| تبليغات | X |
|
آپاردیلار گولومی - ائیله دیله ر ظولومی- نه قویدولار دانیشام - نه کسدیله ر دیلیمی
|
باکيدا بير کندده موهاويره
کندلي:
-- دئنيلير، ائلم اوخويون، سؤزلري هر آندا بيزه،
بونو تصديق ائدييور آيئيي-قوران دا بيزه،
آخوند:
-- هانسي قوراندير او کي، اوندا يازيلميش بو خبر؟
شيه موللاسي يازان تورکيجه قورانسا اگر،
من اونون يازديغي قورانا ياويق دورماييرام،
ماشا ايله ياپيشيب، ال ده بئله وورماييرام.
کندلي:
-- خوب، بويور سونني يازان بير نئچه تفسيري اوخو،
علمين ايجابي اوچون اونداکي تقديري اوخو!
آخوند:
-- اوخ، آپار بير يانا آت سونني يازان تفسيري!
باشينا ديسين اونون ترجومه سي، تهريري!
بيزلره موللا فيلانکس يازان آسار گرک!
بيز اولاق اونداکي مضمونه خبردار گرک!
کندلي:
-- او يازيب: يئر اؤکوزون بوينوزو اوستونده دورور،
بيز گرکدير ايناناق کي، کيشي بويله بويورور؟!
آخوند:
-- بونا شوبهن ده وار؟
کندلي:
-- البتته، اينانمام بو سؤزه!
آخوند:
-- نلتوللا، آ گاوور، شکک ائدييورسان اؤکوزه؟!
ميرزه علي اکبر سابير
****************************************
باکيدا وئريلن " حاقايق " ژورنالينين 3-جو نؤمرسينده کولليياتي
سديدن نقلن درج ائديلميش بير قزله نذيره
تني-آده مي شريفست بئناني-آدميت
نه همين کمالو فزلست نيشاني-آدميت
اگر آده مي بئنيتقستو و بئلهنو سووفي-ديلکش
چئ مييانگي-قرامافون، چئ ميياني-آدميت
خوروشو پيلوو فيسينجان، خونگ آبي-قندو فينجان
هئيوان خبر ندارد زيخخوني-آدميت
بئتبيت آده مي شو پئيي سفک خوني-ايخوان
رگو خوني آدميخور بئدهاني-آدميت
اگر اين درنده خون نبود چئ سان توان کرد
همه امري-جيندبازي بئزباني-آدميت
گوزراني فله ديدي ... تو سوال کون، زيقئيرت
بئدر آي تا بيني-گوزراني-آدميت.
ميرزه علي اکبر سابير
****************************************
باريشنالارا داير
ائي گول، نه عجب سيلسيلئيي-موشکي-ترين وار،
آهو نظرين وار!
وئي سرو، نه خوش جان آليجي قمزه لرين وار،
هم عيشوه لرين وار!
آلداتدي جاوانلاريميزي نازو کيريشمين،
فيروزئيي-چئشمين!
خورمايي ساچيندا نه بلا تلخي-برين وار،
زهرين، شکرين وار!
باشدان آياغا شهد کيمي صافسن، ائي شوخ،
شففافسان، ائي شوخ!
آما مکه سي-نهل کيمي نيشترين وار،
اينجه کمرين وار.
ابنايي-وطن وقف ائيله يير وصلينه جانين،
هم روحي-روانين،
حتّی قوجالاردان دا نئچه بختورين وار،
ياخشي خبرين وار.
ائتدين ساچيني " قوفراوات، " ووردون اوزه " روميان " --
جؤولان ائله، جؤولان!
بير ائو نه موناسيب سنه، هر ائوده يئرين وار،
هر يئرده ارين وار.
آنجاق دئمه تاجيرلره عشقين اثر ائتدي،
ديوانسر ائتدي.
عاميللره توججاردان آرتيق اثرين وار،
فتحين، ظفرين وار.
مکتبليلر ايچره دئييل آز صؤحبتي-رويين،
کئيفيتي-مويين.
درسي-قه مي-عشقين اوخويان مين نفرين وار،
آشيفته لرين وار.
قافقازلي موسلمانلار ائدرسه سني قايب،
فيکر ائتمه اجايب.
