اي موللا علي

هر گئجه شامدان سورا آی ماللي

 قوي چيراغي قارشيوا آچ مقتلي

عقليوي ييغ باشيوا اوندان سورا

 سؤزلري ازبرله قالا آنبارا.

چكمه آل بير جفت رنگي لعلگون

از براي پاي نحس شمر دون.

وئر چلنگر چرخه چكسين خنجري

 بعدها مست ائيله شمر ابتري.

خنجري تاپشير الينه کافرين

 مرده شو يوسون گؤروم او اللرين.

آل اله بير نيزه يا بيرکرواشان

دور داليدا، وئر آغان شمره نشان.

چون آلار خنجر او ملعون دستينه

ائيله فرياد ائيله کي، خخ  ديسگينه.

بَرك چيغير ملت آييلسين خوابدن

 او قدر آغلات کي ، دوشسون تابدن.

ايسته سن کي، طول تاپسين  مرثيه

حكم قيل وورسونلار باشين نيزه يه.

خلقه تأثير ائتمه سه بو ماجرا

 سؤيله شمره نعل وورسون آتلارا.

قلبي داشدان برکدير بو ملتين

آغلامازلار، خيمه گاهه سور آتين.

وور داغيت، ياندير خيامي  سربسر

 بلكه بو ظلم ائيله يه خلقه اثر.

گؤرسن اولمور قامچيني آل دستيوه

 ائيله وورآي، داشلانا قان اوستووه.

سال عروسي  آت دؤشونه بير زمان

 تا اوجالسين عرشه فرياد و فغان.

توتماسا مجلس اي مرد کوسا

 شمردن آل خنجري وئر حارسا.

باغلا اطفال يتيمي  قول قولا

 تا دئسين کوسسون خالا: اي واي بالا.

ائتمه سه بو هم اثر باجي لره

 مسلمي آت دامدان دوشسون يئره.

دهره ني آل دستيوه قصاب کيمي

 قير قابيرقازسين عمر خطاب کيمي.

چون بضرب دهره  دوشدو تابدان

 ايكي شقه ائيله آس محرابدان.

قووزا چوب منبره  وور دستيوي

ملت ايرانه گؤستر شستيوي.

قورخوسان گر پايه ي منبر سينا

قوخما وور، سينسا قاييتديريق گئنه.

گؤزلرين هامارجا آچ باخ گؤر نه وار

خلقي گؤرسن يوخلاييب مثل ديوار.

تازيانين وور سكينه  باشينا

عمه سين غرق ائيله تئز گؤز ياشينا.

قورخورام چيخسين ياديندان ساربان

عقليوي ييغ باشيوا اي روضه خوان.

بير قيلينج پارچاسي تاپ اي شوش قولاق.

 خيردا بارماغين حسينين کس گؤراخ.

خلق اگر وورمور باشا، چكمير هاوار.

سنده يوخ تقصير اي ميرزا قافار.

پاس باسار قلبي گؤنول شاد اولماسا.

يعني کتده داد و فرياد اولماسا.

بالشويكلر چونكي آلمير اييده ني.

بهت آپارميش ملتِ غم ديده ني.

لؤلؤنو قويمور اوروسلار تيفليسه.

اوندان اؤترو شور دوشموش مجليسه.

مشتري يوخ چون به آلوي قره

او جهتدن شيعه لر وورمور سره.

بير يانيقلي سؤز دئ آي ، خلق آغلاسين

شمره بير بئل وئر فراتي باغلاسين.

حكم قيل لشكر آلا ساغ و سولون،

 چك قيلينجي سال علمدارين قولون.

مجليسي گرم ائتمه سه بو سرگذشت،

 حاضير ائتسينلر گرك بير دانه تشت.

ساقييه امر ائيله گزديرسين مئيي،

 چالسين هم سازنده لر تارو نئيي.

خيزراني وئر الينه کافرين،

 سؤيله يا مولا  نه خوشدور ديشلرين.

ائتمه سه بو سؤزده خلقي اشكريز،

عابد بيماري وئر جلاده تئز.

بير قدر ظاليم يزيده وئر عاراق،

 تا آي، وورسون جومله خلق شاققاشاق.

راستيوا گئچسه او ظاليم حرمله

 سؤيله ملعون قوللارين تئز چيرمالا.

چون فراتي ابن سعد  ائتميش قوروق،

 قوي کامانه بير عدد اوچ پرلي اوخ.

پارچالار چون اوخ بوغازي اصغري،

سنده وور يومروقلا سيندير منبري.

آغلامير باخ گؤر اگر ملت گئنه،

 مين سمندي  ، سور مدينه شهرينه،

نعره ايي چك از جگر مانند شير،

 بوينووا شال عزا سال چون بَشير.

راستيوا گئچسه خانيم ام البنين،

 گؤز ياشين تؤك، سؤيله با آه و انين.

ائيله اشك چشمله ياش يايليغي،

 گلميشم چون وئرمگه باش ساغليغي.

بو قدر بيل اي خانيم در کربلا،

 قالمادي آل عبادن  بير دانا

اي خانيم چون بيتدي عبّاسين ايشي،

الي مين بوينو يوغون ظاليم کيشي.

ائتديلر غارت خيامي بالتمام،

قالمادي بير شاهيليق زاد والسلام.

مجلسه بو قصه هم اود وورماسا،

دوش آشاغي آل اليوه بير عصا.

ييغ ايكي بازويه جمله قوتين

 از قافاسين ملت بي غيرتين.

سيده، ملا يه، خانه باخماها،

 هرنه گلسه راستيوا وور قورخماها.

سوستالا قول، ايش دوشه گر مشكله،

 وئر غصاني معجز آهن ديله.

١٣٤٥ قمري/ ١٣٠٥ شمسي

میرزه علی شبستری

*****************************************

جانلي جنازه

ماه صيام  گلدي، مني سالدي محنته

اي کاش گلمه ييدي اوروج بو ولايته.

گؤرسن مه مبارکي  ، ساقي بئش اون تَپيك

وور، بعد سؤيله مندن او بيعار و غيرته.

اي ماه روزه! اي رمضان! اي فلان فلان،

خلقي گتيرمه تنگه، اؤزون سالما غيبته.

، گئت هر يئره کئفيندي، ولي گلمه سيسبگه

يوخدور دوام منده اوتوزگون کسالته.

افطاري يوخ ، اوباشداني يوخ بينوالارين،

تكليف شاق ائيله مه زحق بي بضاعته.

افطار اوچون کباب ائله ين بير چره ك اتي،

اي مالدار! گل بيزه باخ بير قناعته.

آخشام اولاندا چؤلمه يي لبريز ائده ر خانيم

يعني کي، بير چره ك سو تؤکر هفتديره م اته.

قلبي ضعيف ائده ر بو غذا، هوشو تار مار،

من تاپدارام اوشاقلاري، آرواد دؤنر ايته.

عورت منه يامان، من اونا سيللي و تپيك،

قان ائيله ريك گر، اولماسا همسايه واسيطه.

جنگ و جدال ماه مبارکده چوخ اولار،

حاقسيز چيخار فقير، گئده گر شكايته.

وارلي اگر فقيرين ازه داشيلن باشين،

تنبيه ائده رحكومت او باشي جراحته.

بير گون قازان بضرب  چوماق سينديرار باشين،

ياخشي گون آغلاييبسان او بيچاره ملته.

خمسين الف آيه سي  نازيلدي شانينه

الحق باهار گونلري بنزه ر قيامته.

بير ايل قالير اذانا هله،  قوي باشين يئره،

اي بينماز  آچما گؤزون، باخما ساعته.

يات باشيوي کسيم دئسه واعظ وارام، بلي!

آما يوخا اوروج کيمي موشگول عبادته.

چاي ايچمه سم سحر، گئده رم اختياردان،

قويمازلا قويماسينلا مني باغ جنته.

من زر خريد قول دگيلم  ماه روزه يه،

من نوکرم تيميمه  ، غسلا  ، طهارته.

مال يتيمي ماللا يئيير، من اورجلوغو،

من مال حقه بندم، او مال رعيته.

خاين گؤرنده خاييني، آلني قابارلانار،

من خلوتي گناه ائديره م، او صراحته.

ساقي غريبه ايشدي بو اي، خيلي گولمه لي

وقفي يئيير گوله گوله، آغلير شريعته.

اي يار غار ، کافر ائديرسن عليني سن؟

اگلشميسن عمر کيمي تختِ خلافته.

طلابي ييغميسان باشيوا بير مراميلن

مخفي دگيل  مرامين عمي ذيفراسته

عرضي قاليب ائشيكده مهاجرلرين تامام،

ميرزا وئرير تومنلري اصحاب ثروته.

هر گون او نابكار  ، او جلاد بي امان،

زهر جهالتي  تؤکور اعضاي ملته.

او مين تومن فقير پولون دولدوران جيبه،

تذوير ائديب حصير ساليرسان عمارته؟

ساقي دونن بو وقت کئچيرديم برابدن

دوشدو گؤزوم او سمتده بير بيكس عورته.

