| تبليغات | X |
|
آپاردیلار گولومی - ائیله دیله ر ظولومی- نه قویدولار دانیشام - نه کسدیله ر دیلیمی
|
ياشاييشين بالا کرپيجلري
اچ.جکسين براون
کؤچورن -ائلچي
دقت: ارکين چئوريليش
life little instructions بيتيکيندن
***********************************
اوغلوم!
نه ساياغ يارديم ائده بيلرم کي اوزاغي گؤره سن؟
گل چيينيمه
اوزاغا باخ
شيمدي منه سؤله
نه گؤرورسن؟
***********************************
هر گون لاپ آزي بير موغام عاليم قاسيم اوف دان دينله
هر گون اوچ کسه حؤرمت ائت
ائوده بير حئيوان ساخلا
آزيندان ايلده بير دفعه گونشين دوغماغين گؤر
او کسلري کي چوخ سئويرسن دوغوم گونلرين اونوتما
ايستي ال وئر گؤروش
دانيشاندا ائشيدنلرين گؤزلرينه باخ
بو سؤزلردن چوخ قوللان:ياشا ساغ اول
حامامدا سسيني آت باشينا اوخو
هر يازدا بير گول اک
گليريندن آز خشله
اوجوزلو ماشين آل باهالی ائو
ديرلي کيتاب آل !اوخوماساندا
اؤزونو اؤزگه لري باغيشلاماغي اؤير ه ن
ديش ايپين هر واخت گرکدير قوللان
بير اوشاغ کيمي هئچ زادا خوش اول
دؤيوشده ايلک تاققاني وور! به رک ده وور
بورجونو چاغيندا اؤده
هر واخت دويدون حاقيندير ايسته
بعضي چاغلار اؤيرن
بعضي چاغلار اؤيرت
هر گوزل شئيي بير دفعه ده اولموشسا تجروبه ائت
ائله داوران کي ايستيرسن سنينله داورانسينلار
هر يازدا دير آغاچ اک
ايلده آزي بير يول قان وئر
تازا يولداش تاپ اسکي يولداشلاري اونوتما
سير داش اول سير ساخلا
چوخ اکيس سال
هئچ واخت سينما
سئوينجي صاباحا آتما
آليشوئريش اؤيرن آما آليشوئريش آللارينا چاغلاريني يوخ ائتمه
قاشقاباخلي اولما
ديشلرين فيرچالا ديش خميرين قاپاغين قاپات
سئچ سئچيل
اؤزگه لري دانلاما .اؤز ياشاييشين آل اله ن
پيس دؤوراندان ياخشي قوللان
پالتارلارين کي گييميرسن وئر فاغيرلار قوي سئوينسينلر
ائله ياشا کي اوشاغلارين هر واخت کيشيليک گؤردولر سني خاطيرلاسينلار
شوخلوقدان گولدورمه يه چاليش نه آلچاتماغا
خبره اينانما خبرسيز قالما
بير کامئرا آل
اوجاليغا چاليش و ديرين اؤده
اؤزونو قوخماز گؤرست هاتتا اگر قورخاخسان .وندا هئچ کيم بيلميه جک
اوشاغيني جزا وئرديکدن سونرا باس باغرينا
اؤيرن گؤزل بير شئي الينده ياراداسان
بير ال اوزاندي سنه ساري سيخ سيخ
يالنيشلارين قبول ائت
ائوله نيم گونونو اونوتما
سيکلئت سور
خئير ايشلرده چاغيندان واريندان مايا قوي
ساغليغي آز بولمه
بير کس سني ايشه چاغيرسا ماراغين اولماسادا اونونلا دانيش
بير کسين سؤزون ائشيتمه دن فيرستلره قاپيني باغلاما
وارين چوخ اولسادا اوشاغلاريني ايشه چاليشدير
تنه وورماخدان اوزاخ گز
جوخ لوکس رئستوراندا يئمک يمه
بير ائوده ياشايانلارا گوونمک چوخ اؤنمليدير
اسکي کيلاسداشلارييلا بير قوناقليق قور
تايپ ائتمگي اؤيرن
قويما بير کس سني سينيخ گؤرسون
ياشاييش يولداشيني گؤزاچيخ سئچ
ائله ياخشيليق ائت کي هئش کيم بولمه سين
هميشه بير گؤزل اؤنونده اولسون حاتتا بير چيچک اولورسا
اؤلکه يين ياسانامه سين بير يولدا اولورسا اوخو
او بيتيگي آمانات وئر کي اولماسادا اولماييب
بؤيوک بئيينلره باخ کيچيک سئوينجلردن کئچمه
مالي رئپورتاژلاري اوخو
هردن بير جوجوقلاران دئ:سن نه گؤزلسن سنه چوخ گووه نيرم
هر گون اوتوز دقيقه يئهين يورو
دوغوم گونونده اؤزونو قوتلا
پارتيلرده بير بارداقدان آرتيق چاخير ايچمه
سوروجولوگو اؤيرن
گولش قاباغ اول پولو يوخ ديري چوخ
قيريشمال اولما
هر گئجه مئيوه يئ
بير کسين اينامينا توخونما
اوتلارين آدين اؤيرن
آش ا ئوينده و ماشيندا اود سؤندورن کئپسولون اوسون
موللا يا اينانما بير يولدا اولسا قوران اوخو
هئچ واخت باهالي چاخير چمدان ساهات آلما
موبايلين وارسا ساعات آلما
قاپيني باغلا قونشونو اوغرو توتما
اورک يارديمييلا نفس يولون آچماغيني اويرن
يول قيراغيندا دوروب تاريخي يازيلاري اوخو
پاپيونلا کيراوات باغلاماغي اؤيرن
ماشين تايئري دييشمگي اؤيرن
قولاغ آسماغي اؤيرن نييه کي شانس ياواش قاپيني دؤير
جوجوقلارييين اوتاغينا گيرنده قاپيني دؤي
اؤزگه لرين آديني اؤيرن
بير ايسپور تيمينه قاتيل
اؤلکه لرين باشکندلرينين آدين اؤيرن
توريست کيمي تبريزه باکييا گئت
یئنه سیخینتیلار چه کدیله ر قوشون
داغیتماغ ایستیلله ر سینمیش گویلومی
من قاچا بیلمیره م اوزومده ن دوشون
سو باسیب چه کدیییم ره سملریمی
اود دوتوب یانیرام گه وده ده ن یئنه
نئجه بو یانقینی سوندوره نمیره م!