ايرانلي موسلمانلاري تک ابدي-درين وار،
مين دربه دهرين وار.
خود سانما کي، مئيخانه ده چوخدور سنه اوششاق،
ديدارينا موشتاق.
مسجيدده دخي بير نئچه خونينجييرين وار،
شوريدسرين وار.
بيلمم نه فوسون ائيله دين، ائي فيتنئيي-اَييام،
اويدو سنه ايسلام؟!
هر شهرده، هر بلده ده بس جانسوپرين وار،
ديلداده لرين وار.
عاشيق آراييب عالمي سئير ائيله دين آما،
خئير ائيله دين آما،
بير زؤوجي-هلال ايله دولاشسان ضررين وار،
خووفين، خطرين وار.
هر خامي-تمه عاشيق ايله اولفتين اولماز،
اونسيتين اولماز؛
وارين يوخ ائدن سرخوشا اول نظرين وار،
سونرا هزرين وار.
گؤوهر ساچيلير، زر ساچيلير يار يولوندا،
ديلدار يولوندا.
ائي بحر، سانيرسان سنين آنجاق گوهرين وار؟
وئي کان، زرين وار؟
هوپ-هوپ، دئمه بيخود کي، من اويدوم او نيگاره،
باخ اهلي-ديياره.
ائي قافيل، اؤزوندن سنين آنجاق خبرين وار!
خونابي-ترين وار،
دردين، کدرين وار،
چوخ دردي-سرين وار،
بو کؤهنه باشيندا
تازه خبرين وار.
ميلت بئله باتدي،
اوممت ايله ياتدي.
خود، سؤيله، آي آخماق؟
داشي کيم اوياتدي؟
دينمه، خطرين وار!
ميرزه علي اکبر سابير
باکي پهلوانلارينا
کؤنلوم بولانير کوچه ده جؤولانيني گؤرجک،
نيطقيم توتولور هرزوو حديانيني گؤرجک.
جانيم اوزولور الده کي قالخانينا باخجاق،
قلبيم آليشير بئلده کي پاترانيني گؤرجک.
باخديقجا رئوولوئرينه انداميم اولور سوست،
باغريم ياريلير خنجري-بوررانيني گؤرجک.
تفريق ائدمم: مستمي، هوشيارميسان سن،--
مستانرويش، مشيي-پريشانيني گؤرجک.
دوشدون لوتولوق مشقينه، ايسلاما اويوشما،
اؤلدور نئره ده اولسا موسلمانيني گؤرجک.
قوي بؤرکونو کج قاشي نين اوستونده، فيريلدا
کندين کيمي بير لوتيگي-مئيدانيني گؤرجک.
مست اول گئجه-گوندوز، نه بيليم، يات نئره لرده،
يوم گؤزلريني خانئيي-ويرانيني گؤرجک.
امردلر ايله کئيفيني چک باغدا، چمنده،
بير باخما دا اطفالي-جييرقانيني گؤرجک.
گاه " ايسکوروخود " چکمه، گهي گئي " لاکورونني " ،
وئللن گئجه-گوندوزده خورامانيني گؤرجک،
وار-يوخونو صرف ائيله باريشنالارا، آنجاق
سؤي همسري-مظلومئيي-نالانيني گؤرجک.
گول، گول کي، جاوانسان،
عياشي-جاهانسان،
سرخوشلارا جانسان!
واختا کي، قوجالدين،
ريشي دؤشه سالدين،
پيس گونلره قالدين
اوندا بيله جکسن!....
ميرزه علي اکبر سابير
باکي فللرينه
بو چرخي-فلک ترسينه دؤوران ائدير ايمدي،
فله ده اؤزون داخيلي-اينسان ائدير ايمدي.
اولماز بو کي، هر امره دخالت ائده فله،
دؤولتلي اولان يئرده جسارت ائده فله،
آسوده نفس چکمه يه حالت ائده فله،
ياينکي هوقوق اوسته عداوت ائده فله؛
بو چرخي-فلک ترسينه دؤوران ائدير ايمدي،
فله ده اؤزون داخيلي-اينسان ائدير ايمدي.
فله! منه بير سؤيله، ندن حؤرمتين اولسون؟
آخير نه سبب سؤز دئمه يه قودرتين اولسون؟
ال چک، بالا، دؤولتليلره خيدمتين اولسون،
آز-چوخ سنه وئرديکلرينه ميننتين اولسون!