بيمار ايدي ، غريب ايدي، بي اختيار ايدي،

محتاج ايدي داوايه، غذايه، حمايته.

من مضطرب باخيرديم او جانلي جنازه يه،

آغلاردي گؤزلريم او پريشان قيافته.

بير تخت پارا تك قوروموشدو او بينوا ،

گؤردوم او بينوا دؤشه نيب خاك ذلته.

زولفون ائديب نقاب سارالميش عذارينا،

باشين قويوب داش اوسته گئديب خوابِ راحته.

شكلي بيان ائديردي آي، بو بير عزيز ايميش،

بيچاره بير قضا ايله  دوشموش بو حالته

هر کس اونا باخاردي دئيه ردي کي، جاني يوخ،

من ده دئييرديم عؤمرو يئتيشميش نهايته.

ناگه  گتيردي هوشا اونو تاققاتاق سسي،

آچدي گؤزون ياواشجا، مني سالدي حيرته

بير باخدي حسرتيله گئنه يومدو گؤزلرين،

ايدي باشين، اوزون دايادي سنگ عبرته.

معجز ! بو سس نه دير؟ دئدي، باخديم دئديم آي: هئچ!

دولتليلر گئديلله نماز جماعته.

بير آه چكدي شعله سي يانديردي شاعري

يارب  اولارمي چاره بو بيچاره ملته.

میرزه علی مؤجز شبسترلی

*****************************************

مثنوي

آه ! وآه ! اي امت خير البشر

گلدي تهراندان بو گون بير بد خبر.

کي، ائديب وهابيان بي ايمان،

روضه پيغمبري بومباردومان.

سالميش ايرانه تزلزل بو خبر،

 تعزيه برپا ائديبدير شيعه لر.

گئنه وئردي اذن گؤز ياشينا خلق،

 سيلله و يومروق وورار باشينا خلق..

روضه خوانلار الده منديل عزا،

 آغلادار خلقي بصوت غم فزا.

سرگذشت کربلادن آرتاجاق،

 بو حكايت ائتدي خلقي بي داماق.

آغلادانلار، آغلايانلار مثل نئي،

 باشينا سامان سپر اهل گونئي.

مثنويده  خوش دئييب ملآي مست،

 "دم سگ از ريش نادان بهتر است".

روضه خوانلار شيعه ني بيروح ائده ر

سينه زنلر سينه ني مجروح ائده ر.

چون الين قاوزار گؤيه زنجير زن،

 سسله نر زنجير، هم بيت الحزن.

مؤمنين يوخدور توپو، طياره سي،

اؤز اؤزون دؤيمكدير آخير چاره سي.

لعنت ائيلر انگليسه خاص و عام،

 انگليسين رنگيدير بو، والسلام.

انگليسه زوروموز چاتمير آمان،

سن يئتيش امداده يا صاحب زمان .

چك قيلينجين حمله ائيله لندنه،

 قير، داغيت ماننده توخم پربينه.

غيرتين چوخدور و هم زوروز سنين،

بيزده ايش يوخدور، بيليرسن سن اؤزون.

سن قيلينج وور کافير اؤلدور اي آغا،

 من قويوم ساققاليما رنگ و حنا.

وور جيدايا سن او کفارين سرين،

 من ائديم سيغه او کافير قيزلارين.

سؤيلر هر کس کوچه و بازاردا

 انگليس بارماغي وار بو کاردا.

او ائدير تحريك وهابيلري،

حكمتي وار بو ايشين، اي همشري.

انگليس اول حيله کار آوروپا،

روضه پيغمبري باغلار توپا.

بو جهتدن کي، عجم غمگين اولا،

 تعزيه بر پا ائده صبح و مسا.

گونده يوز سيب چاي آلا، مين پوت شكر،

 تكيه لرده صرف ائده شام و سحر.

سن ايچرسن چاي، اولارسان اشكريز

  گونده بير يوك پول قازانار انگليس.

او بيليرکي، بير مصيبت وئرسه اؤز،

 شيعه لر قارا گئيه ر اوغلان و قيز.

لا اقل ايراندا وار اون دؤرد کرور

 شيعه خالص، سئواي از شل و کور.

هر بيري آلسا قارا چيك اوچ چرك،

 از براي کؤينك و شال و بره ك.

بس گرك وئرسين قيران يئددي کرور،

 تا قارا گئيسين گروه بي شعور.

سن کي بيلمه زسن حساب و هندسه،

 پس گوجون چاتماز سنين انگليسه.

آغلاماق مشقين وئريب فاضيل سنه،

 فاضيل دربندي تك عاقيل سنه.

اوخويوبسان چون فقط سن بير نصاب،

 اول جهتدن بيلميسن قارداش حساب.

ضارب و مضروبله اللشمه چوخ

 جبر اوخو، ابوابدا بير نفع يوخ.

اؤز بئزين وئر کربلايي باغيرا

هاميسين باسسين کوپه، ائتسين قارا .

اينيوه گئيسن اونو کوسمه ز امام

 "خوش دئييل رنگي" دئمه ز فخر انام.

گر آخوندا سؤيله سه باققاليميز،

 کيم دئيه ر قيرخيلماسين ساققاليميز.

هر توکونده ساققالين وار بير ملك،

 بو حديثين اولمايا اصلي گرك.

کفرونه امضاأ قويار في الفور آخوت،

 هيچ کس آلماز او باققالدان نخود.

انگليس اما سؤيور پيغمبري،

توپا باغلير اول مكان اطهري.

آليريق اوندان گئنه بيز استكان،

لاله  و لامپا و قند و چايدان.

ايلده يوزمين استكان مرحوم اولار،

ا نگليسين جيبينه پوللار دولار.

اللي مين سموار قاينار صبح و شام،

 بو سماورلر کيميندير، آي بالام؟

باخ، اوتان شالواريوا، تومانيوا،

 مخملين يئل ائيله مه جانانيوا.

آلميسان باققالدان ياغ آشيوا،

 قويموسان عمامه تنظيف باشيوا.

بس سنه لازم گلير تنبيه اولا

 بعد وورروق تازيانه باققالا.

معني پورتستي بيلمك شرطدير،

 بيلمه ييرسن، چونكي، ذهنين پرتدير.

لعنت ائتمه انگليس کافره،

ايچمه چايين، استكانين وور يئره.

اطه  ، ماهوتا، ماهوت وارييه

مشتري کيمدير عمي چيلوارييه؟

يارماسايدي کله سين ميرزا موسي،

 انگليس ساتمازدي اون مين توپ خاصا.

خلقي تحريك ائتمه سه يدي شوشتري،

کيم اولاردي بو متاعه مشتري؟

ووردو باشين منبره فاضيل کيشي

 من ده يارديم باشيمي ياي و قيشي.

/شعر ناقص نظره گلير/

معجز شبستری

*****************************************

عاشق پريشان

هميشه فيكري بودور عاشق پريشانين

او گؤزلريندن اؤپه يدي، اولايدي قوربانين

قاپينيي باغلاما، اي باغبان حسن و جمال،

مرخص ائيله مني بير گؤروم گولوستانين.

خلوص نيت ايله گلميشم تماشايه،

. ائشيتميشم گول آچيب تازه نار بوستانين

نه نار درمگه گلديم، نه گول، بو گولشنده،

نه دير زياني سنه خشكه بير تماشانين.

، نظاره نقص يئتيرمه ز گولون لطافتينه

داها گؤزه لله شي بارين سيلنده هئيوانين.

رسوم عشق و محبّتدن آنلاماز مفلس،

بيلر دوشابي اولان، لذتِ مربّانين.

گولاب ايي گلير آغزيندان آشكار سنين،

گول اوسته نصب اولونوب يوخسا در دندانين،

نظاره قيل  ، نئجه گؤر خلق فوج فوج  گلير،

زيارت ائيله مگه آعبث زنخدانين.

اگر دئييم لبوه  قند، دهانيوه  گولقند.

زجاج  قلبي سينار پشمك ايله حلوانين.

ديليوي ياش رطبه  اوخشاديردي شاعرلر،

ايچينده چردآي گر اولمايايدي خورمانينل.

غلطدي زولفووه  ريحان دئمك و يا مرزه،

او رنگ و بويوهاني، مرزه ايله ريحانينل∗ .

او چشم مستيوه  ائيلر فدا، بلا ترديد

وئريلسه عاشيقه مالي تمام دنيانين.

او خال شاه  ، او عارض  ، او زلف مار سياه،

فدا اولوم سنه! اينجيتمه زيردستانين.

يازاندا بو غزلي، نصف ليل آئچميشدي،

ياواش ياواش ايشيغي تار اولوردو لامپانين.

خانيم آييلدي بو اثناده گؤردو من يازيرام

. دئدي: دور، يات آيشي توزلو قالا قلمدانين

تمام فيكريوي حصر ائتميسن غزلياتا،

دوشونموسن آي، آوپو بوش قاليب قاويرمانين.

