|
آپاردیلار گولومی - ائیله دیله ر ظولومی- نه قویدولار دانیشام - نه کسدیله ر دیلیمی
|
آلوشتادا امه ت خان سلطانین هیکلی اؤنونده
AXI, DÜNYA FIRLANIR
ANAM ÖLDÜMÜ?
BAYRAQ
BAYRAM
BAHAR HAVASIYLA
BAYATILAR
BABASI KIMI
AZƏRBAYCAN-TÜRKİYƏ
GÜMAN QALIB ALLAHA
VAYDIR ƏKDİYİNİZ
ALLAHDAN QANAD İSTƏDİM
AĞIL BAŞQA, ÜRƏK BAŞQA
ALLAHU-ƏKBƏR
ALUŞTADA ƏMƏTXAN SULTANIN HEYKƏLİ ÖNÜNDƏ
BIR QƏRIBƏ YUXU GÖRDUM�
SUAL
TƏNHA MƏZAR
SON
SEVGININ TILSIMINDƏN
YUXULUYAM, YUXULU
SEVDİNSƏ…
VİCDAN XƏSTƏSİYIK
VƏTƏN VAR
VİCDAN XƏSTƏSİYIK
YAĞMASA...
YADA ABİDƏLƏR UCALDIB DEDİK..
QUL BAZARI
QIZIMA
ÖZÜMDƏN NARAZIYAM
Qapılar
QƏZƏL
QƏRİBƏ DEYİLMİ?
NƏFSİMİZ
NAĞIL – HƏYAT
MİLLƏTİM
MƏNDƏN XƏBƏRSİZ
MƏN TÜRKƏM
NÖQSANDAN DA BETƏRMİŞ
MƏN - OZÜMUN DUŞMƏNI
CƏLALƏDDIN MÖVLANAYA BƏNZƏTMƏLƏR
BÖL GÖRÜM
BİR SALAMA DƏYMƏDİ
BIR QƏRIBƏ YUXU GÖRDUM�
BƏLKƏ AYILDIM
Gizlidir
ƏZAN SƏSLƏRİ
ETİQAD-İNAM
GERÇƏK GÜNAHKARDIR
Əsarət - Azadlıq
DÜNYANIN..
ƏHMƏD, AY ƏHMƏD
Deyilmi ?
DAĞDA ŞƏLALƏ KIMI
ÖZ "MƏN"İMİN AĞASI
PAMBIQ
M.Ə.RƏSULZADƏNİN XATİRƏSİNƏ
MƏNIM SƏBRİM
MÜSAVAT
ALLAH
GÖR NECƏ GÜCLÜSƏN
GÜLÜSTAN
Görən hara gedir ?
GÖRMÜR, GÖRÜR
HÖRÜMÇƏK TOR BAĞLADI
İBADƏT
İKİ KOR
INSAN - GÖYDƏ AY KIMIDİR...
İNTİHAR
KİROVUN HEYKƏLİ
KRIMDA TATAR QƏBİRLƏRİ
YAZIQ VƏTƏN
YARƏB
XALQ DÜŞMƏNLƏRİ
TARİX
QORXU 2
QÜRBƏT-VƏTƏN
QƏRİBƏDİR
POMPEY XƏRABƏLƏRİ ÖNÜNDƏ
YAZIQ VƏTƏN
مساوات
بختیار واهابزاده
ظلمتله ساواشلاردا ظفر چالدیغی گوندن،
قلبلرده آزادلیق اودو یاندیردی موساوات.
اولدوز و هیلال ائیله کی، اوچ رنگه قوووشدو،
بوز قوردو کؤنوللرده اویاندیردی موساوات.
میدان اوخودو قان چیلهین دؤورانا قارشی،
هر ظالمه، هر نادانا، هر هدیانا قارشی.
توغیان ائلهدی ائیلکی ظلم اینسانا قارشی،
اؤز حدینی ظالملره قاندیردی موساوات.
ایلهامینی آلمیش او، وطن آدلی گؤزلدن،
ایمان سویونو، چونکی او ایچمیشدی دوز الدن.
خالق نامینا حاق نامینه ووروشلاردا ازلدن
اؤن جرگهده هر تیلسیمی سیندیردی موساوات.
اؤندر دئدی: - ایستیقبال اوچون داغ آشالیم بیز،
ایستیقلالا، ایستیقبالا دایم قوشالیم بیز،
بیر تورک کیمی ایسلاملاشا، چاغداشلاشالیم بیز
آمالینا بو خالقی ایناندیردی موساوات.
آمالی تمیز، مقصدی آیدین، اوزو آغدیر،
ان آلی مقاملاردا غرضلردن اوزاقدیر.
تاریخ شعورو-خالقیمی میللت یاپاجاقدیر،
حاقا دؤننی حاقا تاپیندیردی موساوات.
دوزلوک شواری دایما چارپیشدی یالانلا،
تورپاقدان آلیب قودرتی، کؤکلندی زامانلا.
جننت ائدهجک آمالا دؤنموش بیر ایمانلا
اونوانی آذربایجان اولان یوردو موساوات.
فئورال، 1977
کیرووون هیکلی
بختیار واهابزاده
کامیل میرباغیرووا اتحاف
او، هئیکلمی؟
یوخ، ائی دوست!..
او، اؤلکهنین صاحبی.
باشیمیزین اوستونده
سییریلیب قیلینج کیمی.
هدلییر او، بیزی.
دئییر منیمدیر اؤلکه-
بو گؤی،
بو یئر،
بو دنیز!
باشینیزی وورارام،
آیاقلاریم آلتیندان
باشینیزی چکسهنیز!
آیاغیم آلتیندادیر
ناموسونوز،
آرینیز.
باشینیزی سوروسون
دایم آیاقلارینیز.
-بو دوزدور!
بس نئیلمک،
سوسوب اوتورماقمی؟..
-یوخ!
بیز نه قدر یاشایاق
باشیمیز اوستونده یومروق؟..
اؤز دوغما شهرینده
سن کیمین هیکلینی
ایستییردین اوجالا
او هیکلین یئرینده؟
- کوروغلونون،
- بابکین.
- یوخ، دوستوم یوخ، بیلمدین!
من ایسترم تاریخه
بو گوندن ده ایز قالا،
او هیکلین یئرینده
او هیکلی ییخانین
تونج هیکلی اوجالا...
آپرئل، 1966
کریما دا تاتار قبیرلری
بختیار واهابزاده
تورپاغین آلتیندا یاتیر یئرلیلر،
اوستونده گلمهلر کئفده، داماقدا.