دنیزله ر گه ره کدیر, منده گؤز یاشی
بیر سیرا اؤزومی دیندیره نمیره م
Yenə sıxıntılar çəkdilər qoşun
Dağıtmağ istillər sınmış göylümi
Mən qaça bilmirəm özümdən düşün
Su basıb çəkdiyim rəsmilərimi
Od dutub yanıram gəvdədən yenə
Necə bu yanqıni söndürənmirəm
Dənizlər gərəkdir məndə göz yaşı
Bir sıra özümi dindirənmirəm
اولادیم مه ن اولادیم
هادی قارداش اولادیم
اولادیم
اولاماخداندا یورولدوم
آخی بوردا قوزولار قورد بالاسی
یوخویا وورسا اگر ئوز ئوزونی بیر میلله ت
اویادانمازسان اونو
داها ستار خان اؤلوبدور
باغیرا ارک یده ن او ئوز ائلینه
دویوشه ن تئللییه باخ قان آپاریب
بئله بیر قهرمانی اصلینده
یاراماز ائل یارادانماز
هر یاغیش سئل یارادانماز
ایندی او ائلله ری سئلله ر آپاریب
داها" صابیر" قلمی شئر یازمیر
کی او"میلله ت نئجه تاراج اولور اولسون نه ایشیم وار"
بلکه"دوشمنلره مؤحتاج اولور اولسون نه ایشیم وار"
ایندی "معجز " اومودی یوخدو بیزه
کی معللیم کیلاسیندا آناسی دیلده ده تعلیم ائلییه
دا کوروغلو سه سینی داغلار ائشیتمیر
بوردا چوخدان آپاریب سئل سارانی
دیلیمیزده ن یارالی
ائلیمیزده ن آرالی
اوتوروب کؤرپونون اوستونده قوجا خان چوبانی
قوناغیخ ئوز ائویمیزده
اولموشوخ بیزده یابانجی ائلیمیزده
بیر هه جه ر قوچ نبی سیز نئیلییه بیلسین
قوچ نبی ائلسیز اولوب
گؤز یاشینی بس نئجه سیلسین
قوچ کوراوغلو ده لی سیز چه نلی بئله بیرده گئده نمه ز
سه ن گؤره ن اییده آغاجلار
داها چوخدان که سیلیب تاختالیغا
آرازین لیل سویو قویمور هاوا گه لسین بالیغا
دا قاطارلار واقونو دوپدولودور دیل یوکونه ن
بوشادیر بوردا ,آپاریر او قیزیل بوغدا لاری یئر کوکونه ن
هامی بوردا یئییری
ئوز چوره یین میننه تینه ن
اولادیم مه ن اولادیم
"کی سه سیم سینه م دوتولدو"
هه ره بیر داش گؤتوروب ووردو دؤشومده ن
ائلچی
Uladım mən uladım
Hadıqardaş uladım
Ulamaxdanda yoruldum
Axı burda quzular qurd balası
Yuxuya vursa əgər öz özünü bir millət
Oyadanmazsan onu
Daha səttarxan ölübdür
Bağıra ərkidən o öz elinə
Döyüşən TELLiyə bax qan aparıb
Belə bir qəhrəmanı əslində
Yaramaz el yaradanmaz
Hər yağış sel yaradanmaz
Indi o elləri sellər aparıb
Daha SABIR qələmi şer yazmır
Ki o “millət necə taarac olur olsun nə işim var”
Bəlkə” düşmənlərəmöhtaac olur olsun nə işim var”
Indi MÖVCÜZ ümüdü yoxdu bizə
Ki məəllim kilasında
Anası dildədə təəlim eliyə
Da KOROĞLU səsini dağlar eşitmir
Burda çoxdan aparıb sel SARAnı
Dilimizdən yaralı
Elimizdən aralı
Oturub körpünün ustundə qoca XANÇOBANI
Qonağıx öz evimizdə
Olmuşux bizdə yabancı elimizdə
Bir HƏCƏR qoçNƏBİsiz neyliyə bilsin
qoçNƏBİ elsiz olub
göz yaşını bəs necə silsin
qoç KOROĞLU dəlisiz çənli belə birdə gələnməz
sən görən iydə ağaclar
daha çoxda kəsilib taxtalığa
ARAZın lil suyu qoymur hava gəlsin balığa
Da qatarlar vaqonu dopdoludur dil yükünən
Boşadır burda aparır o qızıl buğdaları yer kökünən
Hamı burda yeyiri
Öz çörəyin minnətinən
Uladım mən uladım
“ki səsim sinəm tutuldu”
Hərə bir daş götürüb vurdu döşümdən
Elçi
بیزیم ائلله ر
بیزیم ائلله رده گؤزه للیک گؤیده
هر بیر اولدوز هارا ایسته ر دولانیر
گئجه له ر بوردا بئله سونسوزدور
گوندوزو گؤرماغ هامان گؤز سولانیر
بیزیم ائلله رده گونه ش ساچماز کی
شاخدادان شیرده کی سو بوم بوزدور
بورادا قار چیچه یی آشماز کی
کوچه ده بئلله ر هامی قوندوزدور
بیزیم ائلله رده بوتون تاکسی لار
مئیدانی یوز ده فه له ر دوور وورار
یوللارین اووه لی یوخ آخیری یوخ
یاناجاغ تا قوتولار اوردا دورار
بیزیم ائلله رده آزادلیخ رؤیا
بو شیرین مئیوه نی نه ائوده یئدیک
نه ده بیز قونشودا گؤردوک حاشا
او گوموش قاندالا هیر هیر گولدوک
بیزیم ائلله رده بازارلار دولو دور
قه پ مالیینان دوزه هئچ یوخدی تانیش
فاس بازاردان ایکی دیل آلمالیسان
بیرینی ائوده بیرین ائشده دانیش
بیزیم ائلله رده گؤیول دارماداغین
اوره یین ایسته یینه چاتماغ یوخ
عشق له ر, شاخدا ووروب گول بوداغین
هئچ اوخی هئش هه ده فه آتماغ یوخ
بیزیم ائلله رده هامی پوزقوندور
دوداغین قاشماغی دیر بوردا دیله ک
بیزیم ائلله ر قاطارین تاخ تاخ تاخ
تونئله گیرمه ک هاما ن باسدی کوله ک
بیزیم ائلله رده هامی بیر رنگدیر
ره نگ به ره گیمه یاساخدیر بوردا
هامی باشلار آشاغی اولمالیدیر
ایسته یین مالی قاچاخدیر بوردا
ائلچی
möcüz şəbistəriyə bir namə
möcüz elə bir millət-i iran ayılıbdır
qalx gör ki min illik yuxusundan ayılıbdır
indi ağa baş vurmamağı əmr eliyibdir
başdan başa hammı qara köynəkdi geyibdir
,,get sən uzağa ,, hər nə xurafatə deyiblər
o görduyu işdən də pəşiman ayılıbdır