صاباح اولاندا جوابين نه دير طلبكارا،؟

مگر وئريلمه يه جك مالياتي ديوانين

اجاره دار گذشت ائيله مز فقيره پولون،

سرانه ني دريسيندن چيخاردار عريانين،

خدا نكرده صفر بيگ اگر گله غضبه

يئرينده يئللر اسر ياسديق ايله يورقانين .

باشي بلالي اوغول بادآوبه ده چاليشار،

گرك يازيق آنا وجهين وئره مفاصانين،

"گؤر آل" رسمدي گر، بس بو "گؤرمه آل" نه دير؟

عجب نظام قويوب حكمداري  تهرانين.

مني سني وئره ني، حق گؤروم ذليل ائتسين،

آبين آسنده ديلي لال اولايدي آغانين.

بو تلخ سؤز مني پرت ائتدي، بيلمه ديم نه ائده يم،

دئديم وفاسينا لعنت تمام نسوانين.

بهشت عدنده  ، اي آاش حضرت آدم،

اولايدي آور، اوزون گؤزمه يه يدي حوانين.

جهاندا بيلمه دي عورت نه دير، اوشاق نه دير،

خوشا سعادتينه حضرت مسيحانين.

مگر آي، خوش ياشاماق عورت ايله موشكول ايميش،

اودور آي، خلق دالينجان دوشورلر اوغلانين.

سئواي غصه نه دير، خئيري بونلارين آيشييه؟

نه نفعي وار گؤره سن بيزلره تكذبانين.

ائشيتدي بو سؤزو عورت، دوروب سراسيمه،

دئدي: تفاوتي چوخدور، پيلاولا دولانين.

آره تاپيلماسا، ناچار خلق يئيه ر دنبه،

عاراق فراستين آلميش اليندن اعيانينل ل.

دئديم آي، خرجينه فرمايشيز نه دير پيلاوين؟

توتوپ ايگيرمي تومن زربنارا تومانين

شبستر اهلينه آافيرده اولماسين آرواد،

نه خئيري وار بيزه بو اسم بي رمسمانين.

اون ايل گئده ر، گلر اون گون قالار ولايتده،

"نه بؤيله وصلين اولايدي، نه اؤيله هجرانين.

وطندن ال چكيب، اي دوست، گئتمه ييم، نئيليم؟!

بويور گؤره ك گذراني هاني بو ويرانين.

يقين بيلين آي، قدم باسماز اؤزگه تورپاغه،

وطنده خوش آئچه گر روزگاري انسانين.

سويوقدا غربته گئتمك چتيندير اؤلمكدن

نه برك جاني وار آللاه بو اهل ايرانين .

نه شاه شاد، نه درويش سنده اي ايران،

نه امن وار، نه تجارت، نه شرع و نه قانون.

بو آارواني چكير جهل درث موتا.

نه ياتميسان بالا دور مستدير شتربانين.

بيزي اجانيب ائديب زور علمله حامال،

سئواي صبر نه دير تكيه گاهي  نادانين.

غم آلدي جانيمي، ساقي، سني آغان جاني،

ببير آز عرق ايچينه تؤك او شيرلي فينجاني.

غرق حرامدي، لاآين حلالدير رشوت،

تءمل ائيله مه قربانييام بو فتوانين.

بقصد رشوه حلالي حرام ائديب مجرم،

وبالي بوينوما اولسون او نامسلمانين.

ياتار مهاجر اسلام آج، قار اوستونده،

قالار پيلاو باشينا مطبخينده  اعيانين.

آنار پينجده اگله شميسن نزاآتله،

نه آار ائده ر سنه تءثيري سوز و سرمانين.

نه پينجي وار، نه لباسي ائده سويوقدان حفظ،

فقيردن خبر آل زحمتين زمستانين.

او روس يولو آچيلايدي، قاچايدين، اي "معجز"

خلاص اولايدين اليندن بو آج قابيرقانين.

معجز شبستری

*****************************************

مکتوبلاشما

بو امر محققدی کی بیز میلت ایران

خوتتدانه و هم غول بیابانه ایناننوخ

افسوس کی نسوان وطن گورمه دی بیر گون

ایرانی مین اوچ یوز سنه جهل ائتدی قارانلوخ

تا عمقیزی وار،گوزده ایشیخ، تنده توانا

هر زحمته هر موحنته قوربتده دایاننوخ

 یاتدیم من ، اوزان سنده ، هله وخته قالیر چوخ

صوبحی مدنیت آچیلان دمده اویاننوخ

وقتا کی طلوع ایله دی خورشید ترققی

اوندا کی ایشیخلاندی بیزیمده آبادانلوخ

منده گله رم یانووا یعنی او زامان کی

نه سنده طراوت قالی نه منده جاوانلوخ

من ساقالی سن زولفی حنا ایله بویارسان

وئرروخ او زامان ال اله بولقاری بویاننوخ

مؤجیز اوتانیر قیخمیری ساققالی دئییرلر

نه .... بیزده حیا اولسا ، جهالتده ن اوتاننوخ

معجز شبستری

*****************************************

 

محمدعلي يه مكتوب

ائشيتديم آي، وداع ائتميش جهاني  ، او نازلي مادرين، اي يار جاني.

***

فراقيندا گؤزون گريان اولوبدور، خالان و خواهرين نالان اولوبدور.

فقط ملعون توآذ خندان اولوبدور،  سوخوب چونكي مزاره  قايناناني.

***

اجل گلدي قاباخدان قالخدي انگل، گلين سؤيلر نهاني  : گل، آئفيم گل.

اؤله يدي قاينانام آاش اون ايل اول، قاليب اينجيتمه يه يدي من جواني.

***

اگر خاموش ائده يدي  يئل چيراغين، من زارا تؤآردي قاش قاباغين.

عمود ايله اؤلوم ازدي باجاغين. گؤره بيلمه ز داخي بو خانماني.

***

بير آز آشين دوزو اولسايدي بسيار  ، ياراردي باشيمي آؤمچه ايله آافتار،

سنه قوربان اولوم اي مرگ خونخوار  ، آي، آزاد ائيله دين من بينواني.

***

دئديز بي ديني گؤندرسك اويانا،  اولار باتماني نانين بير قيرانا،

او گون آي، من قوشولدوم آاروانا،  گيران ائتدي خدا، بوغداني، ناني.

***

من اولسايديم اگر بي دين و ايمان، خدا ائيله ردي قند و چايي ارزان،

زميني  زلزله ائتمه زدي ويران، و يانمازدي او قنادي دوآاني.

***

گولون، عيش ائيله يين، اي يار و يولداش، يئئين بايرام گونو دولما و سولاش

گولنمه ز چون محرمده قيزيلباش ،  ائدر ناله، سپه ر باشا ساماني.

***

، ولو مكتبلي لر  شاپقا  قويورلار، سنه نه دخلي وار چشمين اويورلار

. مرخص ائيله ييب دولت، دئييرلر، در اين باره  تمام ايرانياني

***

سيزي وئرره م قسم  آل عبايه،  وئرين زينت او بؤرك ايله قبايه،

مودو آئچميش، ايا اهل الولايه،  داها گؤزدن سالين، آورآو، عباني.

***

از آنجاييكي حكم پادشاهدير،  اونو قوي باشيوا، قاسم هد گناهدير،

فقط اونا آوره ك وورماق  گناهدير، اونون يوخ، وار بونون زينه زياني .

***

مني قاسيمدان ائتدي دور هيجران، حسين آوردون ناغيلي قالدي نقصان،

دؤنه ر باشيم، اولار حاليم پريشان، سالاندا يادا بام آسياني.

***

گذاريم دوشسه بيرده اول دياره، ده گيرمان دامينا چيخسام دوباره،

شبِ مهتاب  و ابر پاره پاره دئسن وئرره م قولاق تا صبح اذاني.

***

منيم ياريم آقا ميرزا علي دير  علي بيگ هم گؤزه ل، هم سئومه لي دير.

عزيزه ، سوره ماه منجلي دير، ناجييه دوزلودور، مثل شاهاني.

***

نئچين محمود بهرامي اولب لال؟! نييه تؤآمور دهانيندان يئره بال؟

نئچين ائتمير مني بير حال و احوال، زمستان دا دونوب يوخسا زباني؟

***

نييه يازمير منه تيمور نامه، علي بيگ منتظرديرمي سلامه،

دئيير ممدتقي اذان، اقامه؟ و يا يوخدور نماز ايله مياني؟

***

دئييرلر پاك نيت بير جواندير، هميشه طالبِ امن و اماندير،

خيالا معجز ايله هم زباندير، خدا حفظ ائيله سين منصور خاني.

/شعر ناقص نظره گلير/

معجز شبستری

*****************************************

ايشيقلاندي

گئنه ستاره بختِ جوان ايشييقلاندي،

آچيلدي غنچث گول، گولستان ايشيقلاندي.