یئرلینین دردینی یئرسیز نه بیلر؟
یئرلینین حاقینی او، تاپداماقدا.
گلمه حاقلی بیلیر اؤزونو، حاقلی!
یئرلینین یوردونا یوللاری باغلی...
بیلمیرم کریمین اؤز صاحبلری
بو تورپاق آلتیندا نئجه دینجلیر؟
میللت بو دیاردان گئدندن بری،
روحلار اؤز یوردونو زیارت اوچون،
سیبیرمی گئدیر، بورامی گلیر؟
تاتار مزارلاری... ال آچیب گؤیه
تورپاغی قالدیریب نیه قابارمیر؟
اؤلولر یئر آلتدا گؤرهسن نیه
حاق دیه قیشقیریب فریاد قوپارمیر؟
کریمی گؤتوروب چیگینلرینه
میللت اولان یئره نیه آپارمیر؟
مزارلار بو یوردون اؤز صاحبلری،
نیه بو ذلتین باغری سؤکولمور؟
تورپاغین اوستونده ساهیبکار کیمی
گزن گلمهلری دنیزه تؤکمور؟
5 مای 1966 کیریم-یالتا
مساوات
بختیار واهابزاده
ظلمتله ساواشلاردا ظفر چالدیغی گوندن،
قلبلرده آزادلیق اودو یاندیردی موساوات.
اولدوز و هیلال ائیله کی، اوچ رنگه قوووشدو،
بوز قوردو کؤنوللرده اویاندیردی موساوات.
میدان اوخودو قان چیلهین دؤورانا قارشی،
هر ظالمه، هر نادانا، هر هدیانا قارشی.
توغیان ائلهدی ائیلکی ظلم اینسانا قارشی،
اؤز حدینی ظالملره قاندیردی موساوات.
ایلهامینی آلمیش او، وطن آدلی گؤزلدن،
ایمان سویونو، چونکی او ایچمیشدی دوز الدن.
خالق نامینا حاق نامینه ووروشلاردا ازلدن
اؤن جرگهده هر تیلسیمی سیندیردی موساوات.
اؤندر دئدی: - ایستیقبال اوچون داغ آشالیم بیز،
ایستیقلالا، ایستیقبالا دایم قوشالیم بیز،
بیر تورک کیمی ایسلاملاشا، چاغداشلاشالیم بیز
آمالینا بو خالقی ایناندیردی موساوات.
آمالی تمیز، مقصدی آیدین، اوزو آغدیر،
ان آلی مقاملاردا غرضلردن اوزاقدیر.
تاریخ شعورو-خالقیمی میللت یاپاجاقدیر،
حاقا دؤننی حاقا تاپیندیردی موساوات.
دوزلوک شواری دایما چارپیشدی یالانلا،
تورپاقدان آلیب قودرتی، کؤکلندی زامانلا.
جننت ائدهجک آمالا دؤنموش بیر ایمانلا
اونوانی آذربایجان اولان یوردو موساوات.
فئورال، 1977
بیر قریبه یوخو گؤردوم�
بختیار واهابزاده
اؤمور یولوم- ایچیمدکی ووروشلاریم.
موباریزم-تالئم ایله یاریشلاریم.
قدریمین یازیلاری-آلنیمداکی قیریشلاریم.
کاش اونلاری پوزان اولا!
تزهسینی ایستییمجه یازان اولا!
توتوشموشام، چاخماق یوخدور آلیشماغا،
قایناییرام، تپریم یوخ، نه جوشماغا، نه داشماغا.
اورییمین سؤزلرینی اوبا-اوبا دانیشماغا
دده قورقود تیمسالیندا اوزان اولا،
بیر قریبه یوخو گؤردوم، ایستییمجه یوزان اولا!
1977
بختیار واهابزاده
بیر سلاما دیمهدی
بختیار واهابزاده
بو گون من سنی گؤردوم،
سلام وئرمک ایستدیم،
اوزونو یانا توتدون.
سؤیله، ایللردن بری
قلبیمیزین بیر دویوب
بیر ووردوغو ایللری،
آخی، نه تئز اونوتدون؟
بئش ایلده گؤزوموزدن آخان او قانلی سئللر،
بیر سلاما دیمهدی؟
هئچ اوزومه باخمادان یانیمدان نئجه کئچدین؟
سن عشقین سلامینی قورخویامی دئییشدین؟
یوخسا سن اؤز اهدینه، ایلقارینا آغ اولدون؟
او قدر یاخین ایکن، بو قدر اوزاق اولدون.
شیرین گولوشلریمیز، آجی فغانلاریمیز
بیر سلاما دیمهدی؟
قایغیلی آنلاریمیز، قایغیسیز آنلاریمیز
بیر سلاما دیمهدی؟
سن نئیلدین، بیر دوشون!
یالنیز ایندی آنلادیم؛ آه، سن داها منیمچون
الچاتماز بیر چیچکسن،
یاشانمیش گونلریم تک گئری دؤنمهیهجکسن!...
قوپ ائی توفان، اس ائی یئل! خزل اولوم، تؤکولوم
دوز بئش ایل اورییمده
بسلدیگیم مهببت، بیر سلاما دیمهدی.
بیر گونلوک هسرتیمه دؤزه بیلمهین گولوم،
بس نه اولدو؟ بو هسرت بیر سلاما دیمهدی؟
گئتدین، دالینجا باخدیم، جان آیریلدی جانیمدان،
سن نئجه ائتیناسیز اؤته بیلدین یانیمدان؟
آه چکدیم، باشیم اوسته یارپاقلار اسدی، گولوم،
سنین قلبین اسمهدی.
آرخانا دا باخمادین!
نیه سنین یولونو مهببتین کئسمهدی؟...
قازانجیمیز دئ، بومو؟
دئییلممیش او سلام الویدامیز اولدومو؟
سن منه ظلم ائیلدین، منه ظلم یاراشیر.
بیر سلاما دیمهین عشقه اؤلوم یاراشیر!
سئنتیابر 1961
بختیار واهابزاده
بلکه آییلدیم
بختیار واهابزاده
زوری بالایانین �وجاغ�ینا جاواب
گاه شرقه، گاه قربه قول-بوداق آتدیق،
بیز تاریخ یازمادیق، تاریخ یاراتدیق.
سیزسه اؤزونوزه هئی زامان-زامان
تاریخ اویدوردونوز شردن، یالاندان.
گئرچیین اوزونه بویا سورتدونوز،
بؤهتانی دوغرو تک گؤزه دورتدونوز.