möcüz elə bir millət-i iran ayılıbdır
daş kuçələrə indi ki asvatdı vurublar
hər cüm,ə guni kuçədə heyətdi qurublar
hammı elə yorqun, niyə? zəncirdə vurublar
səsdəndi ki qonşi nə hərasan ayılıbdər
möcüz elə bir millət-i iran ayılıbdır
ruxsari açıblar bizim eldə nə xanımlar
öz dilləri yox özgə dilində danışillar
farsi ərəbi ingilisi yaxşı qanıllar
təsdiqi alıb sürmağa peykan ayılıbdır
möcüz elə bir millət-i iran ayılıbdır
onda şahınan şeyx biridi o talanda
şahı aşırıb guldi bir imam-i zamanda
indi şahımız şeyxidi əlbəttə imamda
tanrı ediri hər yerə fərman ayılıbdır
möcüz elə bir millət-i iran ayılıbdır
irza xanın oğlun nəvəsin sürgün ediblər
hər nə gecədir döndərərək və!gun ediblər
məhtabı çıraxlari vurub düzgün ediblər
mulla gətirib ta edə tuğyan ayılıbdır
möcüz elə bir millət-i iran ayılıbdır
mən bir nəfərəm dəftərini gəzdirərəm mən
çindən gəlirəm armağanın əzdirərəm mən
farsı danışan kətdiləri bezdirərəm mən
əllidi yatan buxcada divan ayılıbdır
möcüz elə bir millət-i iran ayılıbdır
indi daha da sən görən o toplar açılmır
indi ətomun vaxtıdı yollar qaçırılmır
muşək aparir eylədə zəhmət çəkirilmir
birdən görusən küfrüdə tufan ayılıbdır
möcüz elə bir millət-i iran ayılıbdır
vəhdət guni vəhdət qoparıllar bizim ellər
elmiylə sənət güllər açıb cəhlə gülüllər
covcuxlarımız səfdədə təsbeh çövurullər
farsi duvalardan sora quran ayılıbdır
möcüz elə bir millət-i iran ayılıbdır
hərdən deyilir azəribaycan da oyaxdır
iranlılara cəng güni yaxşı dayaxdır
fas qardaşına can verər o yaxşı uşaxdır
indi daha o azəribaycaz ayılıbdır
möcüz elə bir millət-i iran ayılıbdır
düşdi qələmim bilgi sayarın qırağınnan
sındı kağazın qəlbi bu naməm sorağinnan
ağlaadı uşax mən bətər oldum uşağımnan
yeerin batirib vay bizim oğlan ayılıbdır
möcüz elə bir millət-i iran ayılıbdır
elçi 2007.12
مؤجیز شبیسترلی یه بیر نامه
مؤجیز ائله بیر میللتی ایران آییلیبدیر
قاخ گور کی مین ایللیک یوخوسوندان آییلیبدیر
ایندی آغا باش وورماماغی امر ائلییبدیر
باشدان باشا هاممی قارا کؤینکدی گئییبدیر
گئت سن اوزاغا, هر نه خرافاته دئییبدیر
او گوردویی ایشده ن ده پشیمان آییلیبدیر
مؤجیز ائله بیر میللتی ایران آییلیبدیر
داش کوچه لره ایندی کی آسواتدی ووروبلار
هر جومعه گونی کوچه ده هیئتدی قوروبلار
هاممی ائله یورقون ,نیه زنجیرده ووروبلار
سس دندی کی قونشو نه هراسان آییلیبدی
مؤجیز ائله بیر میللتی ایران آییلیبدیر
رخساری آچیبلار بیزیم ائلده نه خانیملار
اؤز دیللری یوخ اؤزگه دیلینده دانیشیللار
فارسی عربی اینگیلیسی یاخشی قانیللار
تصدیقی آلیب سورماغا پیکان آییلیبدیر
مؤجیز ائله بیر میللتی ایران آییلیبدیر
اوندا شاهینان شیخ بیرایدی او تالاندا
شاهی آشیریب گولدی بیر ایمام زامان دا
ایندی شاهیمیز شیخ ایدی البته ایمامدا
تانری ائدیری هر یئره فرمان آییلیبدیر
مؤجیز ائله بیر میللتی ایران آییلیبدیر
ایرضا خانین اوغلون نوه سین سورگون ائدیبلر
هر نه گئجه دیر دونده ره ره ک وه گون ائدیبلر
مهتابی چیراخلار ی ووروب دوز گون ائدیبلر
موللا گتیریب تا ائده طوغیان آییلیبدیر
مؤجیز ائله بیر میللتی ایران آییلیبدیر
من بیر نفره م دفترینی گزدیریره م من
چین ده ن گلیره م ارماغانین ازدیریره م من
فارسی دانیشان کتدیلری بئزدیریره م من
اللیلدی یاتان بوخچادا دیوان آییلیبدیر
مؤجیز ائله بیر میللتی ایران آییلیبدیر
ایندی داها دا سن گوره ن او توپلار آچیلمیر
ایندی اتم ون وختی دی یوللار قاچیریلمیر
موشک آپاریر ائله ده زحمت چکیریلمیر
بیر ده ن گوروسن کفروده طوفان آییلیبدیر
مؤجیز ائله بیر میللتی ایران آییلیبدیر
وحدت گونو وحدت قوپاریللار بیزیم ائللر
علمیله صنعت گوللر آچیب جهله گولوللر
جوجوخلاریمیز صفده ده تسبیح چووروللر
فارسی دوعالاردان سورا قرآن آییلیبدیر
مؤجیز ائله بیر میللتی ایران آییلیبدیر
هرده ن دئییلیر آذری بایجان دا اویاخدیر
ایرانلی لارا جنگ گونی یاخشی دایاخدیر
فاس قارداشینا جان وئره ر او یاخشی اوشاخدیر
ایندی داها او آذری بایجان آییلیبدیر
مؤجیز ائله بیر میللتی ایران آییلیبدیر
دوشدی قلمیم بیلگی سایارین قیراغیندان
سیندی کاغاذین قلبی بو نامه م سوراغیندان
آغلادی اوشاخ من بتر اولدوم اوشاغیمدان
یئرین باتیریب وای بیزیم اوغلان آییلیبدیر
مؤجیز ائله بیر میللتی ایران آییلیبدیر
ائلچی 2007 /12
yuxusuzluğum
dun gecə istədim uşaxlanam mən
dunyanın qəmini bütöv atam mən
bilgi sayarımın düyməsin aşdım
bir uşağ kimi kartuna gaşdım
kartunun faylına klik eylədim