چيراق برق طلوع ائتدي سمت مغربدن،

منور اولدو جهان  آهكشان ايشيقلاندي.

 

اي اهل والده خان  ، قالخدي قالخدي قاپتولاسيون

دوباره بيرق نوشيروان ايشيقلاندي.

گلين، گلين آي، وطن خيلي با تماشادير،

بَزه ندي مملكت ايرانيان ايشيقلاندي.

قاپاندي دخمث نكبت ، آچيلدي باب نشاط،

ياخيلدي مشعله لر، پارلمان ايشيقلاندي.

دئيين اوجا سسيله: زنده باد شاه جوان،

آي، سايه سينده لواي آيان ايشيقلاندي.

او گون آي، سن ملكا عزم آارزار ائتدين،

وطنده نجوث امن و امان ايشيقلاندي.

داغيلدي هر بير بير يانا خائنان وطن،

مثال مور و ملخ، ديلمقان ايشيقلاندي.

فرارا وئردي قرار عونث آوچك خان چون،

گلولث توپ و تير ناغان ايشيقلاندي.

ايتيردي خزعل اؤزون، هم او ماآي سردار

او گون آي، تيغ شه قهرمان ايشيقلاندي.

نيگار گلدي دونن بنده خانييه مهمان.

دانيشدي، گولدو، دل ناتوان  ايشيقلاندي.

دئدي: يورولموشام، عاشيق، سماوري دمله،

ائشيتدي بو سؤزو چون، چايدان ايشيقلاندي.

خلاصه قاينادي سموار، دملع ديك چايي،

بوشالتديم، ايچدي او، روح و روان ايشيقلاندي.

دئديم: بو چاي معطردي  موشك و عنبردن

تبسم ائيله دي ، هم استكان ايشيقلاندي.

دئديم: بو خندث بي موقعه نه اولدو سبب؟

آچيلدي لبلري  ، او گول دهان ايشيقلاندي.

دئدي: مبالغه دن  ال گؤتور داخي، عاشيق

دئديم: نييه؟ دئد: آخير زمان ايشيقلاندي.

دئديم آي، مجلس و محفلده  گؤرموسن صد بار

آي، سؤندو نور حقيقت، يالان ايشيقلاندي.

گلنده شوره، ووراندا قافاسينا  ملت،

درست باخ، نئجه گؤر روضه خوان  ايشيقلاندي.

سحابِ جهل هنوز حكمراندير ايراندا

اينانمايين دئسه لر اصفهان ايشيقلاندي.

جمال سعدي و خيام  و طوسي و حافظ،

اگر چه نور وئريب بير زمان ايشيقلاندي.

و ليك فايده بخش اولمادي او نور بيزه،

نه اهل طوس ، نه شيرازيان ايشيقلاندي.

مصادف اولدو خرافاتيله چون اول لمعه،

او لمعه سؤندو گئنه، داستان ايشيقلاندي.

قارانليغا آليشان گؤزده تابِ نور اولماز،

قاماشدي گؤزلريميز، چون جهان ايشيقلاندي.

لوروستان حاجيسي چون مكه ده دئدي لبّيك

آلاهي دوشدو باشيندان، يامان ايشيقلاندي.

دئديم: بو مبلغ هنگفتو خرج ائدين وطنه

شرارث غضبيدن دوآان ايشيقلاندي.ل

بير آز آثيف ايدي پيراهني آپاردي يويا

تؤآولدو خزنه يه بيتلر، تيان ايشيقلاندي.

جوراب گئيمه دي، گئتدي زيارته، گلدي،

قازاندي بير قيران اول پهلوان ايشيقلاندي.

بزور پاشنه سنگ و بقوت بازو،

هزار شوآر  ، او مبارك دابان ايشيقلاندي.

آثيف حاجيني گورجك بهشتده حوري،

شرارث غضبيندن جنان ايشيقلاندي.

آتا عوام، آنا بي خبر، بالا جاهيل،

نئجه دئييم سيزه من سيستان ايشيقلاندي .

او گون آي، علم چيخار آورسويه ندا ائيلر،

گلين، گلين کي، جمال زنان ايشيقلاندي.

او گون کي، گونده گؤره رسن کي، بير مبارك نور،

وطنده ن ائتدي صعود ، آسمان ايشيقلاندي.

گيره ر هلال بولود آلتينا خجالتدن،

او گون آي، آوآبِ آيروپلان ايشيقلاندي.

هيلالا اذن وئرين گئتسين آايري دنيايا،

آي، نور علمله  ملك جهان ايشيقلاندي،

دئدي: نه وقت اولارام من منور ، معجز؟

دئديم: اوغول او زمانكي، آنان ايشيقلاندي.

شهريور ١٣٠٧ شمسي ٦٤

 

 

معجز شبستری

*****************************************

او طرفده بو طرفده

خوش اولار سيزين ديارين گول و لاله و هزاري

او هزار و لاله زارين نعماتي بي نهايت.

او طرف گؤز للري نين گؤزو، قاشي دلربادير،

حرآاتي جان فرا هم، سكناتي  بي نهايت.

وئره ر ال اله قيز، اوغلان، دانييشار، گولر، ايچر مئي

چالينار آمانچه و نئي، ائده ر استماع الف بئي

لبي ياري يار اؤپنده دئيه ر عرش و فرش  اوخو هئي،

سئوه رم عموغلي منده او حياتي بي نهايت.

بيزيم اؤلكه ده و لاآين، گولوب اويناماق، دانيشماق

قاداغاندي تار چالماق و آمانچه ني ائشيتمك،

دفه  سيللي وورماق اولماز و گناهدير مئي ايچمك،

ولي باشا وورماغين  وار حسناتي بي نهايت.

اوزونه بيزيم گؤزه للر سالي  بير نقابِ قالين،

ميكروسكوپ ايله باخسان گؤره بيلمه سن جمالين،

بيري گر آچا جمالين، توپوره ر اونا ملايين،

داما تير  سالاندا سؤيلر، صلواتي بي نهايت.

آغا مسجده قوياندا قدمين، قوپار قيامت،

هاميسي دورار آياغا، ائده ر اللرين زيارت،

وطن مريضه ، آيمسه نه غذا وئره ر، نه شربت،

نه داوا، فقط سئوره رلر عتباتي  بي نهايت.

آغا چيخدي منبر اوسته، نئجه گؤر چيخير اؤزوندن!

دانيشير غرور ايلن باخ، نئجه اود چيخير گؤزوندن،

ائله قيشقيرير آي، منبر تيتيره يير اونون سؤزوندن،

بويويور بو سؤزلرين وار، صلواتي بي نهايت.

آغا چيخدي منبر اوسته، آچيب آغزيني بويوردو:

قوياجاقلا تازا قانون، ييخاجاقل  ا آؤهنه يوردو،

ديشي ميل ائديبدي دينين، شيشه ر آن با آن اوغوردو،

بيزه وار بو قانقارانين ، خطراتي بي نهايت.ل

تازا دولت ائتدي ضايع، زحمات عالميني،

قيزا اؤيره دير آتابت ، ييخيري بناي ديني،

آسه قورخورام بو بيصلر ، بلدييه ده آبيني،

بو حكومتين فنادير حرآاتي بي نهايت.ل

اوخويوب يازان خانيملار يازار عاشيقينه نامه،

او آي، يازدي نامه، دينين گئده جك اسير شامه،

وئره، اي جماعت، هر آس، قيزي نين الينه خامه،

اولو  روز حشر  ، او شخصين خسراتي  بي نهايت.

دئدي، دوشدو چون نفسدن او جنابِ اشرف الناس

من آياغا دوردوم اوندا، دئديم: اي گروه نسناس

دئيين او گؤبك يازانه، قلمين اوجون ياواش باس،

گؤبگيني اينجيده رسن، عوراتي بي نهايت.

بيليره م نه دير خيالي حضراتين، اي محبّان،

دئييسيز آي ، خدمت ائيلر بيزه آبله ملا قوربان،

يازيلارسا ناف نسوان ، چوخالار نفوس ايران،

وطنه اولار اولارين خدماتي بي نهايت.

فقط اي حاجي داداشلار، چون ائدير نظاره فالچي،

آلم لطيف نافا ، آيريخير بيچاره فالچي،

قلمي وورار داواتا ، چيخادار دوباره فالچي،

طرفينه وار بو آارين ، زحماتي بي نهايت.

اولا گر ساوادي، ياران، مشدي تكذبانين،

قاباغيندا عورت آچماز گؤبگين فيلان فيلانبن،

او تكذبانا محرم، گؤبگين يازاندا آنين،

ائده ر حفظ آبروي حضراتي  بي نهايت.

شعر ناقط نظ ره گلير

 

معجز شبستری

*****************************************

اوروجلوق  2

رحم ائيله آخير اولدو قديم کمان اوروجلوق،

رنگي روخوم سارالدي، مثل سامان اوروجلوق.