اوتانماز اوزونله، بالایان، اوتان
�بالا�دان یارانمیش اؤز سویادیندان.
ندیر الکچیان، دمیرچیانلار؟
الهیه، دمیره سن نه دئییرسن؟
تورکو بینمهییب سن آچیق-آشکار
تورکون سروتینی منیمسییرسن؟
نه تئز جیغیراندان چیخیب قودوردون،
دوننکی آغانین اوزونه دوردون.
روسون هیلسییله کؤچوب ایراندان
بیزه سیغینماقچین، ماسکا گئیدینیز.
پناه خان شوشانی تیکدیرن زامان
چایدان داش داشییان قولبئچیدینیز.
واخت کئچدی، گیردینیز باشقا بیر دونا،
دوشدونوز آغالیق ادعاسینا.
گویا بو تورپاغین قسبکاری بیز،
اصل ساهیبکاری یالنیز سیزسینیز.
تاریخین درسلری اونودولامماز،
دوننکی نؤکردن آغا اولامماز.
ساختا دلیللرله یانان بو �وجاق�
نیفرت چؤپلریله قالانیب آنجاق.
گئیدین آستارینی سن حقیقتین،
هر کلمن اویدورما، هر سؤزون غرض.
تورکه بسلدیگین کینین، نیفرتین
سیقلتی چکییه، اؤلچویه گلمز.
دشومن کسیلدینیز حاقا، گئرچهیه
اصلینده اولمایان �سویقیریم� دئیه.
بورودو دونیانی های-هارایینیز.
قویروق بولاماقدا یوخدور تایینیز.
سنین تاریخینین دولانباج یولو
یالانلا، بؤهتانلا، شرله دوپدولو.
الله ائله بیل کی، یارادیب سنی
بیزیم باشیمیزا بلا، ائرمنی !
همیشه اویاقسان...
سن بو گونونه،
منسه کئچمیشیمه اویدوم، باییلدیم.
اویدور یالانلاری، اویدور سن یئنه
بلکه قفلتیمدن بیر گون آییلدیم.
من اؤز کئچمیشیمله خومارام هله،
بالایان، سن الله، منی ینهله.
ائله ینهله کی. گؤینهین آغری
منه چوخدان چاتیب، هامییا چاتسین.
دوشونوب ساباهی دئییرم، باری
رهبریم اویانیب خالقی اویاتسین.
دئکابر، 1984
بختیار واهابزاده
بایراق
بختیار واهابزاده
تورپاغیم اوستونه کؤلگهلر سالان
منیم وارلیغیمین جیلاسی-بایراق.
ظفردن دوغولموش
گؤیتورکدن قالان
قوردباشلی بایراغین بالاسی بایراق.
اوچرنگلی بایراغین کؤلگهسینده من
قاراجا تورپاغی وطن گؤرموشم.
ظفر گوللرینی دؤوری-قدیمدن
بایراق ایشیغیندا بیتن گؤرموشم.
بایراق منلیگیمدیر، بایراق کیملیگیم،
بایراق-اؤز یوردوما اؤز هاکیملیگیم.
هاردا اجدادیمین آیاق ایزی وار،
بو ظفر بایراغیم اوردا دیکلسین.
کئچدیگی یئرلرده داغلار، یاماجلار
اونون حضورونا سلاما گلسین.
تاریخدن قدیمدیر، زاماندان قوجا
منیم بایراغیما سانجیلان هیلال.
عالمه نور ساچدی تاریخ بویونجا
مبدلر باشما تاج اولان هیلال.
دایم اوجالاسان! ساواس گونونده
عسگر سیلاهییلا سنی تن گؤروم.
یالنیز ظفر چالمیش شهید اؤنونده
سنی آلقیش اوچون اییلن گؤروم.
آپرئل، 1998
بختیار واهابزاده
بؤل گؤروم
بختیار واهابزاده
'بختیم، منه یار اول، دئییب چاغلارام،
یار اولماسا دئ بختیار اول گؤروم.
گلهجهیه اومیدیمی باغلارام،
بیر آن سونرا نه اولاجاق، بیل، گؤروم.
یاز آیلاری چاغیلدایان سئلمیسن؟
بو دونیانی اویونجاقمی بیلمیسن؟
حیات سنی گولدورنده گولموسن،
هونرین وار، آغلاداندا گول گؤروم.
دونیامیزی یاسا، تویا بؤلموشوک،
سئودامیزی اودا، سویا بؤلموشوک،
اؤمروموزو گونه، آیا بؤلموشوک،
مین آرزویا، مین دیلهیه بؤل گؤروم.
1974
بختیار واهابزاده
.
انتحار
بختیار واهابزاده
(یئتیم قالمیش بالالارینی دولان-
دیرا بیلمدیگیندن اینتیهار ائدن
قتیبه خانیمین خاطرهسینه)
سندن چؤرک اومان کؤرپهلرینین
اوزونه باخماقدان اوتاندین یقین.
سن آتیب اؤزونو بئشینجی قاتدان
کئچدین خجالتله کئچن حیاتدان.
کؤرپه بالالارا دوسوندونمو سن
کیم آرخا دوراجاق سنین یئرینه؟
اؤزو ده یئتیمکن بو بادبخت وطن
صاحب چیخاجاقمی کؤرپهلرینه؟
یازدیم علیم یاندی، یازمادیم دیلیم،
ایندی ان باها شئی ناموس، آر ایمیس.
اما بو اؤلکهده ان اوجوز اؤلوم
حیاتا توپورن اینتیهار ایمیش.
اؤلن اؤلومونو اؤلومدن گؤرور
بو حیات ایشگنجه، بو حیات زولوم.
خالقین سینهسینده زامان خیس سورور.
ایندی آداملاری اؤلدورمور اؤلوم
ایندی آداملاری حیات اؤلدورور.
1998.
اعتیقاد-اینام
بختیار واهابزاده
شوبههدن ایناما یول توتموشام من،
اؤزومو اؤزومده اونوتموشام من.
بیلمیرم اؤزومده من کیمم، نیم؟
اؤزومه بیر قولام، حاکمم، نیم؟
بزن پیسله یاخشی، اوزاقلا یاخین
قاریشیر،
گؤزومده دییشیر عالم.
ملکله شئیتانین، حاقلا ناهاققین
ساواش مئیدانینا چئوریلیر سینم.
اینامین اؤنونده شوبهم باش اییر
ایناما ایناملا گئتدیگیم زامان.
اما معجزهلر گیره بیلمییر
آغلامان تایباتای قاپیلاریندان.