hedfonu qulağa qoyub dinlədim
hansına baxım mən
Bilirəm məyə
qoy görum biri var
baxmağa dəyər
Ceri tam
Canqıl boy
ya ayrısı var
Kinq layn
yaxşıdır hövsələm açar
bir təsmim ciddi mən yaşayışımda
dutmuşam dönmərəm yaşlı yaşımda
səsini azaddım bilgi sayarın
heç kim eşitməsin aslant harayın
başladim baxmağa ilkidə guldum
Prənses kyara
gəldi dunyaya
hamıya qoşuldum mən də sevindim
bir uşağ kimi
inindım ona
xiyalda məndə
oynadım onla
boy atıb böyudu sevincilə o
We are one oxudum məndə onunla
nifrəti bilmədi yaşayışinda
eşgilə sevinci öyrənirdi o
azadliğ günəşi orda saçırdı
o birlik mahnısı yurək açırdı
tərsinə bir çayın o tayındada
bir bölum aslanlar yaşayırdılar
kyovo bir aslan cocuğuydu o
nitrətlə ıinəylə doluydu o
niyə ki böyləsi öyrətmişdilər
ajlığda yaşayan aslant olanmaz
yırtıci olar o heyvan olanmaz
dunyaya gəlməmiş öyrətmişdilər
nifrəti kinəni ajlığı ona
intigam mahnısın oxuyardılar
=======
Soruşdum özümdən man ha taydayam
Nifrəti əzəldən əzbərəm ki mən
Niyə ?
Çun bu taydayam?
Soruşdum Soruşdum Soruşdum yenə
Kövrəlib …………
Yenədə yuxusuz galdim
Elçi
يالواريرام قوي ياشاييم
آغير يوكومو داشاييم
نه ايستيره م سنده ن من:
بير احترام
بير كاسا سو
ياوان چوره ك
بير ديليم ديل
والسلام
نه آزادليق ايسته ييره م
نه ائو ائشيك
نه ده بير يورد
جوجوقلاريما نه بئشيك
بير ديليمه باغيريرام
بير ديليم ديل
والسلام
يالواريرام قوي ياشاييم
نه ايستيره م من سنده ن:
گوزگو بولاغ
بير قه ريش يئر
يانيق دوداغ
والسلام
بولاغ باشيندا اوخويوم
قار گيله ماهنيلاري
اكيم بيچيم بوغدالاري
من دانيشيم
تك،دانيشيم
اوزوم ايله!!!
نه ايستيره م من سنده ن
نه ييم وارسا سنين اولسون
يوردوم يووام
ائليم اوبام
داغيم داشيم
آزادليقيم
همدانيم
دوز مغانيم
سهندايله ساوالانيم
او زنگانيم
نه سولدوزوم!
داديم دوزوم
اورموگولوم
قوشا چاييم
خوي محاليم
گوتورگونن
داش ماكيمي
قزوين ايله آستارامي
نه بيليم
هاردان هارامي
(تبريزي قيما رام دئيه م)
قاباغيندا وئره رسن مي؟
ئوز ديليمي
اوسئوگيمي
نه عشقي مي!
وارليقي مي.....
يوواسيزدا قالارام من
وطني ده تاپارام من
قانادسيزدا اوچارام من
آياخ يالين قاچارام من
.....
ائله ديليم سيزله ميشم!
گوروم ديلين سيزله يه سن
- ياندي ديليم – سن دئيه سن
نه ايستيره م من سنده ن؟!!!!!!
بير ديليمه باغيريرام
بير ديليم ديل
والسلام
ائلچی
گئدنلر بوش گئدیر گلنلر دولو
آی قیز دوشونده کی قیزیل گول کولو
درسم اولدوره للر درمه سم اوللم
آرازدان نه گوزه ل مه یئلی گلیر
آراز قیراغیندا اولموشام اسیر
بو سؤزدور دیلیمین اوجونو کسیر
دئ سم اولدوره للر دئ مه سم اوللم
هایقیردیم دونیایا اؤزومی دئدیم
وطنسیز بیر تورکم من هارا گئدیم
کس دئدی آذری!من آذری ییم
دین سم اولدوره للر دینمه سم اوللم
یارالی بیر ائلین نیسگیلییه م من
دیلسیز ائل گولومون بولبولویم من
ساراسیز چوبانین بولولویم من
چالسام اولدوره للرچالماسام اوللم
ساوالان سهند تک اولو داغیم وار
گوللری شاخدالی قارا باغیم وار
لاله تک آل یاناغ بیر بایراغیم وار
اؤپسم اولدوره للر اؤپمه سم اوللم
اورکلی بیر قوردام سورویه وورموش
آرازدا بالیخجی توزاغی قورموش
آوچو الینده یای اوزومده دورموش
قاچسام اولدوره للر قاچماسام اوللم
ائلچی
Bizim koroğlu 1
Bir gün varıydi bir gün yoxuydu. Bir evdə dörd adam yaşırdılar .Ata ana bir oğln bir qız.Qızın adı ədalət oğlanın adı birlik iydi.Ata işçiydi . O hər gün dan yeri sökməmiş işçilər meydanına gedərdi .Ogün ki iş düşəndə sevicək işliyib əlinin əməyin alıb bazardan ev adamlarına yeyib işmək alardi amma o gün ki iş olmazdı mayıl müşkül evə qayıdardı.Uşağlar atasının əliboşluğuna baxmadan qaçıb atalarınin boynunu qucaxlayıb yorulmayasan deyərdilər.İllər günlər boylə keçirdi.Uşaxlar yavaş yavaş boyatıb böyüyürdülər amma ata ana tez tez yaşlanıb qocalırdılar.Ata bir soyux dəymədən sonar ösgürməsi kəsilmədi. Günu günə zəyiflirdi .Daha onu bir kəs işə aparmırdı.günləri yaman keçirdi.Dunyada tək varlıxları bir böyük ev ləri varıydi ki oda dədə mallarıydi.Çox gecələr o evdə ac yatıb ac yuxudan dururdular.ƏDALƏT ilk kilasda dərsə gedirdi və BİRLİK orta oxulda .Bir gün evin anası ata dedi –
- Ay kişi axı geçinənmirik.Deyirəm BİRLİK daha oxula getməsin axı indi heç kim kasıblarda dərs oxuyub ondan çörək yiyənmir hər kəs partı var o gedib bir idarədə nə bilim bir bankada işə başlır ancax bizlərin qisməti bir tikə qanlı çörəkdir yavanlığıda göz yaşı.