بگلر يئيه ر نهارا کوفته، کباب و کوکو،

مجليسده ائيلر اما آه و فغان، اوروجلوق

، دايم يئيه ر ناهاري، افطاري هم سحورو

چايي ايچر، چكر هم قلياني خان اوروجلوق.

خانلار دئيه ر: گدالار گؤرمه ز بهشتي هرگيز،

واعظ دئيه ر: سيزيندير حور و جنان، اوروجلوق.

صوفي دئيه ر: بيزيم چين حق خلق ائديب بهشتي،

گئتمه ز جنانا هرگيز ايرانيان اوروجلوق.

گبر ويهود و ترسا ، ائيلر بو ادعاني ،

بيلمم کيمه جهنم اولموش مكان اوروجلوق.

هر آس عدالت ايله ائتسه جهاندا رفتار،

ظنيم بودور آي، مثل نوشيروان ، اوروجلوق.ل

هم ائيله سين جهاندا شاهليق، هم آخيرتده

اولسون مثال قيلمان جنت مكان، اوروجلوق.ل

حق عادل اولسا، ياخماز دوزخده  بينواني،

چون چوخ يانيب جهاندا اول ناتوان اوروجلوق.ل

بيچاره فعله ايشلر تا عصر تر ايچينده،

اربابدان آلار بير سورتوك قيران اوروجلوق.

خبّاز بي حيايه  ، عطاره  وئرسه آلماز،

آج آجينا گزه ر تا وقتِ اذان اوروجلوق.

آلتي شاهي آلارلار، ده يك ايكي قيرانا،

يوخسول آلار بير آز چاي، بير قدر نان  ، اوروجلوق.

خاليق گؤرورمو يوخدور غير از لاواش  بير زاد؟

با اينهمه يئتيرمير بير گيردآان  اوروجلوق.

گويا گليب خدادان حكمو سنه دئييرلر،

اوچ گون سورا ائديرسن نقل مكان اوروجلوق.

قال گؤزلريمي باغلا، آغلا جنازه م اوسته،

جانيم آليب دوداغه، گئتمه دايان اوروجلوق.

چونكي امين سن سن، ديندار پاآدامن،

من بنده يه وصيسن  ، اي مهربان اوروجلوق.

امواليم  هرنه اولسا، سات آبله علمرادا،

نقد ائيله، قوي آاسايه  ، مثل فلان اوروجلوق.

آل بير آفن، بير آزدا آافور  و سيدر  و پنبه،

تابوتومو مزارا ائيله روان اوروجلوق.

وئرمه قبير قازانه، امت لحيملي جوتلوك

وئرسن او بينوا چون، ائيلر زيان اوروجلوق.

قورخوم بودور لحدده  جسميم دونا سويوقدان،

ياندير مزاريم اوسته بير باغ تيكان اوروجلوق.

من بيلميره م عربجه، نئيليم، دئيه لله  ، چونكي،

بيلمه ز نكير و منكر  تورآي زبان اوروجلوق.

واعظ دئييرآي، اول اؤيره ن عرب ليسانين،

لازيمدي آخيرينده چون اول لسان اوروجلوق.

"من ربّك؟"  دئيه نده نكرين  ، قالما حئيران،

باشين ازه ر او ساعت گرز گران  اوروجلوق.

ما نع دي شيخ و واعظ بو ايشلره دئيه رسن،

حقدن اوتانماييرسان، خلقدن اوتان اوروجلوق.

لاسگيرت  يارراتماييبدير ايراندا حق تعالي،

گؤي بئز آي، خلق ائديبدير، ائيله تومان اوروجلوق.

اؤرگن زبان روسي  اول وطنده ياخشي،

پس گئت ديار روسا ، راحت دولان اوروجلوق.

معجز دئيير غلطدير اؤزگه دياره گئمك،

حاضيردير هر مكاندا روزي رسان اوروجلوق.

معجز شبستری

*****************************************

کورسو احوالاتي

منجم دئييرکي ، ياغار قيشدا قار

اوشور ال آياق، تند اسر روزگار

سويوقدان دونار بستي، چاتلار کولنگ

گيره ر کورسويه خلق شام و ناهار

نه اوچ گون، نه بئش گوندو بو داستان

اوچ آيدير زمستان بيداد کار

منيم حوصله م دار، اوشاقلار کؤنز

يئتيش دادا يا صاحب ذوالفقار

تكذبان گرك يانديرا هيزمي

. تؤکه کورسويه تا بوقت خيار

خانم چؤلمگي  چون قويار حوضگه

دوشه ر آرخاسي اوسته اطفال زار

يئيه رلر، ايچرلر قارينلار شيشه ر

ده ير ايستي الدن گئده ر اختيار.

آنانين قاچار رنگي، تيتره ر بابا

زمانيكي توپلار ائده ر خاررا خار.

دوواغي  دوشر قورخودان چؤلمگين

دولار جووفينه  خيلي گرد و غبار.

آقا بير قدر فكر ائده ندن سورا

چوبوق باشين ائيله رچوبوقدان کنار.

دئيه ر اي جماعت چيخين کورسودن

گؤروم سيز بشرسيز و ياخود حمار.

دورون اي ادبسيز جماعت دورون

کي، کوودوشا  باسديز حده  بيشمار.

گرك من سيزي ائيله يم تربيت

کي بي تربيتسيز صغار و کبار.

چكيرسيز نييه بورنوزومتصل؟

ائديرسيز پياپي  نييه زار را زار؟

داباني قويون آغزينا منفذين

دئديم بو سؤزو من سيزه چند بار

اوتانماز، ادبسيز حرامزاده لر.

داباني نئچين خلق ائديب کردگار؟

دوشون آرخاز اوسته يئيين اييده ني

ولي ائتمه يين چؤلمه گي بي قرار

نئجه من يئييم بو حدثلي اتي

بئله ات ، ايلاهي ، اولا زهرمار.

سيزه رحم يوخدور بو گون هيچ هيچ

نه قدري ائديرسيز ائدين آه و زار.

بوگون من سيزين باشيزي يارماسام

صاباح ائيله يه رسيز مني شرمسار.

خزان و زمستان وئريب ال اله

وورور باشه بولبول، ائدير ناله خار.

نه دير بو زمستان  ، نه دير بو خزان؟!

 اولايدي جهان کاش هميشه باهار

فقيرين سالار جانينا لرزه قيش

قيشا اعتنا ائيله مه ز مالدار .

دئيين: واي اودونسوزلارين حالينه

اولون سيزده بولبل کيمين اشكبار.

گؤزون بيرجه آچ، باخ اودونسوزلارا

. ائله ياتما ناز ايله، اي مالدار

غني آنلاماز ياي نه دير ، قيش نه دير؟

قيش ائيله ر فقيرين ائوين تار و مار

غني ايله شر ائوده هئي تَر تؤآه ر

يانار پينج  قالخار هوايه بخار

خزان و زمستان وئريب ال اله

يئتيش داده يا صاحب ذوالفقار

بئش آلتي تومن تئز يئتير معجزه

ايلاهي به اسماأ  هشت و چهار.