بو چرخي-فلک ترسينه دؤوران ائدير ايمدي،
فله ده اؤزون داخيلي-اينسان ائدير ايمدي.
دؤولتلي، آماندير، اؤزونو سالما بلايه،
فله سؤزو حاقق اولسا دا، باخما او سدايه،
يول وئرمه نفس چکمه يه هرگيز فوقرايه،
اؤز شنيني پوچ ائيله مه هر بيسرو پايه!
بو چرخي-فلک ترسينه دؤوران ائدير ايمدي،
فله ده اؤزون داخيلي-اينسان ائدير ايمدي.
آلدانما، فقيرين اولاماز اقلي، ذکاسي،
چون يوخدور اونون سن کيمي پاکيزه ليباسي،
يوخ سروتي، يوخ دؤولتي، يوخ شالي، اباسي،
وار کؤهنه چوخاسي، دخي بير تکجه قباسي؛
بو چرخي-فلک ترسينه دؤوران ائدير ايمدي،
فله ده اؤزون داخيلي-اينسان ائدير ايمدي.
ايسترسن اگر اولماغا آسوده جاهاندا،
Тا اولماياسان قملره آلوده جاهاندا --
فله اوزونه باخما بو بيهوده جاهاندا،
اؤز فيکريني چک، اول دخي فرسوده جاهاندا؛
بو چرخي-فلک ترسينه دؤوران ائدير ايمدي،
فله ده اؤزون داخيلي-اينسان ائدير ايمدي.
گؤر ميلتي نين درديني، آختارما دواسين،
ال چکمه يئتيمين باشينا، کسمه سداسين،
زينهار قويوب دهرده بير خئير بيناسين
ياد ائيله مه، شاد ائيله مه ميلت فوقراسين....
بو چرخي-فلک ترسينه دؤوران ائدير ايمدي،
فله ده اؤزون داخيلي-اينسان ائدير ايمدي.
ميرزه علي اکبر سابير
آي جان! آي جان!
دوشدو بوتون قزئتلر قييمتدن، آي جان، آي جان!....
خالقين جاني قورتاردي تؤهمتدن، آي جان، آي جان!....
قيل يايماييردي اصلا زاليملارين گؤزوندن،
روسواي ايديک جاهاندا ملونلارين سؤزوندن،
آخ، آخ! نه ياخشي اولدو، ايش دوشدو اؤز-اؤزوندن،
اللشمه ميش قوتارديق زحمتدن، آي جان، آي جان!....
دوشدو بوتون قزئتلر قييمتدن، آي جان، آي جان!....
بادي-صبا، آپار وئر، موللا قواما موژده،
يازسين، دئ، لعنکراندا موللا سلاما موژده،
سؤيله، او دا يئتيرسين جومله عواما موژده؛
دوشدو بوتون قزئتلر قييمتدن، آي جان، آي جان!....
مونبرده رقصه گلسين بئهجتدن، آي جان، آي جان!....
عرض ائت بشارت ايله قافقايداکي ووجود:
ژورنال، قزئت قاپاندي، دورما، ييخيل سوجوده،
هر نه بيليرسن ائيله قئيبتده، روبروده،
يازماز دخي يازانلار بيدتدن، آي جان، آي جان!....
دوشدو بوتون قزئتلر قييمتدن، آي جان، آي جان!....
گئت قوببه يه سلام ائت موللا حاجي بابايه،
سؤيله توتولدو جومله ژورنال، قزئت وبايه،
مؤمون موريدلر ايله دور قوش سدا-سدايه،
اوممتلرين ييغيلسين هر کتدن، آي جان، آي جان!....
دوشدو بوتون قزئتلر قييمتدن، آي جان، آي جان!....
ياتدي قزئت يازانلار، فورست دخي سيزيندير،
قارشيدا وار اوروجلوق، صؤحبت دخي سيزيندير،
مسجيدده منبعر اوزره لعنت دخي سيزيندير،
آيريلمايين اؤلونجه لعنتدن، آي جان، آي جان!....
دوشدو بوتون قزئتلر قييمتدن، آي جان، آي جان!....
ميرزه علي اکبر سابير