Evin atasının bu sözdən ürəyi qıjıldayıb qan beyninə daşlandı
- Nə deyirsən xanım .Uşağa indidən bu sözü deyib onun əlin söyutma.Mən hələ ölməmişəm mən öləndən sonra hətmən bu işi gör amma ta diriyəm o dərs oxumalıdır.Birdə bu sözü eşitməyəcəyəm.
- Nə deyrəm ki axı....
- Bulurəm.
O gecə BİRLİK ilə ƏDALƏT yatanmırdılar .Özözlərinə deyirdilər ki axı biz ata anamızdan nə istirik ki bunlar bir belə düşgündulər?
Sonki gün uşağlar mədrəsəyə gedəndən sonra evin atası bir yer bonqaha gedib evin yarısın satıb bir tükan almağ istirdi. uşağlar mədrəsədən qayıdandan sonra elə ki gördülər atası evlərinin yarısın satıb ,cox üzüldülər .Axı onlar harda oynayacağlar cəx sürəcəklər .Oxulda böylə diyirdilər ,hər uşağın oynamağa haqqı var.
Günlər keçdi evin atası bir bala tükan alıb sevinə svinə bazardan hər nə gətirib orda satmağa başladı. Tükanın adında BİRLİK SUPER MARKET yazdi.Yazıçı yazmamış polislər yetirib evin atasına dedilər
- O adı dəyiş
- Niyə ki?
- Məgər bülmürsən türkü ad yasaxdır?
- Yox BİRLİK mənim oğlumun adıdır
- Onu dəyiş yoxsa marketin bağlanacağ
- Olsun dəyişib qızımın adin qoyaram
- Qızın adı nədir ?
- ƏDALƏT
- Nə ???????????
- O ki türkü deyil fas bir addı.
- Fas deyil ərəbdir o gərək heç yerdə tapılmasın
Polis getdi ancağ BİRLİK i silib SUPER MARKET qaldi.Yavaş yavaş müştərilər çoxalırdı ta bir gün bir ağa qapıdan girib salamdan sonra dedi:
- Burdan bir yol vuracayıx və sizin tukanız yola gedəcık hətmən şəhrdari idarəsinə gələrsiz
Evin atasının ürəyi tez tez vururdu.Məmur gedəndən sonra tez qapəni baglayıb şəhrdarıya qaçdı .şəhrdar bir saqqalı bir qaşqabağlı bir ağaydı.ev atası əsə-əsə gördüyün dedi :
-Mən neyləməliyəm?
- siz işlamağa heç mücəvviziz yoxdur amma biz sizə bir az pul verərik ta ayrı bir iş gürəsiz
- nə qədər
- yarım…..
- mən onunla heş bir iş görənmərəm
-sənin al verə haqqın yoxdur
Ev atası cox yalvardı şəhrdar az eşiddi .axırda bir polisə dedi ,,at eşiyə bunu,,
Ev atası evə gəldi kefsiz qapıdan girdi .xanım soruşdu:
- Nəolub?
- Tükani da əlimizdən alıllar.yığışdırmalıyıx
- Yox??????
- Yol vuracaqlar tukanın yerinə bir az pul verillər ki tukanın ondanbir dəyəri olmur
Günlər teztez keçirdi ta divarlar bir bir yıxıldı . Bir az pul verib evatasıni tükandan eşiyə ötürdülər.
Daha sahat tələsmirdi yavaə yavaş qolları dolanırdı dunənki sabahkı kimi .Ev atası evdə oturub dizlərin qucaxlayıb fikirdəydi.Neyləsin neyləməsin?evdən heç səs gəlmirdi.təkcə xanımın ahhh səsi və uşağların cəxlərinin cırcır səsi ki həyətin dalanında sonsuz qədər dövr vururdular. Bir fikir vurdu beyninə amma qurur qoymadı qalanın fikirləşsin . Dilənsin !!!!
Bir gün bu qurur sınacağmı?
*******************************
Qar ağır yaəırdı.Bir kişi başına paltov örtu üzün gizlədib əlin açmışdı.Hər keçən bir söz beyirdi:
-Bura bax yazığın əli donub
-yox ey bunlar şarlatan qırışmaldılar
-…..
Biri bir pul əlinə qoyub tanrının yanında özuni üzi ağ bulurdi.biri çox pul verəndə vijdaninın yanına özün rahat hiss edirdi.biridə heç bülmürdu niyə pul Verdi
Amma hamı istirdi görsənsin bizim boyumuzun qəhrəmanı istirdi gizlənsin hatta öz oğluda onu oxuldan gələndə hər gün gorürdi amma atasın tanımırdı
Ta bir gün bir kişi ev atasının donmuş əlindən yapışıb isti əlləriylə qızdırmağa başladı.Sonra dedi:
- A kişi utanmirsan?
- Niyə utanıram
- Niyə dilənirsən?
- Mənə bir iş verəcəksən ?
- Yox .bülmək istirım
- Nə olsun ki ?
- Bəlkə əlimdən bir iş gəldi
bizim boyumuzun qəhrəmanı başına gələnlərin bir azın söylədi .O kişi başını aşağı salmışdı .başın qovzayanda ev atası gördü ki o boyda kişinin gözləri dolub.heş yaraşmırd.O kişi bir tük papağ bığı bırma uca boy bir cavanıydı.dedi:
-mən sabah gələcəyəm birlikdə gedib sənin pulunu şəhrdardan allam
- sən?haha
O kişi mobaylın çıxadıb zəng vurub dedi:
- Hei dəli sabah 8 də şəhrdarinin qabağında ol
*******
Sabah ev atası xiyabanın qırağında oturub üzün gizlədib əlin açıb dilənirdi ki bir nəfər əlindən yapışıb dur gedək söylədi
- Hara? Sən kimsən?