اوروس آلميري آليني، لؤلؤنو

پولا گئتميري وئرديگين خشكبار

جوانين اولار طاقتي زحمته

ياتانماز سويوق آورسوده اختيار

قيران يوخسا خزننده ، وئر بانكنوت

اودا يوخسا، گؤنده ر منه بير داوار

بونا يوخ دئمه، تئز يئتير من اؤلوم

قاويرما کوپون قويما چوخ انتظار

غنيسن، يئتير، گر کاسيبسان، عبث

آدين قويما دؤولتلي پروردگار

معجز شبستری

*****************************************

سئرچه لره خطاب

بو مؤولري سن اآميسن و يا دده ن حرامزادا؟

حلال اولوب منيم ماليم نه دن سنه حرامزادا؟

همينكي چيخدي گون گلر سپاه سئرچه جنبشه

حرامزادالار بوتون هجوم ائده لله آيشميشه

او آيشميشي من اآميشم يئيه م و ساخلايام قيشا،

مگر بو مؤولرين آؤآون سن اآميسن حرامزادا؟

باهار فصلي وئرميشم ناهارين، عصريانه سين

بئش آلتي فعله توتموشام دوزه لديب ***ل

و هر بيري ايكي قيران آليب، آچيبب آمانه سين

و وئرميشم سويونا هم بئش اون تون حرامزادا؟

قارا داغ آتليسي آيمي هجوم ائده نده فخرييه

يانير اوره ك، آباب اولور، سو ايچيره م چره ك ، سيه

بو ظولمه قارشي بيلميره م، نييه دئميلله مرثيه؟

بو ظولمو خلقه ائتمه دي او شاهسئوه ن حرامزادا؟

شريكسن اگر منه، مثال آل فاطمي،

بير آيه وئر نيشان منه، يئ نصف حاصلاتيمي،

تمامين ائيله مه تلف، زهرلمه حياتيمي،

بوراخ بير آزدا من يئييم، سوموك دهن  حرامزادا؟

نه نذردير، نه وقفدير، نه خمسدور، نه مظلمه،

آي، قاضي بلد آيمي سوار اولورسان اومباما،

اينانميسان گل آند ايچيم مقدسات عالمه،

آي، وئرميشم زيبيل پولون هله دونن حرامزادا؟

گل اولما راضي، اي فلان آي، بوش قالا دهانيميز،

سن آل يوآه ايكي قيران گلنده گر ميانيميز،

اوزوم گتيرسه آندليلر، به حكم قومسيانيميز،

يوآه آلير بير عابّاسي  قاپان چكن حرامزادا؟

او گون آي خلليه گيله  دوشور، شرارت ائيليسن،

سپاه بيشمار ايله خيامي غارت ائيليسن،

سن انگليس تك هر ايشه نئچين دخالت ائيليسن؟

ائده ر فنا قاناديوي پره ن پره ن حرامزادا؟

ائديرلر حمله آيشميشه ، شاهانييه، تبرزه يه،

بير آزدا قوي قالا بيزه، يئييرسن هاميسين نييه؟

زاواللي سالخيمي نئجه سوخوم ميان توربييه؟

اوزوم نئجه، ديري ديري گئيه آفن حرامزادا؟

سيميتقو ديلمقانيدا يئتيردي عرشه ظولمونو،

در آخير ائتدي پهلوي ذليل و پست او هرزه ني،

سنين ده عاقبت آئچر جيدايا باشي، اي دني،

اولارسان آخيري اوخا نشانه سن، حرامزادا؟

نئجه آي، ده لدي حرمله  ، اوخ ايله حلقين اصغرين،

او نوع سن ده ده لميسن بوغازين عسگري لرين،

علاوه مين يارا ووروب او بينوايه خنجرين،

روادير اؤيله خوار اولا، او گول بدن حرامزادا؟

دئ بير گؤروم، نه ائيله ييب سنه زاواللي بزگيلي،

آي، قانيني آخيتميسان مثال شمر هول هولي؟

او ظولمو آي، سن ائيليسن، نه بيج ائده ر، نه بامبيلي،

نه جار آئش، ماسكئش، نه يول آسن حرامزادا؟

آخوند يازدي بير دعا و آلدي مزد يكهزار،

دعادان ائتمه دي حذر ، او فرقث زيانكار،

قويون، دئييلله، آيسه يه، اونون دا خئيلي خرجي وار،

روادي من وئره م بئزه بئش اون تومن حرامزادا؟

نييه ياراتدي بيلميره م، خدا سيچاني، سئرچه ني،

يئيير او يارما، رشته ني، بو آيشميشي، تبرزه ني،

نه قدر دقت ائيليره م، گئنه توتانميرام سني،

آي، آرواشاني، نيزه ني سوخام ........ حرامزادا؟

سيچان دا چوخ ضرر وورار، و ليك نصف ليل تار،

حياليدير او، سئرچث شروردان هزار بار،

او خلوتي گناه ائده ر، نه مثل سئرچه آشكار،

خدادن ايسته رم شيل اول، آور اول، ديلن حرامزادا؟

سيچاني سن ياراتميسان، بلاي خلق بينوا،

و همچنين او سئرچه ني آي، خلقه ائيله سين جفا،

اوويان بويانه باخ، بير آز ياواشجا سؤيله معجزا!

ائشيدسه آوفرون حكم ائده ر، توماني گئن حرامزادا؟

معجز شبستری

*****************************************

اسراف

مسرف  دئيير خاليق بيزه اسراف ائدير بيزدن بتر

وارسا دليليز سؤيله يين ، مسرف دئييل تانري اگر!

يوز رنگده ، يوز تهرده ، يوز طعمده آلما نه دير؟

گيرده، اوزون ، خيردا ، بؤيوك، شيرين و تورش هئيوا نه دير؟

گؤي ، قيرميزي ، ساري قارا ، آلو نه دير ، خورما نه دير؟

وارکن دوشاب و انگبين  ، لازم دئييل کي، نيشكر!

خلق ائيله ييب مين جور قاباق، سووزو ، ساريمساق ، ايسباناق،

آلچا باديمجان  ، يئرکؤکو ، نعنا ، کلم ،فلفل ، سوماق،

بهتاندي بو سؤزلر اگر ، يوم گؤزلرين ، وئرمه قولاق،

دوز سؤیلورم، آغزين نييه کج ائيليسن، اي خيره سر؟

اسراف توخمون اکميسن ، سن باغیدا  ، بستانیدا،

با اينهمه ذم  ائيله سين ، مسرفلري ، قرآنیدا،

يوز نوع قارپيز وار فقط ايرانیدا ، تورانیدا،

ساري ، مدور  قيرميزي ، خوني ، يازيلميش توخمولار.

زردآلوي بسيار سن ، خلق ائيليسن شيرين ، ولو،

حاجي ملك، آغ، سردري ، آجي ، مربا، خان قولو،

سايماق ايله گلمز باشا ، اقسام شفتالو ، هولو...

سايسام قاوين انواعيني دفتر دولار ، جوهر  بيتر.

فاخري ، تبرزه، گؤي اوزوم ، ديزماري ، رازقي ، عسكري ،

الدوستو ، آيشميش ، بزگلي ، شاهاني ، لعلي ، گؤهري ،

انگشت خاتين ، جيغجيغا ، خللي ، ساحابي ، شوشتري،

خلق ائيله ين خاليق دئيه ر اسرافدان ائيله حذر

گرمكلرين با قاعده، چوخ ياخشي يا صاحب کرم!

سندن کوسردي کيم گؤره ك، خلق ائتمه سه ايدين داش کلم؟

تورپ قورومساق دهرده گر اولماسايدي بير درم،

او تلخ و بد بو شئيخدن اولمازدي يئر زير و زبر.

بامييه ، پاخلا ، قارتوپي  ، سيب زمين ، و مرجيمك،

دادسيز و دوزسوز شئي لر لذتليدير ، اما کپك ؟!

نئيلر کيشي پول اولماسا، اي خالق جن و ملك،؟

بازارا گلسه ناگهان، آلچا، گيلاس و گولبه سر

آلاتپه آمرودو چوخ شيتدير، اونو کتدن قوغون

شيريندي لاکين چوخ باها ، خاصه او آمرودو قوغون

بوينو ازوندور غالبا آمرودلارين ، قارني يوغون ،

؟ يارب او قيش آمرودونو ياپدين نييه بس گيرده ور

ايگده ياتدين نوع به نوع، ياخشي پيس، اعلا بس گؤزه ل،

؟ سؤيله، گؤروم علت نه دير بعضي لرين ائتدين کئچل

باداميوين چوخ حنسي وار ، پرهيزآار و بد عمل

بيزدير اوچون ، نيشتر کيم ، باتسا اله مجروح ائده ر.

مسرف دئيلدين سن اگر ، خلق ائتمه يه ايدين پوسته ني

آغزين آچيب واعظ کيمي ، آز قاليري اودسون مني

شام فيستيقين  هر کيم گؤره، مسرف حساب ائيلر سني

حتي آمريكا دا اولان بيدين و کافر ميليونئر!

گردو، جويزو گيرده کن، ... بير تره زي آدي وار،

حتي او قوز حالواسي نين لذتلي خوش بير دادي و ار ،

دازدير قافاسي فينديقين ، بير نانجيب آروادي وار ،

از بسكي وورموش باشينا ، يولموش توکون شام و سحر.

من نئيلره م شاه باليتي ، دادسيز و دوزسوز، بد صفت،

اونسوز مگر کئچمه زدي ايش ، اي مسرف با معرفت؟!

انجيري گؤرسه آل دئيه ر ، مطلق بيزيم عبد الصمت،

سن معرفت هئي خرجه  وئر ، من ده ئييم خون و جگر.

خلق ائيله دين ياغ و پنير ، قاتيق ، يومورتا ، سود ، خاما،

من هانكيسينا پول وئريم ، ائيليم تدارك آخشاما،

ايسته ر اوشاقلار شيربيريش ، رحم ائيله بير گؤز ياشيما

قلبين ده ميردن برکدير ، ائتمه ز سنه نالم اثر.

بزغاله  نين ، گوساله  نين لحمين  بيزه ائتدين حرام،

، بيلديرچينين هم جوجه نين هم کهليگين يا ذالجلال

خلق ائتميسن مين جور باليق ، من ائيليرم سندن سوآل،

. سنسن مي مسرف يا منم؟ اي خالق ميش و بقر

 

بنكي  ، شرابي ، تريه کي ، خلق ائيله ييب سرکاريميز،

سنسن توتون، چاي خاليقي ، يوخدور بونا انكاريميز،

ايماني، ديني ساتماسين ، بس نئيله سين دينداريميز؟

گؤز گؤردوگون ايسر ، سئوه ر اولسا ايچر تاپسا چكر.