گونش سیرر،
آی دا سیرر،
اولدوزلار دا سیرر.
نه واخت آچیلاجاق بو سیرر دوگونو؟
آغلین کیچیکلیگی قاورایا بیلمیر
خالیقین اؤلچوسوز بؤیوکلوگونو.
اوندا ائتیقادی درهل آرخا جرگهدن
درهال کمکیمه چاغیریرام من.
بئلهجه گئدیرم ایناما دوغرو.
بیلمیرم، ایناما گئدن یولمو بو؟
سواللار بئینیمی دئشیر گونبگون،
اؤزومه ان بؤیوک سیررم اؤزوم ده.
قئیری-آدیلیکلر بلکه بونونچون
دؤنور معجزهیه منیم گؤزومده؟
ائله یول گئدیرم، یول اوزون، یوخوش،
سون اوجو گؤرونمور گؤزه منزیلین
چاتدیغیم هر منزیل باشلانغیجییمیش
گئتمک ایستدیگیم تزه منزیلین.
6 یول، 1993
اذان سسلری
-بو داغی، بو داشی مین ایلدن بری
وطنه چئویردی اذان سسلری
نه ایمیش گؤرهسن، نه دئییر او سس؟
گؤیلره توشلانان او قایب نفس؟
ندیر او سسدکی عظمت، کدر-
گئنیشلیک، سونسوزلوق، انگینلیک قدر؟
- یئرلری گؤیلره باغلایان دیرک،
گؤیلری یئرلره ائندیرن دیلک!
یون، 1994
شکی
بختیار واهابزاده
احمد، آی احمد
بختیار واهابزاده
قالدیق نه گونلره... نه گونلره بیز.
هانی بیغی بورما ایگیدلریمیز؟
هانی یاناغیندان قان دامان ارلر؟
هانی قوچ نبیلر، هانی هجرلر؟
بلکه آنامیزدان قول دوغولموشوق؟
بیر تولا پایینا مؤهتاج اولموشوق...
زحمتین هاوایی، قازانجین میننت،
احمد، آی احمد!
یانوار، 1963
اؤز "من"ایمین آغاسی
بختیار واهابزاده
اؤز یوردومدا، اؤز ائویمده اؤزگهسی،
اولدو منیم گولشنیمین آغاسی.
آغلار قویدو اینامی دا ساباها،
بو گونومون، دوننیمین آغاسی.
او زامانکی اومیدیمدن باریندیم،
بو دؤورانین چیرکابیندان آریندیم.
ظلملردن نه آغریدیم، نه سیندیم،
اولا بیلدیم اؤز "من"ایمین آغاسی.
داشدان-داشا ووردو منی دیلکلر،
قدریمه قه-قه چکدی فلکلر.
اؤز سمتینی دییشمهین کولکلر-
وطن آدلی یئلکنیمین آغاسی!
کوتانیمی چوخ سورسم ده خاما من،
یئتیشمدیم بیر مقدس کاما من.
چوخ چالیشدیم، چوخ ووروشدوم، آما من
اولاممادیم وطنیمین آغاسی.
اؤله-اؤله رزالتین ایچینده،
برکیمیشم مشققتین ایچینده.
بو زولمتین، بو ذلتین ایچینده
اولموشامسا اؤز "منیم"ایمین آغاسی
اولاجاغام وطنیمین آغاسی!
مارت، 1974
منیم صبریم
بختیار واهابزاده
منیم صبریم.
بو صبریمه من نه دئییم؟
منیم صبریم-موتیلیگیم،
کؤللیگیم !
آتام کؤله اولدوغونو هئچ بیلمهدی،
"آغا" کیمی اؤمور سوردو.
یاشاییردی،
دوشونموردو.
منسه کؤله اولدوغومو
قانا-قانا، بیله-بیله
یاشاییرام.
اؤز-اؤزومو دانا-دانا،
اؤله-اؤله
یاشاییرام !
خؤشبختلیگیم اوندادیر کی،
دوشمنیمین حؤکمو بؤیوک،
تاختی چوروک!
بدبختلیگیم اوندادیر کی،
منیم صبریم
دوشمنیمین قودرتیندن داها بؤیوک !
سئنتیابر، 1972
عاغیل باشقا، ئوره ک باشقا
بختیار واهابزاده
بیر-بیرینه بنزهسه ده،
یئل باشقادیر، کولک باشقا.
عطری ده خوش، رنگی ده خوش
گول باشقادیر، چیچک باشقا.
هر دیکی یوخوش بیلمه، گل،
هر مئیی مئیخوش بیلمه، گل.
هر اوچانی قوش بیلمه، گل
قوش باشقادیر، بؤجک باشقا.
هر دردینه اورتاق منم،
هر آغرینی تن بؤلنم،
سن چکنسن، من گلنم
اومی باشقا، یئدک باشقا.
حاقین یولو-اؤز یولومدور،
اییلمهین دوز یولومدور،
خئییرله شر ساغ - سولومدور
شیطان باشقا، ملک باشقا.
بیر دیلهیه من جالاندیم،
گاه قازاندیم، گاه تالاندیم،
عؤمروم بویو هاچالاندیم
عقیل باشقا، اورک باشقا.
دیلک اولدو منیم آدیم،
پروازلاندی قول-قانادیم،
چاتمادی صبریم، اینادیم
عمل باشقا، دیلک باشقا.
28 نویابر، 1998
بایرام
بو گون بایرام ائدیر قیرغیز ائللری.
یادین جایناغینا کئچندن بری
"آغ گونه چیخیبدیر..."
بونا باخ، بونا!
سئوینیر،
فخر ائدیر قول اولدوغونا.
بایراممی؟
کول اولسون گؤزونه، میللت!
زار-زار آغلایاسان گرک سن بو گون.
یوز ایل بوندان اول باشین کسیلدی.
اؤلدوگون گونوندور بو گون، اؤلدوگون!...
اؤلور،
قاتیلینه "پناهیم" دئییر،
قول اولدوغو گونو بایرام ائیلییر.
2 نویابر 1963
بختیار واهابزاده
بایاتیلار
بختیار واهابزاده
عزیزیم درده مردیم،
دوشمهسین درده مردیم.
منه درمان نئیلهسین؟
تیفیلکن درد امردیم.
بایاتیلار! سؤزه انبر قاتیلار،
داماریمدا نبز کیمی آتیلار.
بایاتینین آتشیندن، اودوندان
اورییمده نئچه تونقال چاتیلار.
بایاتیلار! سینه داغی، گؤز داغی،
مهببتین توستولنن اوجاغی.