- Mən dünənki adamam
- Axı dünənki ayrı….
- His!üzümi deyişmişəm
Ev atası özözünə belə fikirləşirdi ki :elə bil işimiz işdir
Bir azdan sonar şəhdarın otağındaydılar.şəhrdar telefonla danışırdı.bir az dözdulər bəlkə ağa şəhrdar qurtulsun amma olmadı ki olmadı.axırda o kişi durub telefonu şəhrdarın əlindən alıb qodu yerinə. şəhrdar hislənib dedi:
- Nə edirsən?
- Bizim işimiz var axı
- Ged eşiyə
- Bizim işimiz var axı
şəhrdar gördi bu qərə o qərələrdən deyil.dedi:
- Işin nədir
- Bu kişinin tükanın alıbsan pulun ver
- Siz kim olasız
- Mən koroğlu yam
şəhrdar qahqah gülürdi.elə ki hatta gözlərindəndə yaş gəlirdi.o halda dedi:
- Koroğlu çoxdan olübdür .hahhahhah….
- Yeni koroğlu .
- hahhahhah….pul mul yoxdur Yeni koroğlu hahahaha
Ev atasi qorxa qorxa onların hər ikisinə baxırdı.koroğlunun hovsələsi qaçıb bir əlin şəhrdarin ağzına qoyub bir əliynən biləyin dutub elə sıxdı ki şəhrdar çabalırdı.koroğlu dedi :
- evində rahat yatanmayacaqsan əgər bu kişinin haqqın verməsən
sonar şəhrdarı ötürdi. şəhrdar çığırırdı:
- sərbaz ay sərbaz
koroğlu aqqışqadan eşiyə atıldı .polis qapıdan içəri girib Nə olub qurban soruşdu.şəhrdar daha gülmürdi .pəncərədən eşiyə baxırdı .gördü ki bir motorcu koroğlunu uzağlaşdırdı. Qolun ova-ova ev atasına dedi:
de görüm nə qədər istirsən .pulun al gözdən itil. Daha onda sonar koroğlu dilənçini heş vaxda görmədi
******************
Bizim koroğlu 2
Xiyabanda bir hay duşdi.Maşınlar durdular .Yol bağlandı.Hamı yığışdı əllərində mobayl film götürürlər.
“Sənə qurban olum təbrizin yolu
Gedənlər boş gedir gələnlər dolu
ay qız döşündəki qızıl gül kolu
dərsəm öldurəllər dərməsəm ölləm”
arazdan nə gözəl meh yeli gəlir
araz qırağında olmuşam əsir
bu sözdur dilimin ucunu kəsir
desəm öldurəllər deməsəm ölləm
hayqırdım dünyaya özumi dedim
“vətənsis bir turkəm” man hara gedim?
kəs dedi azəri! mən azəriyim!!!!!!!!?
dinsəm öldurəllər dinməsəm ölləm
yarali bir elin nisgiliyəm mən
dilsiz elgülümün bülbülüyəm mən
sarasiz çobanın bülülüyəm mən
çalsam öldurəllər çalmasam ölləm
savalan səhəntək ulu dağım var
gülləri şaxtali qara bağım var
lalə tək al yanax bir bayrağım var
öpsəm öldurəllər öpməsəm ölləm
ürəkli bir qurdam sürüyə vurmuş
arazda balıxcı torunu qurmuş
avcı əlində yay üzümdə durmuş
qaçsam öldurəllər qaçmasam ölləm
elçi
özgə dilə yazmaram
dadlı dilim var mənim,özgə dilə yazmaram
doğrasalarda məni ,yazdığımı pozmaram
aydın ışıx yolum var getməliyəm yolumi
farsı yazarmış atam birdaha mən azmaram
qibləgahım təbrizim ,ona deyim dərdimi
dinləyəcəkdir mənı ərəbcə namazmaram
yaralıyam dilimnən dağılmışam elimnən
səttarxanın heykəlin qazaram ürəyimnən
ferdovsinin daşını dağdaşdada qazmaram
imla inşa yalnışın tapsan mənə demə çün
kor tutduğun bıraxmaz yazsam daha pozmaram
elçi
Ata can
Sən əgər yuxuydunsa
O şirin uyğuma birdə
Gələ bilsən nə olar?
Nə yaman günlərə qaldım
Sən öləndən sonra
O güni
O qaranlığ gündə
Mən uşağ oynamağa getmişdim
Ki QIZILÇAY qırağinda
Da bütün qussələri
Elə birbir soyunam
Ki döşəm məndə çiməm
Məşəbayram da gəlirdi
Ah
çiynindəki bel
hara bu bel külüyüynən?
biri yoldan keçəri
baxdı soruşdu
dedi MƏŞSƏN də ölübdi
çimməmiş paltarı geydim
tudabanə evə qaşdım
yolda mən əhd elədim ki
dadaşım ölməsə gər
ki mən onbeş gün oruş tutmalıyam
keçinirdi ürəyim
evə girdim dadaşım!
Yatmışıdın
yazığ əmmə yazığ əmmə
gözünün yaşlarını gizlədə bilmirdi yazığ
Mən dedim ki bacıma
Dadaşım burdadı ha
Mən uşağ nə anlıyaydım
Ki sən indi öləcəksən
Ama annam baxışıyla
mənə bildirdi ki mən
Beş yaşında kişiyəm
axı mən birdənəyəm
tək oğul
o güni məşsəhnə əmqızı gətdi məni öz evlərinə
başımı qatdı uşaxlar
iki gun mən orda qaldım
o gecə mən səni gördüm yuxuda
ağrıyan dişlərimi ağzımdan
götürürdün birbir
yuxudan disgindim
hə
nə yaman göylümə düşdün
səhər olmuşdu dadaş!