 

مسرف دئيلسن سن اگر، بوغدا نه دير، داري نه دير؟

فيروزه و لعل و طلا  ، آلماس و مرواري  نه دير؟

اموات  اوچون، دستار  اوچون، تنظيف  و چلواري  نه دير؟

! تيكسين کفن کرباسد  ، قويسون عمامه تاج سر

 

نفتي ياراتدين باکيدا ، وقتي کي ، فانتان  ائيله دي ،

پيي سوزو  سالدي وقردن  ، شمعداني بد حال ائيله دي،

دهن بزپري  ، زيتونو بالمره پامال ائيله دي.

گرچگ ازه ن  مؤمنلري ايش سيزليك ائتدي دربدر.

 

معجیز شه بیسته رلی

*****************************************

 

گئنه واردير

بو دلبر صد ساله ده  حالت گئنه واردير،

گيسوي سفيدينده  طراوت  گئنه واردير.

حالا گزيري مرغ خيالي  آرالاردا،

گول غنچه لبينده  او لطافت  گئنه واردير.

گرچه تؤکولوب ديشلري، ميمونا دؤنوبدور،

اما يئريشينده او نزاکت  گئنه واردير.

تغيير تاپار حالتيميز، عادتيميز يوخ،

حمامدا، مسجدده کثافت گئنه واردير.

گز چمچه آوناني ، ليواني  ، کوزه کناني،

قابلاردا، قاشيقلاردا، بدايت گئنه واردير.

قرآن اوخوماق، بئز توخوماق،کوفته پيشيرمك،

اولكي ترقي، او تجارت گئنه واردير.

گرچه چوخاليبدير پينه چي، فالچي، ديلنچي،

آمما نه دئييم، کشف و کرامت گئنه واردير.

ائيلردي ازه ل خسته و سيسقا ، قوجا، جاهيل،

هر آي باشي بير دفعه حجامت گئنه واردير.

هر درده دوا گؤيزيره ، جوشنده  ، ايماله،

شوکر ائيله خدايه، او طبابت گئنه واردير.

هر ائوده بئش آلتي باشي داز قيز، کئچل اوغلان

حمامدا فرياد و قيامت گئنه واردير.

مايلدي کفن گئيمگه، باش يارماغا قارداش،

حمد ائيله رم آللاها  ، او عادت گئنه واردير.

شالوار گئيه لي هر برکت گئتدي دئييرلر،

شوکر ائيله باجي، گئيمه ين آرواد گئنه واردير.

کيمدير کي، دئيير گئتميري عورت نوغا ايندي

شوکر ائيله باجي گئتمه ين آرواد گئنه واردير.

آغ، چاق قيچي آللاه ياراديب بنده سي گؤرسون،

گئت آهريزه  بير باخ، او رذالت گئنه واردير.

ايام محرمده قديم جرگه گئدرديك،

ترك اولدو، ولي اؤزگه جنايت گئنه واردير.

کؤهنه دي دئسه م سؤزلريميز، مسجده گئتديم

غصه ائله مه، تازه روايت گئنه واردير.

يوخدور تازا سؤز، بيلمه لي سن مرثيه خواندا،

معلوم اولونان وحي  و رسالت  گئنه واردير.

رمالدا، درويشده، ايلانچيلاريميزدا،

تاثير نفس،کشف و کرامت گئنه واردير.

ترك اولدو شبسترده فقط دسته شاخسئي،

تبريزده ارباب شجاعت گئنه واردير.

معجز ! دئمه ديم من سنه بو سؤزلري يازما؟!

اول واريدي سنده سفاهت  ، گئنه واردير.

معجز شبستری

*****************************************

احوال پريشانيميز

گل، گل، اي ماه عزا  آلبه ي احزانيميزا!

قوغزا زنجيريوي وور پيكر عريانيميزا.

العجل  گل گونئيستانا، ايا شمر دني،

آي قويوب بيع عصاني و عباني و دوني،

من اؤلوم يولدا يوبانما آي، بيتيدير اودونو،

گؤز ديكيب مرثيه خوان آيسه ي احسانيميزا.

غم و غصه دولانير باشينا پروانه صفت.

، نه آؤمورلوآده آؤمور قالدي، نه گوودوشدا دا ات

، بوشلولار  ذاآر شبگاهين  ائده ر نسليني قطع

حرمله  قويماسا بير ايل قدم ايوانيميزا.

آز قالير ماه محرم  گله، حاضيرلا سؤزو،

قويما راحت ياتا خلقين الي، باشي و گؤزو،

"آغري" داغي  آيمي تيتره ت در و ديواريميزي،

دهنين آچ  ، علي جان  ، ولوله سال جانيميزا.

بير شبسترلي دئييل آشته ي شمشير دوخان.

يانير هم بو اود ايله خلق بينيس  ، هم چنوان،

بير قيران مصرفي وار هر گون، اي اهل وايقان،

سالار آخر بو توتون رخنه لر ايمانيميزا.

ميرزا غفار  اوخومور مرثيه حالا آي نه دن؟

برگ سبزين سيتمي  آزدي مگر حرمله دن؟

قويما سيگارا چكه نم، بوغا بيچارا ده ده ن،

آي، اودا باعث اولا ناله و افغانيميزا.

ساقييا! مومكون اولا، ائيله مني چاي ايله مست،

چونكي چاي ايچمه سه، مرحوم اولو سموار پرست،

قورخورام سنگ ستم ائيله يه قنداني شكست،

عوض چاي "پپوو" غم گيره چايدانيميزا.

مال بزاز  باهادير، نه گئيه ك اگنيميزه،

گئت شرفخانه يه ، قارداش، اؤزوو آت دنيزه،

اي مسلمان، نييه سن ائيله ميسن رحم بيزه؟

آافر آغلير بيزيم احوال پريشانيميزا.

روس آيبريتينه پول وئرمه، ايا غنچه دهان،

خومنا  آيبريتيني توت آتشه ، ياندير جيغالان،

تنگه دوشسه نفسين، سؤيله مه آبريته يامان،

آي، بئش اون مين ايل ائديب خدمت ايرانيميزا.

انتخاب ائيله ميشيك مجلس شورايا وآيل،

آي، بيزي ائيله يه آسوده به قانون جميل،

قورخورام من، دئميره م، سن يئتير، اي ربّ جليل

معجزين چكديگي محنتلري  اعيانيميزا.

 

معجز شبستری

*****************************************

مني

ماه مبارك  گئنه ائتدي پريشان مني

سالدي نظردن عجب چاي ايله قليان مني

گوللر آچيب دلبريم، فصل باهار اولدو گل

اي صنم  مه لقا  وقت نهار اولدو گل.

جين ييغيشير باشيما، حوصله دار اولدو گل

قورخورام آخير بو گون توولويا شيطان مني.

دوردوم اوباشدان چاغي، خيلي کسالتله من

تا شكمي ساز ائدم، چاي ايله هم اتله من.

قاينادي سو، دمله ديم چايداني زحمتله من

چيخدي مؤذن داما، ائيله دي نالان مني.

سسله ديم، اي حرمله! کس سسيوي قوي گؤراخ،

دمله ميشم چايداني خرجيم اولوب بير قالاق.

لال اولاسان اي کيشي ، کار اولاسان اي قولاق،

ائيله ديز آلمان کيمي، قانيما غلطان مني.

مير غضب تك دوروب، چايداني ووردوم داشا

عورت آييلدي ، دئدي : اي کيشي جان! چوخ ياشا.

چوخلو خجلت چكيب يورغاني چكديم باشا

ائيله دي غرق عرق  ، ثقلت  مني.

سوز عطش  يانديرير قلب ائويني بال کيمي

قامت شمشاديمي  آجليق ائديب دال کيمي.

سفره ده ياغلي چؤچه، من باخيرام مال کيمي

آز قالير افطار ائده م، قويمايين اوغلان مني.

محتسبِ بي حيا  باغلادي ميخانه ني

مئيل ائدير اما اؤزو هر گئجه پيمانه ني

قوي يئره شيطان کيشي ، سبحه ي صد دانه ني

دانه تزوير ايله  توغلاما، بئيمان مني.

موللا بير آيدير دئيير مسئله حيضدن

قان تؤکولور مجلسه لسنه خونريزدن

حيف کي، آجليق بوگون قويدو مني فيضدن

شيل اولاسان اي کيشي، سالدين آياقدان مني.

وقت سحر بولدان  ، عصر مني دن دئيير،

مسئله چون ختم اولور، شمر دني ده دئيير

هرزاد عملدن چيخار ، جين و پريدن دئيير

قاشقاباغين تورشادير، تا ائده گريان مني.

ساتدي دونه ن جنتي، ساققالي يووشانلارا

حوريلرين جمله سي، کله سي عريانلارا

قالمادي جنتده يئر، بيگلريله خانلارا

شوکر خداونديمه، ائيله مه دي خان مني.

شرع شريفه خلل، مرد مسقل وئره ر

معجزه باخ، گؤر نئجه ساققالا صيقل وئره ر.

