سورساكي، بس هاردا حقيقت؟
قوي گئتسين اورا، اوردا حقيقت نه دير آنلار
گر بير آتا تك اوندا منيم حق- سعييم وار
گئتسين كي، يئتر نسله بو گئتمكله شرافت
كئچميش بابالاردان منه چاتميش بو وصيت…
قورتارجاق آتان اوددو اونو قاپ- قارا پرده،
دونمه دي بيرده.
دوزدور بالا اونلار، دئميره م بير داها تكرار
كئچميش آنالاردان منه قالميشدير اينان بو
حق يول بو، حقيقت بو دور، اسرار جهان بو…
ظلمتده بونو سويله يه رك ، ايتدي بير آندا
گئتدي آنام دا…
×××××
گون كئچدي، زامان كئچدي، قارانليغدان اوسانديم
شيمشك چاخان آن ياتميش ايديم سانكي، اويانديم
آخشام چاغي، ائتجه ك بالاما من ده وصيت
آتش دئيه گئتديم.
تاپديم من اوز آختارديغيمي اوردا نهايت
هر بير شئي اينان: شعله، ايشيق، نور، حرارت…
- بيلديم، دئه- سوآل ائيله يه رك، بيرده دايانديم:
- قاندين مي حقيقت نه دير آخير؟
- بلي قانديم.
لاكين او زامان سيرريني آنجاق اونون آنديم
كيم اودا يانديم.
چونكي قاناديم اوددا يانان دمده، بير آنليق
گوردوم نئجه محو اولدو ايشيقلاردا قارانليق!!
- يانماقدادا، بيچاره – دئديم- وارمي حقيقت؟
- يانماقدا حقيقت سنه افسانه دير البت،
اما منه يوخ، چونكي، قارانليقدان اوسانديم
اودسوز عومورون قلبه ماحال اولدوغون آنديم،
آتش دئيه گئتديم و نهايت اودا چاتديم
ظلمت تورونو نورايله بير لحظه ده آتديم
بير دمده ايشيقلاندي باشيم دا، بدنيم ده...
فيكريمده ن اوزاقلاشمادي اما وطنيمده
ظلمتلره قلبيمده درين نفرت اوياندي
فيكريم او قارانليقلاري بوغماقدا داياندي
جومدوم اودا، آچديم قولومو اودلو هوسله
تا بير قوجاق آتش گتيريم يوردوما تحفه
رحم ائتمه ييب عصيان آلوو جسميمي ياخدي
شر قووه لر آت چاپدي قانيم سئل كيمي آخدي
يانماقدادا، عشقيم كيمي، ديلده ن- ديله دوشدوم
قان دالغاسي آتدي بو آزاد ساحيله دوشدوم...
ال چك قاناديمدان، گوروسن بيتدي حكايت.
- الدن سني سالميش بو آغير گون، بو فلاكت
مرهم قويارام، دوز بوگونو – سويله ديم آرام-
قورتارمادي گون، وار يئنه ده آيري بير آخشام.
- يوخ، يوخ- دئدي- سن آنلامادين قلبيمي، هئيهات!
هر عصره ياراشماز نه او مجنون، نه او فرهاد
هر بير گونون اوز حوكمو، اوز افسانه سي واردير
هر آيري اودون، آيري دا پروانه سي واردير
هر بولبول ايله بير گول آچير عشق باغيندا
هر قيز گلين اولمازمي مگر اوز اوتاغيندا؟
آچميش بو گولون ده دلي- ديوانه سي يم من
ايندي بو اودون، قان بونو، پروانه سي يم من
ال چك قاناديمدان!!
ال چك كي، دوغولموشكن اوزوم فيرتينالاردان
ساكت باخا بيلمه م دلي عمانا كناردان
هر دالغاسي بير عومره برابر هيجاندير
هر نعره سي خلق عاشيقينه بير تازا جاندير...