evə qaşdım
axı mən yol yeriməzdim
sən diyərdin
bala qaşma yıxılarsan
evi sənsiz gördum
hanı bəs dadaş soruşdum
dedilər getdi çölə
o ki mənsiz gedə bülməzdi çölə
bacılar səssəsə ağlaşdilar amma
məni-maymax təzə büldüm ki ölübsən
başladım mən gedirəm
bulurəm mən dadaş harda
o qəbistannıxda
necə ağlıram yanıxlı
məni heş kəs tuta bülməz
gedirəm mən
gedirəm
gəldim axtardım ama
da səni tapmadım eyvay
otuz ildi axtarır göz
nə deyim ki
yandırır söz
sən gedəndən sora mən tək qaldım
elə yalqız
neyləmək
xatirələr vardi dadaş
sən qoyubsan mənə çox xatirələr ersiyyə
amma səndən sora hammı atalar
qocalıblar
mənim amma dadaşim
ürəyidə
bir cavandır yaşıyır
heşdə qocalmır
indi mən bir ata olsamda əyər
yenə sənsizlədişəm
yenə o isti əlin göylə düşübdi
ELÇI
آي منيم weblogايم
گوزه ل اتاغيم
ائويم ائشيگيم
آغاج بئشيگيم
سني دوشويوم
سني دوشه ره م
فيكره دوشه ره م
سني بزه ره م
هيسي ني آللام
يانيندا قاللام
سيليب سوپورره م
كيپريگيم ايله
دستمال چكه ره م
گوز ياشيملان
من قورخا قورخا
عزيزلريمين
عكيزلريني
سالارام قابا
آنا صفحه يه
گوللر ساچارام
دادلي siteلار
پيوت ورارام
هه
ياديما دوشدو
آرشيو آچارام
اوره گيم سوزون
ديوارلارينا
شكسته خطده ن
يازما يازارام
قوناق گله جك
آي!دسته دسته
گلسينلر داها
يئرلري واردير
بو گوزوم اوسته
يادلار نه گوزه ل
دئميشديلر كي
‹‹مهمون بيايد
حبيب خداست››
بعضي قوناقلار
جانان اولاللار
بعضي گله للر
تك باش چكمه گه
گله للر مني سئوينديرمگه
بعضيلر گله للر
سوز آپارماغا
بعضيلر گله للر
دوز آپارماغا
بعضيلريده، فرحله نرلر
بعضيلريده، كدرله نرلر
گلسينلر
گلسينلر داها
با دسته دسته
يئرلري واردير
بو گوزوم اوسته
سوزلريميزي
اوزگه له رينه
سويله مه سينلر
ائلچی
فارسی یازارمیش آتام بیر داها من آزمارام
قیبله گاهیم تبریزیم اونا دئییم دردیمی
دینله یه جکدیر منی عربجه نامازمارام
یارالییام دیلیمنن داغیلمیشام ائلیمنن
ستارخانین هیکلین قازارام ئوره گیمده ن
فردوسی نین داشینی داغدا داشدا قازمارام
ایملا اینشا یالنیشین تاپسان منه دئمه چون
کور توتدوغون بوراخماز یازسام داها پوزمارام
ائلچی
بو شعرین تیتری و بعضی مصرعلری آیری قیزغین و دولو شاعیرده ن دیر اولجه شاعیره ن اجازه ایستیره م
آتا جان
سن ایه ر یوخویدون – سا
او شیرین اویغوما بیرده
گه له بیلسه ن نه اولار؟
نه یامان گونله ره قالدیم
سه ن اوله نده ن سونرا
او گونی
او قارانلیغ گونده
مه ن اوشاغ اویناماغا گئتمیشدیم
کی قیزیل چای قیراغیندا
دا بوتون قوصصه له ری
ائله بیربیر سویونام
کی دوشه م مه نده چیمه م
مه شه بایرام دا گه لیردی
آه
چیینینده کی بئل
هارا بو بئل کولویوینه ن؟
بیری یولدان کئچه ری
باخدی سوروشدو
دئدی مه شسه ن ده اؤلوبدی
چیممه میش پالتاری گئیدیم
تو دابانه ائوه قاشدیم
یولدا مه ن عهد ائله دیم کی
داداشیم اؤلمه سه گه ر
کی مه ن اون بئش گون اوروش دوتمالییام
کئچینیردی اؤره ییم
ائوه گیردیم داداشیم!
یاتمیشدین
یازیغ عمه یازیغ عمه
گؤزونون یاشلارینی گیزله ده بیلمیردی یازیغ
مه ن دئدیم کی باجیما
داداشیم بوردادی ها
مه ن اوشاغ نه آنلییایدیم
کی سه ن ایندی اؤله جه کسه ن
آمما آننام باخیشییلا
مه نه بیلدیردی کی مه ن
بئش یاشیندا کیشییه م
آخی مه ن بیر ده نه یه م
ته ک اوغول
او گونی مه ش سهنه عمقیزی گه تدی مه نی اؤز ائوله رینه
باشیمی قاتدی اوشاغلار
ایکی گون مه ن اوردا قالدیم
او گونی مه ن سه نی گؤردوم یوخودا
آغرییان دیشله ریمی آغزیمدان
گؤتوروردون بیربیر
یوخودان دیسکیندیم
هه
نه یامان گؤیلومه دوشدون
سه حه ر اولموشدو داداش
ائوه قاشدیم
آخی مه ن یول یئریمه زدیم
سه ن دییه ردین:
بالا قاشما ییخیلارسان
ائوی سه ن سیز گؤردوم
هانی به س داداش سوروشدوم
دئدیله ر گئتدی چؤله
او کی مه ن سیز گئده بولمه زدی چؤله
باجیلار سه س سه سه آغلاشدیلار آمما
مه نی –مایماخ تازا بولدوم کی اؤلوبسه ن
باشلادیم مه ن گئدیره م
بولوره م مه ن داداش هاردا
او قبیستانلیغدا
نئجه آغلیرام یانیغلی
مه نی هئش که س توتا بولمه ز
گئدیره م مه ن
گئدیره م
گه لدیم آختاردیم آما
دا سه نی تاپمادیم ای وای
اوتوز ایلدی آختاریر گؤز
نه دئییم کی
یاندیریر سؤز
سه ن گئده نده ن سورا مه ن تک قالدیم
ائله یالقیز
نئیله مه ک
خاطیره له ر واردی داداش
سه ن قویوبسان مه نه چوخ خاطیره له ر ارثییه
آمما سه نده ن سورا هاممی آتالار
قوجالیبلار
مه نیم آمما داداشیم
اوره ییمده
بیر جاواندیر یاشیییر
هئشده قوجالمیر
ایندی مه ن بیر آتا اولسامدا ایه ر
یئنه سه ن سیزله میشه م
یئنه او ایستی الین گؤیلومه دوشدی
ائلچی
یوخوسوزلوغوم
دون گئجه ايسته ديم اوشاخلانام من
دونيانين قميني بوتون آتام من
بيلگي ساياريمين دويمه سين آشديم
بير اوشاغ كيمي كارتونا قاشديم
-Cartoonون file-نا clickايله ديم
Headphon- و قولاغا قويوب دينله ديم
هانسي نا باخيم من؟
بيليره م مگر!