بیر میللتین کیملیگینی بیلدیرن،
نفهسیندن لپهلنن بایراغی!
بایاتینین بویاسینا بویاندیم،
سؤز - قیبلمدیر، سؤز - عشقیمدیر، سؤز آندیم.
بایاتینین تیلسیمینه دوشونجه
واللاه شاعر اؤلدوغوما اوتاندیم.
آپرئل، 1998.
بختیار واهابزاده
باهار هاواسیلا
بختیار واهابزاده
قانادلی خیاللار گؤیلردن ائندی
نه چیرپینتی قالدی، نه ایستک، هوس.
قوجالدیم، کؤنلومدن هر شئی سیلیندی
سنین بوراخدیغین ایزلر سیلینمز.
منه قیسقاناردی بیر واختلار هامی
کؤنلوم او گونلری نئجه عزیزلر.
تزهدن یاسادیر منه دونیامی
اؤمرومون آچدیغی جیغیری - ایزلر.
او ایزلر کؤنلومه چکیلن داغیم،
فرحیم، کدریم، خئیریم، شریمدیر.
او ایزلر - ایچیمده گیزلی سیغناغیم،
کؤنلومدن سوزولن سطرلریمدیر.
اؤمور یوللاریمین بیر قاریشیندا
آیری دوسمرنیشم هیسسلریمدن.
کئچیب بو ایزلردن اؤمرون قیشیندا
باهار هاواسییلا یاشاییرام من.
هله بو دونیادا نه قدر ساغام،
من بو هاوا ایله یاشایاجاغام.
اؤلرسم، او ایزلر یاشانمیش اؤمرون
آیاق ایزلرینه دؤنهجک بیر گون.
،چچچغهییییییهییی
23 آوقوست، 1998
بختیار واهابزاده
باباسی کیمی
بختیار واهابزاده
منیم بیر گؤزل
کؤرپه نوم وار.
او دا بختیار،
من ده بختیار.
بیز بابا-نوه
آداشیق، آداش.
او، منه ووقار،
من اونا سیرداش.
من بیر آغاجام،
نوم قول-بوداق.
من اونون کؤکو،
او،منده یارپاق.
خالقا وورولدوم
من شاعر اولدوم،
بیلمیرم آنجاق
او نه اولاجاق؟
نه اولور اولسون،
کیم اولور اولسون،
باباسی کیمی
خالقا وورولسون.
1985
بختیار واهابزاده
آنام اؤلدومو؟
بختیار واهابزاده
نه تئز اللرینی اوزدون دونیادان،
بالانی تک قویوب هارا گئتدین سن؟
نئجه یوخ اولورموش بیر آندا اینسان،
ائله بیل دونیادا هئچ یوخ ایمیشسن.
گونش قوروب ائتدی... اوتاق قارالدی،
بیر آندا یوخ اولدون سن خیال کیمی.
ایندی دوشونورم: سندن نه قالدی،
کؤنلومده خاطرن قارا خال کیمی.
منی بویا-باشا یئتیردین، آنا
بیزه بورجلو بیلدیک هر زامان سنی.
سن منی دونیایا گتیردین، آنا،
منسه یولا سالدیم دونیادان سنی.
سن منه بئشیکده لایلای چالمیسان
بو گون لایلای چالیم سنه مندمی؟
سنین شیرین-شیرین لایلالارمی
من سنه قایتاریم جنازندمی؟
"یوخون شیرین اولسون" - دئیردین منه،
"یوخون شیرین اولسون" - دئییممی سنه؟
گرک من باشینا دؤنم-دولانیم،
منی حیات اوچون یاتیران آنام،
سؤیله اؤلومچون
نئجه یاتیریم
سنی من بو گون؟
بو نئجه دونیادیر، آنلامیرام من،
جیلوهسی جوربجور، رنگی جوربجور
دونن نفسیله سنی ایسیدن
بو گون بوزا دؤنوب، داشا دؤنوبدور.
بو نئجه دونیادیر،
اینسان اوغلونون
خیالی گؤیدهدیر، اؤزو یئردهدیر،
ساغ ایکن چینینده حیاتین یوکو،
اؤلنده جسهدی چیگینلردهدیر...
بو نئجه دونیادیر، بو نئجه دونیا،
اؤلومو حقیقت، حیاتی رؤیا.
دردیمین، قمیمین سندین اورتاغی، .
نیه اوز دؤندردین، بس نیه مندن؟
"دردین منه گلسین!" - دئیردین آخی،
نیه درد جالادین دردیمه بس سن؟..
آنام، هئچ کس سنی اینجیتممیشدیر،
من سنی،
من سنی اینجیدن قدر.
ایندی کیمه آچیم دردیمی بیر-بیر،
کیم منیم دردیمه یانار سن قدر؟
ائوین هر کونجونده گؤرونور یئرین.
گؤزوم آختارجیدیر، آنا، آی آنا،
"ننم هانی؟" - دئییر کؤرپه آذرین،
من نه جاواب وئریم، اونا، آی آنا؟
بیلمیرم، بیلمیرم بو اؤلوم ندیر، حیات وار ایکن؟
نفهسین، آی آنام، هله ائودهدیر،
اؤزون یئر آلتیندا داشا دؤنموسن.
بو گون یئددین اولدو...
آنام، یئددی گون،
بیزیمله برابر آغلار اوتاقلار.
سنه،
یالنیز سنه،
سنه دئمکچون
کؤنلومده نه قدر منیم سؤزوم وار.
"کیملری چاغیراق بو گون یئددییه؟"
خالالار، باجیلار سوروشور مندن.
آنامدان سوروشاق، او بیلر دئیه،
سنین اوتاغینا اوز توتورام من.
آنام، تاپشیریلدین آنا تورپاغا،
بو اؤلوم، سینمه چکدی داغ منیم.
سن منیم آرخامدا بنزردین داغا،
ائله بیل آرخامدان اوچدو داغ منیم.
قیزیمین آدیدیر سنین اؤز آدین.
بو دا گؤز داغیدیر منه بو گون ده.
سون دفعه سن منه باخیب آغلادین،
صورتیم مزارا گئتدی گؤزونده...
اؤمرو باشا ووردون آلتمیش یاشیندا.
آلتمیشین اوستونده دوروب یاشین دا.
آرتیق سنین اوچون دایانان زامان
منیمچون دولانیر...
گون اولور آخشام.
واخت کئچیر، سن مندن اوزاقلاشیرسان،
من سنه گونبگون یاخملاشیرام.