باخ كوكره ين عمان نه دئيير اودلو سسينده
مين نغمه سي، مين آتشي وار هر نفسينده
من گرمه لي يم سينه او چيلغين لپه لرده
گول- گول قاناديمدان گره ك اونلار اوپه لرده
چارپيشماسا قول اوردا، پولاد تك سوواريلماز
شيمشك كيمي قول اولماسا، ظلمت كي ياريلماز
- اوددور او، ياخيب وارليغيوي يانديراجاق دير!
- يانديرماغينا جاهيل اونون كورپه اوشاقدير.
اوددا ياناراق، ظلمتي بوغماق ديله رم من
آل شعله اولوب، عرشه اوجالماق ديله رم من.
اوددان و آلوودان دوغولوبسوز اوزونوزده
واردير هله ده اودلو قيغيلجيم گوزونوزده
اوددان بو ساغينديرمازا بيلمه م نه سبب وار؟
- آلقيشلاميش آتشلري پئيوسته ازلدن
اوددان دوغولانلار.
آلقيش دئييرم من ده او وولقانلارا قلبا
وولقان گوجونه قورموش اليم گوللو گولوستان
قوي سن كيمي اود ياورولاري فيض آلا اوندان
- قورموشدور الين بير تازا گولزار ، بو دوزگون
غواص تك اونلار كي، و لاكين دور آرارلار
گولشن دئييل، سهو ائتمه سم، عمانه وارارلار!!
- بير آرزو دور هر شخصه حياتين دادين آلماق
- لذت! نه گوزه ل سوز! بونا شك ائتميره م ، آنجاق
فرض ائت بورادا خيضر قدر اولدو حياتيم
هر فيرتينادان، فرض ائيله يك، اولدو نجاتيم
عومروم كئچه جكدير، توتاليم، هر يئني گونده
مين تويدا، دويونده...
آخير مني بير گون اوداجاقدير قارا تورپاق
بس اوندا وطن قلبينه باتميش قارا جايناق؟!
بس وارليغيمين، منليگيمين خاليقي ائللر؟!
بس گنج اولاراق چيمديگيم افسانه لي گوللر؟!
روحون، كونولون، حسلرين دايه سي گوللر؟!
بس اوندا سويون ايچديگيم او گوزگو بولاقلار؟!
پئيوسته بولودلا اوپوشن نازلي او داغلار؟!‍‍‍‍‍‍
يوز بار وئره ن هر شاخه ده جنت كيمي باغلار؟!
چوللر‍،دره لر،يام- ياشيل اطلسلي ياماجلار؟
قاققيلداشاراق گويده سوزه ن نازلي توراجلار؟
آزادليق اوچون چارپيشان ائل؟ قان توكه ن انسان؟!
ترك ائتديگيم آل قانا بويانميش اولو مئيدان؟!
زحمت آناسيندان مدنيت دوغورانلار؟!
بس وارليغيمي قانلي ترايله يوغورانلار؟
بس اوندا حالال سود كي،اوشاقليقدا دوشونده ن
امديم آنامين من؟!
بس بونلارا بورجوم؟!
بس اوندا وصيت؟ اونودولسون مو وصيت؟!
ترك ائتسه م اگر،مين كره نفرت منه نفرت
يوخ،يوخ،منه گولزاردا پئيمانه گركمز
شهلا، جان آلان نرگس مستانه گركمز
دلبر دوداغيندان امره ك مست اولوب اولمه ك
من ايسته مم، آللاهي سئورسن، بوراخ، ال چك
دايم تازاليقلار گونونون ايلك ايشيغيندا
چيممه ك و ايسينمه ك ديله ين تشنه بو كونلوم
ائل آرزوسو عمانيني بير دمده، بير آندا
كوثر دئيه، ساغر كيمي، ايچمه ك ديله يير، قان!
ال چك قاناديمدان!!

یازان: محمد تقي زهتابي

+ 87/07/07 ائلچی |

مؤجیز شبیسترلی یه بیر نامه