قوي گوروم بيري وار
باخماغا ده يه ر
Jerry tom
Jungle boy
يا آيريسي وار؟
King lion
ياخشي دير حوصله م آچار
بير تصميم جدي من ياشا يشيمدا
دوتموشدوم دونمه ره م ياشلي ياشيمدا
سسيني آزادديم بيلگي سايارين
هش كس ائشيتمه سين آسلان هارايين
باشلاديم باخماغا ، ايلكده گولدوم
Prainc kiara
گلدي دونيايا
هاميا قوشولدوم من ده سئوينديم
بير اوشاغ كيمي
اينانديم اونا
خيالدا منده
اويناديم اونلا
بوي آتيب بويودو سئوينجله او
We are one اوخودوم من ده اونونلا
نفرتي بولمه دي ياشايشيندا
عشق ايله سئوينجي اويره نيردي او
آزادليغ گونشي اوردا ساچيردي
او بیرلیک ماهنی سی یوره ک آچیردی
###
ترسينه بير چايين او تاييندادا
بير بولوم آسلانلار ياشاييرديلار
Kiovo بيرآسلان جوجوقويدو او
نفرتله كينه ايله دولويويدو او
نيه كي بويله سي اويره تميشديلر
آژليخدا ياشايان آسلان اولانماز
ييرتيجي اولار او , حيوان اولانماز
دونيايا گلمه ميش اويره تميشديلر
نفرتي كينه ني آژليقي اونا
انتقام ماهني سين اوخويارديلار
=======
سوروشدوم اوزومده ن من ها تایدایام
نیفره تی ازه لده ن ازبه ره م کی من
نیه؟
چون بو تایدایام؟
سوروشدوم سوروشدوم سوروشدوم یئنه
کوره لیب یئنه ده یوخوسوز قالدیم
ائلچی
طوطی و آل وئرچی
بیر گون واریمیش آی قیز
بیر گون یوخوموش اوغلوم
بیر طوطی واریمیش کی
قالمیشدی قفس له رده
اودادالی شیرین دیللی
چوخ چوخ بیله رییدی دیل
بیر چه رچی اونی آلدی
آیری قه فه سه سا لدی
قویدی کی توکانیندا
هر موشته ری کی گه لدی
"خوش گه لدینیز" ائتسین او
هر موشته ری کی گئتسه
"خوش گئتدینیز" ائتسین او
بو دادلی شیرین دیللی
طوطی باعث اولموشدی
چوخ موشته ریله ر گه لسین
پوللار قازانیرایندی
اؤز صاحیبینه طولی
دووله تلی اولوب چه رچی
پوللاری آشیب داشدی
باش ماشی دا پیدداشدی
خانیم دئدی آی چه رچی
هیندیستانا گه ر گئتسه ن
چوخ چوخ قازانارسان سه ن
چه رچی فیکیره دالدی
بو دوز سؤزه سؤز یوخدور
اوردان نه آلیم توحفه؟
-آرزیمدی سه نه ساغلیخ
هه ر نه سه ن آلیرسان آل...
طوطی قوشونا چه رچی
اوز دوتدی نه ایستیرسه ن
طوطی دئدی سه ن گئتسه ن
من ایسته میره م بیر شئی
طوطی له ری اورماندا
ارکین گؤره جه کسه ن ها
اونلاره دییه رسه کی
بیر طوطی واریم ائوده
قالمیش نه قه فه سله رده
او سویله دی کی آنجاخ
دوزدور کی قه فه سده ده ن
چوخدور یئییره م هه رده ن
قاردان هاوادان اصله ن
ایستی سویوغی بیلمه م
قیشلار سویوغی آلماز
آژلیخ مه نه کار سالماز
هاممی منی ایسته ر لر
قورخما م دا پیشیکله رده ن
آلتین ده میریم واردیر
دوستاخ نه گؤزه ل دوستاخ
من بیر ده فه ده گولمه م
آرزیمدی قاناد چالماخ
قوشلاریدا دیندیرمه م
اوردا دانیشیرسیز سیز
آغزیزداکی دیلله رده
من بورداکی دیلله رده ن
نیفره ت دیله ره م نیفره ت
مجبور ائله ییبله ر دا
من نییله مه لی البت
ارکین لییین عشقینده
فریاده گه لیب گویلوم
گورمور اونی بیر - مینده
چکمیر هاوایا مئیلیم
عومروم باشا چاتسایدی
گه وده م مه نی آتسایدی
مه ن بیرده گؤره م شایه د
ارکین لییی جه ننه تده
سیز سؤیله یین آی دوسلار
مه ن نئیلییم آخیر به س
طوطی قوشی قورتاردی
اؤز سؤزله رینی بوردا
چه رچی یولا یوللاندی
آز گئتدی یا چوخ گئتدی
هیندیستانا تا یئتدی
آلدیقلارینی آلدی
ساتدیخلارینی ساتدی
بیر گون قاییدان واخدا
طوطی له ری اورماندا
بیر ده سته ییله ن گؤردی
او وئردییی سؤز بیرده ن
دوشدی یادینا چه رچی
اوز دوتدی او قوشلاره
طوطی سؤزونی آشدی
بیرده ن بیری طوطی له ر
اسدی آغاجین اوسته
اوردان یئره تا دوشدی
اؤلموشدی کی اؤلموشدی
چه رچی دئدییی سؤزده ن
اولموشدی په شیمان به رک
گه لدی ائوینه چاتدی
آتلار یوکونی آشدی
گه لدی ایچه ری چه رچی
او آلدیغی شئی له رده ن
وئردی هه ره یه بیر پای
اوز دوتدو قوشا چه رچی
او گؤردویونو سویله ر
بیرد ه ن بیره او طوطی
اسدی و دوشوب اؤلدی
چه رچی نئجه ناراحه ت
اؤز طوطی سینی گؤتدی
آغلار ائشییه گه تدی
بیرد ه ن بیره او طوطی
اوشدی آغاجا قوندی
ارکین لییه تا جومدی
چه رچی الی آغزیندا
بیلمیر نه دیسین ایندی
ائلچی