فئورال، 1963.
بختیار واهابزاده
آلوشتادا امه ت خان سلطانین هیکلی اؤنونده
بختیار واهابزاده
محاربه ایللرینده کریم تاتارلارینی کریمدان سورگون ائتمیش، آما دؤیوشلرده بؤیوک قهرمانلیق گؤسترهرک، ایکی دفعه سووئت اتفاقی قهرمانی آدی آلمیش تاتار اوغلو امتخان سلطانا دوغولدوغو آلوشتا شهرینده هیکل قویموشلار. پارادوکسا باخین! میللتین قووولدوغو یئرده همین میللتین اوغلونا هیکل!
امت سلطان،
دئ، هاردادیر ایندی سنین آنا یوردون؟
سن جبههده روسیانی قورویوردون.
همین اؤلکه وتهنیندن سورگون ائتدی
میللتینی.
تاپدالادی ناموسونو، قئیرتینی.
او، اوزونه گوله-گوله
یاخشیلیغین اوزینی چیخدی بئله
ائشیتمیشم، بو تحقیردن
سینن اولموش اویوق-اویوق
سنین آنا تورپاغیندان اؤزونه یوخ،
تکجه سنین هیکلینه یئر وئردیلر.
سنه سنین قان باهانی گؤستردیلر.
دیرینه دقت ائله،
آلچالدیلان شرف، شانین!
وتهنینده اوجالتدیلار
هیکلینی قهرمانین.
دئدیلر: بیز سئویریک امتخانی.
دئمهدیلر: بو ایگیدی یئتیشدیرن
میللت هانی؟
او، گؤیدنمی دوشدو یئره؟
آتاسی کیم، آناسی کیم؟ میللتی نه؟
او ایگیدین مهببتی یوخ ایدیمی
وتهنیندن قوودوغونوز میللتینه؟
دؤشونه جوت اولدوز تاخیب دئدیلر کی:
�ؤز میللتین سنه یاددیر.
آتان دا، آنا دا بیز.
دئدیلر کی، سن یاخشیسان،
آتان دا پیس، آنان دا پیس...�
هیکله باخ!
قزب یاغیر باخیشیندان.
سن دوستونلا دوشمنینی
سئچممدین، ائی امتخان!
سن قزبله نه باخیرسان قربه ساری؟
دؤندر، دؤندر سن شیمالا
او قزبلی باخیشلاری.
قربده دئییل، قارداش، سنین
شمالدادیر اؤز دوشمهنین!
او دوشمن کی، تورپاغینا صاحب اولوب
سنی داندی.
�ای داغ�*دا آییلاندی.
نئجه دئییم �قهرمانسان�
من ده سنه-
دوستو ایله دوشمنینی سئچمهینه؟
سنین ایتی نظرین وار.
یاخشی ووران،
آنجاق نیه ووردوغونو
دوشونمهین بیر اووچویا بنزرین وار.
آتشینه اؤز اوریین هدف اولدو،
شرفسیزلیک ایندی دؤنوب شرف اولدو.
هیکله باخ! دایانیبدیر عظمتله،
لیاقتله.
میللتینین شرفینی
قورویان بیر ایگید کیمی.
دؤشوندکی او اولدوزلار
الدن چیخان او تورپاغین اوزیمی؟
امت سلطان،
سنه حرام ائلهدیلر هالالینی.
سن توتوشدور هیکلدکی قورورونلا
حیاتداکی بو حالینی.
واللاه، بیللاه، یاراشماییر بو قورور سنه،
قانان هر کس گولور سنه!
کیمدیر سنین او دوننکی قورورونو
بیر قوروشا بو گون آلان.
... ائی وطنده داشا دؤنوب یالقیز قالان!
سن دؤیوشدون
دوشمنینین دوشمنیله ناهاق یئره.
دؤشوندکی نیشانلاردان
بو گون گرک وطن بویدا
درد گؤیره، قم گؤیره!
6-7 آپرئل 1980
کریم، آلوشتا
بختیار واهابزاده
الله
بختیار واهابزاده
ایدراکدا یول آچمیش گئجهدن گوندوزه الله،
گولدورمهسن اؤز کؤنلونو، گولمز اوزه الله.
دونیایا شفقلر کیمی تانریم سپلنمیش،
قلبین گؤزو یانماسا، گؤرونمز گؤزه الله.
الله! بیلیریک جیسم دئییل، بس ندیر الله؟
ان یوکسک اولان حاقدا، حقیقتدیر الله.
دوندونسا تکامول و گؤزللیک قاباغیندا،
درک ائت بو، تعجبده، بو حیرتدهدیر الله.
بیلدیک، بیلیریک، گیزلیدیر اینساداکی قودرت،
هر کس اونو فهم ائتمهسه، آجیزدیر او، البت.
اینسانین ازل بورجودور اینسانلیغا حؤرمت،
اینسانلیغا حؤرمتده، لیاقتدهدیر الله.
گئرچک ده بودور: گیزلیدیر هر زررهده وهدت.
بیر زرره ایکن کولله قوووشماق اولو نیت.
گؤردوکلریمیز ظاهردیر، بتنه نفوذ ائت!
بتندکی، جؤوهردکی فطرتدهدیر الله.
فطرت ده یاتیر سؤزده، سؤزون اؤز یوکو فیکریم.
سئچمیش، سئچهجک دایما توکدن توکو فیکریم.
من بیر آغاجام، یارپاغی سؤزلر، کؤکو فیکریم،
سؤزلرده دئییل، سؤزدکی هیکمتدهدیر الله.
اینسان! تپهدن دیرناغا سن آرزو، دیلکسن،
نفسینده دویومسوز، فقط عشقینده ملکسن.
ظلمون اوزونه حاق دئییلن شیللنی چکسن،
شیللنده مؤهورلنمیش او قئیرتدهدیر الله.
جاهیل ائنر آلچاقلیغا، اؤز قلبینه یئنمز،
ویجداندان اگر دؤنسه ده، خئیریندن او دؤنمز.
زولمتده، جهالتده، اداوتده او گؤرونمز،
ایلقاردا، سداقتده، مهببتدهدیر الله.
1984
بختیار واهابزاده
الله و-اکبر
بختیار واهابزاده
اللها اوجالان اولو بیر یولون
ایلکین پیللهسیدیر اللهو-اکبر.
حاقی دانانلارین اوزونه دیمیش،
حاقین شیللهسیدیر اللهو-اکبر.
گؤیلرین نیداسی اوجالیب یئردن.
دایم خلاص ائدیر خئییری شردن.
قودرتی-کامیلین مینارهلردن
گلن نغمهسیدیر اللهو-اکبر.
مکانا، زامانا، دؤوره او، سولتان!
اودور حقیقته قاپیلار آچان.
مؤمنلیک یولوندا قلبه نور ساچان-
ایمان شؤلهسیدیر اللهو-اکبر.
اودوندان اریر سینه داغلاری،
ایشیغا بورویر قارانلیقلاری.
دونموش اومیدلری، باتمیش حاقلاری
بیر آندا ایسیدر اللهو-اکبر.
دونیانین ازهلی بورجلودور اونا،
او بیر پنجرهدیر اولدن سونا.
گؤرونمز دونیانین وار اولدوغونا
ایمان موژدهسیدیر اللهو-اکبر.
اودور ایریلییه دوزون هملهسی-
رحمین ایلک نیداسی، آخیر جملهسی!
اللهین سسیدیر ویجدانین سسی،
ویجدانین سسیدیر اللهو-اکبر.
1977، ایستانبول
اللهدان قاناد ایستدیم
(سون واریانت)
بختیار واهابزاده
اللهدان قاناد ایستدیم،
الله منه خیال وئردی.
بو قانادلی خیال منه
یاشاماغا ماجال وئردی.
اللهدان فرح ایستدیم،
الله منه کدر وئردی.
بو کدریم، قدریمه
تامام باشقا قدر وئردی.
اللهدان عقل ایستدیم،
الله منه اورک وئردی.
بو اورک منیم اؤمرومه
قم اوستوندن قم گتیردی.
اللهدان دؤزوم ایستدیم،
الله منه قزب وئردی.
من اللهدان رحم ایستدیم،
منه بوللو ازاب وئردی.
من اللهدان حاق ایستدیم،
ظلمونو گئن-بول ائیلهدی.
ازابلارین کوتانینا
او، سینمی یول ائیلهدی.
بختیار واهابزاده
1998-1999
آذربایجان-تورکییه
بختیار واهابزاده
(جاوانشیر قولیئو موسیقی بستلمیشدیر)
بیر آنانین ایکی اوغلو،
بیر آمالین ایکی قولو.
او دا اولو، بو دا اولو
آذربایجان-تورکییه.
دینیمیز بیر، دیلیمیز بیر،
آییمیز بیر، ایلیمیز بیر،
عشقیمیز بیر، یولوموز بیر
آذربایجان-تورکییه.
بیر میللتیک، ایکی دؤولت
عینی آرزو، عینی نیت.
هر ایکیسی جومهوریت
آذربایجان-تورکییه.
بیردیر بیزیم هر هالیمیز—
سئوینجیمیز-ملالیمیز.
بایراقلاردا هیلالیمیز
آذربایجان-تورکییه.
آنا یورددا-یووا قوردوم،
آتا یوردا کؤنول وئردیم.
آنا یوردوم، آتا یوردوم
آذربایجان-تورکییه.
20 март، 1996
بختیار واهابزاده
آخی، دونیا فیرلانیر
بختیار واهابزاده
واختین دییرمانیندا داش اریدی، قوم اولدو،
تاریخه آتدیغییمیز قاییتدی، لوزوم اولدو.
دونهنین حقیقتی بو گون ترس یوزوم اولدو،
نیه ده یوزولماسین، آخی، دونیا فیرلانیر.
چوخ اوولاقلار ایچینده چوخ اوولاری اوولادیم،
آشیب-داشان آرزومو من آرتیق جیلوولادیم.
من آتامی اؤتموشم، منی اؤتور اؤولادیم،
بو، بئله ده اولمالی، آخی، دونیا فیرلانیر.
دونن دوز ساندیغیمی بو گون ایری سانیرام.
بزن اولور، اؤزومدن اؤزوم اوغورلانیرام.
هر ایل باشقا آرزونون باشینا فیرلانیرام،
نیه ده فیرلانماییم، آخی، دونیا فیرلانیر...
چوخ اییلن گؤرموشم، اییلمهین باشلاری.
سولار دورولدو، گؤردوک دیبیندکی داشلاری
اونوانمی دییشدی دونهنین آلقیشلاری؛
نیه ده دییشمهسین، آخی، دونیا فیرلانیر...
نئجه دؤنور بو دؤوران، نئجه دؤنور بو گردیش،
تازیلارم اوستونه دووشانلار دا گولرمیش.
دونیا بینا اولاندان هر شئی دییشیلرمیش،
دییشمهسین نئیلهسین، آخی، دونیا فیرلانیر.
ابدینی دونیادا من ابهدی سانمادیم،
بیر آتشه توتوشدوم، مین آتشه یانمادیم،
بوتلر گلدی و گئتدی، بیرینه اینانمادیم
نیه اینانمالییام، آخی، دونیا فیرلانیر.
فیرلاندیقجا بو دونیا، یوخ دا دؤنوب وار اولور،
قورویان چئشمهلردن سولار یئنه جار اولور.
بو دونیانم خئیری ده، شرعی ده تکرار اولور،
نیه تکرار اولماسین؟ آخی، دونیا فیرلانیر.
مین-مین ایللر بو دونیا بئلهجه فیرلانسا دا،
بیر یووانین بولبولو مین بوداغا قونسا دا،
آیلار، ایللر، فسیللر بیر-بیرینی دانسا دا،
دییشمزدیر اقیدم، چوخ دا دونیا فیرلانیر،
نه قدر ایستییرسه، مین او قدر فیرلانا،
قارشیما گاه شر چیخا، گاه خئییر دیغیرلانا.
چرخی-فلک ایستییر لاپ دولانا ترسینه،
اقیدمی هئچ نیه دییشمرم من یئنه.
5 اوکتیابر، 1985.
بختیار واهابزاده
نقصاندان دا بئترمیش
اؤز-اؤزومو منم چکن چارمیخا،
نه بیلیدیم، حؤکمو وئرن قدرمیش.
اؤز ایچیمده حاکم ایله وکیلین
گئجه-گوندوز چکیشمهسی هدرمیش.
چوخ دوشوندوم: ندیر قصدیم، نیتیم؟
هارا چکیر گؤرن منی فیطرتیم؟
بو دونیادان منیم پاییم، قیسمتیم
سئوینجیمدن اوغورلانان کدرمیش.
من باخمادیم نه یادا، نه همدمه،
نقصانیمی فاش ائلدیم عالمه.
هئی دانلادیم اؤز-اؤزومو... هئچ دئمه،
مردلیگیم ده اعترافا قدرمیش...
ویجدانیمدان سوردوم: ندیر اعتراف؟
جاواب وئردی: بیر توبهدیر اعتراف.
ایندی بیلدیم، عملسیز بیر اعتراف
گوناه کیمی نقصاندان دا بئترمیس.
31 دئکابر، 1998
نفسیمیز
بیزده بو سویاق قانلاری نئیلردین ایلاهی ؟
م. ا. سابیر
قاجقینین پایینا گؤز دیکن آلچاق،
سنه هانسی حاقلا من اینسان دئییم؟
میللتین قانینی سوران قورومساق،
من سنین آدینا سوخولجان دئییم.
بس هانی اینسانلیق، بس هانی ویجدان؟
تاماه اینسانلیقدان قاباغا دوسدو؟
بلکه ده بو دؤوران دولاندیگیندان
قیبلهمیز گاه سولا، گاب ساغا دوسدو.
بو، سنین خالقینا اوریی یانان
اؤزگه بیر میللتین وئردیگی پایدی.
ائی اؤز میللتینه یاددان یاد اولان،
پایا گؤز دیکینجه گؤزون چیخایدی.
خالقینین دردینه اؤزگهلر قدر
یانمادین، بس بونو نیه قانمادین؟
یئتیم قیسمتینی یئییب سراسر
او شیسن قارنیندان هئچ اوتانمادین.
بیز نئجه مخلوقوق، آنلامیرام من
نفسیمیز آغیرمیس قئیرتیمیزدن.
یول. 1998.
ناغیل – حیات
آنام اولسان بئله، آی آنام، خئیلی،
سندن گیلئیلییم، سندن گیلئیلی...
سن دویماق، دوشونمک اؤیرتدین منه،
دویوب-دوشونمکدن آزاد اولایدیم.
دانیشماق اؤیرتدین سن اؤز کؤرپنه
نولا، من آنادان لال دوغولایدیم.
دیلینی بیر ایله اؤیرندیم... ناهاق!..
اؤز دیلیم اؤزومه کسیلیب یاغی.
بوتون اؤمروم بویو چالیشدیم، آنجاق
اؤیرنه بیلمدیم دانیشماماغی...
باشیما بلادیر منیم اؤز دیلیم،
دنیزم، اوزومه دوروب ساحلیم.
یئریمک اؤیرتدین توتوب علیمدن،
دولاشدیم آرانی، دولاشدیم داغی.
بالانا یئریمک اؤیردینجه سن،
گرک اؤیردیدین ییخیلماماغی...
فیکیرلر ییغیلیر بئینیمده قات-قات،
جاوابلار قورخولو، سواللار-یاساق.
حیاتی قانانا اؤگئیدیر حیات،
اونو قانمایانا دوغمادیر آنجاق.
منی اینجیدیرلر بزن قصد ایله،
ائرتهسی هر شئیی اونودورام من.
گیروه دوشنده ظالمه بئله
ظلم ائدیب، کام آلماق گلمیر علیمدن.
آنا، قودوزلاشیر حیات، ایلبیل،
دالاییر پوچ اولان اومیدلریمی.
نیه ایستی دئییل، مئهریبان دئییل
بو آمانسیز حیات قوجاغین کیمی؟..
هارداسان، آی آنا، بیر گل، من یئنه
بلالی باشیمی قویوم دیزینه.
منه ناغیل دانیش، دایانسین آنلار،
گؤروم، ناغیلداکی او قهرمانلار
جوتباشلی دیولری نه تهر ییخیر،
نه تهر گیزلنیب، تیلسیمدن چیخیر.
بیر دانیش، هاردادیر، گؤروم سادت؟
بیزیم یوردوموزا او نیه گلمز؟
دانیش، دانیش گؤروم، ملیک محمد
زولمتدن ایشیغا نئجه چیخدی بس؟
دانیشما، آی آنام، دانیشما، کیری،
بئینیمه باتماییر بو افسانهلر.
دیولر گؤرموشم کی، ناغیل دیولری،
اونلارین یعنیندا تویوغا بنزر.
نادانلار گؤرموشم، اؤز یولونداکی
دیکه ائنیش دئییر، دوزه دیک دئییر.
تولکولر گؤرموشم، اؤز قولونداکی
دمیر زنجیرلره بیلرزیک دئییر.
آتاسینی سؤین، یادا باش این
رهبرلر گؤرموشم، قددار، آمانسیز.
تیکانا گول دئین، گوله کول دئین
قاریلار گؤرموشم دینسیز، ایمانسیز.
قولدورلار گؤرموشم، اؤزگه یئر دئییل،
یوردونو تالاییب، آسوده یاتمیش.
تاجیرلر گؤرموشم، سیموزر دئییل،
“مالادئس” سؤزونه وطنی ساتمیش.
دونیانی بیلندن، دویاندان بری
منیم گؤزلریمدن دوشوب حیات دا.
ناغیلدا گؤردوگوم قورخونج شئیلری،
حیاتدا گؤرموشم، آنام، حیاتدا.
یانوار، 1964 – مای، 1965
میللتیم
نیه بو گونه دوشدون
آی منیم مملکتیم؟
اؤزومه دوشمن اولوب
آشیب-داشان سروتیم.
بیر واخت سن ده خان ایدین،
واختا هؤکموران ایدین،
دؤولتلر قوران ایدین،
ایندی سنه نه نه اولدو
آ قوللاشان میللتیم؟
داشیندان دا زر بیتر،
یئددی آرخانا یئتر.
دیلنچیدن بئشبئتر
یوخسوللاشان میللتیم.
ناموسویلا، آرییلا،
کئچدیگی یوللارییلا،
بؤیوک اوغوللارییلا
اوغوللاشان میللتیم.
ساواش هونرلریله،
قهرمان ارلریله،
بؤیوک زفرلریله
ناغیللاشان میللتیم.
دمیر قیران دیشیله،
ایگیدلیک وردیشیله،
اؤز شانلی کئچمیشیله
"ساغوللاشان" میللتیم.
بو خالقین اؤز اؤولادی
اؤز-اؤزونو اوولادی.
صبرینی بوخوولادی
صبری داشان میللتیم.
نئجه دؤزدون بیر بئله
موسیبته، موشکوله؟
چکدیگی سیتم ایله
آ یوللاشان میللتیم؟
نه گوندهسن، نه گونده؟
قور قالماییب کولونده.
قئیرتسیزلر علینده
بو گون چاشان میللتیم.
ایستییرم چاشمایا،
دردیله یوللاشمایا،
بیر داها قوللاشما