ياخشي تانير خخ سني، بسدي بالا ال وئره ر

يوخسا گمان ائيليریس، خخ کيمي حيوان مني؟!

 

معجز شبسترلی

*****************************************

عزراييل

آرزو ائيله ديگيم شئيلره اولدوم ناييل،

ايندي راحت وئره رم جاني، گل آل عزراييل.

نئچه ايل ايشله دي نوودان باشيما بو آندده،

ايت ايله قول بويون اولدوم گئجه لر ظلمتده،

ايچدي زهر اجلي  ، قالمادي طاقت ايتده،

ايندي راحت وئره رم جاني، گل آل عزراييل.

ياندي هر ياندا چيراق، اولدو گؤزوم نوراني،

آومسيون  غيظه گليب  سالدي يئره نووداني،

آچدي ميخانه  ، ايچيب تازه له ديم ايماني،

ايندي راحت وئره رم جاني، گل آل عزراييل.ل

آچ گوزون بير نظر ائت مدرسث نسوانه،

گؤر نئجه نامه يازير قيزلاريميز هر يانه،

وئر خبر مرده شورا  ، روضه خوانه ، گورآانه،

ايندي راحت وئره رم جاني، گل آل عزراييل.

سنگ فرش ائيله دي بازاري بئش آلتي معمار،

هم ايشيقلاندي او مرحوم قارانليق بازار،

ياتدي ايرانلي يوز ايل، اولدو نهايت بيدار،

ايندي راحت وئره رم جاني، گل آل عزراييل.

بلدييه دايانيب فييل آيمي بير وئردي تكان،

سكيلر دوشدو يئره، اوچدو گؤيه سقف دآان،

اؤلولر ائيله دي هم چئرگيزييه نقل مكان،

ايندي راحت وئره رم جاني، گل آل عزراييل.

قيش گلير تيكديريري بوللو لباس فاخير،

وارلي ساققالي قويور، يوخسول بيچاره باخير،

اؤلمه ديم آخر چرشنبه ني گؤردوم آخير،

ايندي راحت وئره رم جاني، گل آل عزراييل.

ساعت نحسده هرگيز سفر ائتمه ز ملت،

نه توي ائيله ر و نه آستار آؤبه مؤمن ملت،

قمر عقربده دگيل ، خوشدو بو گونلر ساعت،

ايندي راحت وئره رم جاني، گل آل عزراييل.

عيد نوروز گلر خوشدل ائده ر بزازي،

ار فقير اولسا، بوغار غصه و غم گولنازي،

چيت باهادير، خانيمي من نئجه ائيليم راضي،

ايندي راحت وئره رم جاني، گل آل عزراييل.

وئردي بير مصده بو گون ملته شيخ فاضل،

دئدي: جنتده نه چاي واردي، نه مشد اسماعيل،

قلبدن چاي، جيغالا غصه دن اولدو زاييل،

ايندي راحت وئره رم جاني، گل آل عزراييل.

اولدو جمع قيزلاريميز مدرسه نسوانا،

قلم آلدي الينه نامه يازير هر يانا،

آرزو قالمادي قلبيمده، قسم بو جانا،

ايندي راحت وئره رم جاني، گل آل عزراييل.

معجزين سين شريفي اولوب آلتميشدان چوخ،

يوز مين ايلده ياشاسا، عاقبتي يوخدور ، يوخ،

يئميشم يئددي لويني، پيلاوي، قارنيم توخ،

ايندي راحت وئره رم جاني، گل آل عزراييل

 

معجز شبستری

*****************************************

بايرام گونو

بايرام گونو دوشابي تؤکنده پياله يه،

قورخوم بودور يوغوردو اوشاقلار يارالييه.

دولماي زردي ائيله زيارت کناردن،

اما فقط توخونما مربّاي آلييه.

بالنگ و پوسته خونچادا زينتدير، اي عمي! ؟

وجهي نه دير هجوم ائديسن اول سلالييه

مين زحمت ايله اول قارا دولما گليب اله،

ياران، بوراخين اونو، يوخسول يارالييه

بوشقابِ فيرنييه  ائله کج باخما، بي حيا،

يوم گؤزلرين کي، مرغ ديليم  گلدي نالييه.

خلق ائيله ييب او بالي، تماشا اوچون خدا،

خلق ائتمه ييب کي، خلق يئيه، يا کي يالييه.

پونزاسين  آلميشام خامانين اوچ قيرانا من،

بير قدري ساخلايين من باشي  بلالييه.

قويسون يئره هميشه گرك سجده گاهيني،

هر کس جهاندا ائيله ييب عادت ايمالييه.

گل بير اؤپوم او لعل لبِ آبداردن،

اي مهربان، چكيل قاباغا، قاچما دالييه.

يارب  ، جهاندا وارميدي بوندان عزيز شئي،

معشوق ناز ائده، قاچا، عاشيق قوغالييه؟

قاچسا نيگار، گلمه ز اله، سن ده قاچ، يئتير،

توت قوللارين، باس آلتيوا، قويما چابالييه.

معجر خدادن ايستيري بير خلوتي اوتاق،

تا سنله خلوت ايشلريني بير تازالييه

پستان ياري وئردي نيشان چون صبا منه،

باخديم، دئديم کي، هذا جنات عالييه.

ياري، او گؤرمه ميش، ائله بير باسدي باغرينا،

گويا کي، ماللا مؤهرونو باسدي قبالييه.

وئرميش جلا جماليوه نقاش ذوالجلال،

حاجت نه دير موشاتا جمالين جلالييه.

ائتميش سپاه عشق صدف ديشلرين سنين،

بنزه ر نه چوخ دهان لطيفين آلالييه

استانبولو وداع ائله، تئز گل، عمواوغلو جان،

بحر سياهي  قورخورام آلمان مينالييه.

قديم اولوب خميده چوخور خاندا ،عمقيزي،

گللم اورا، اگر گئده بيلسم جبالليه.

سن شريفي چون کيشي نين گلدي اللييه،

لازيمدي بيغ و ساققالين هر گون حنالييه.

بورجون دوشنده ياديما حاليم خراب اولور،

سيري اودور آي، ضب باسيرام هئي جيغالييه.

ملك گونئيده يوخدو سنه مثل، معجزا،

کيمدير يازا نظيره بو شيرين مقالييه

٦/شمسي / ١٢٩٦ قمري ١٣٣٦

 

معجز شبستری

*****************************************

بيلمه ديم

بنده ني عفو ائيله يه ملت گرك،

معبده ميخانه دئديم، بيلمه ديم.

باشيني ديواره ووروب سينديران،

 عاقيله ديوانه دئديم، بيلمه ديم.

***

من نه بيليم قارغا خوش آواز ايميش،

 بايقوشا بايقوش دئمك اولماز ايميش،

تلخ ايدي اوقات شريفيم بير آز،

 بايقوش او حيوانه دئديم، بيلمه ديم.

***

گؤردو فيلانكس يوخودا بير گئجه،

قول بويون اولموش ياتيري حور ايله،

سرخوش ايديم شيرث انگور ايله،

 اويقويا افسانه دئديم، بيلمه ديم.

***

اون ايكي آي آغلاميشيق متّصل،

 بو گئجه بايرامدي، آيشي، آزجا گول،

بندث بي تجربه و آم عاغيل،

 بو سؤزو نادانه دئديم ، بيلمه ديم.

***

بيس، بيس ايله باشيمي دنگ ائيله دي،

 سوره الحمد ايله  جنگ ائيله دي،

آس سسين، اي رشوه يئيه ن مشهدي،

 عاميل ديوانه دئديم ، بيلمه ديم.

***

بيغ و ساقال صحبتين الدن سالين،

ائيله مه يين ذم  او قيزيل ديشلري.

عصريميزه لازيم اولان ايشلري،

 اؤرگدين اوغلانه دئديم، بيلمه ديم.

***

دشمن دين گؤيده گزير، قوش دئييل،

 معبدي ويران ائده جكدير، اگيل.

آس سسيوي، باشيوا بير چاره قيل،

 قاري قرآنه دئديم ، بيلمه ديم.

***

گؤرجك الينده غزئته جعفرين،

 رنگي پوزولدو، سيريغي بيرتلاري،

غيظه گليب بومب آيمي پارتلادي،

 آغزينا قورخانه دئديم، بيلمه ديم.

***

ويرز و وبالي ، گناهي بوينوما،

 مشدي جانيم! وئر پولووو آجلارا،

پئيكري عريانلارا ، محتاجلارا،

 گئتمه خراسانه دئديم، بيلمه ديم.

***

حاجي داداش، سالما اؤزون زحمته،

 وئر او پولو ملتِ بي دولته،

آافير اگر بورج وئره ملته،

 بند اولار ايرانه دئديم ، بيلمه ديم.

***

اويموش عجب غفلته ايرانليلار،

 چورت وورور، صبح و مسا يوخلايار،

من ائله بيلديم آي، او سير ساخلايار،

 سيريمي غليانه دئديم، بيلمه ديم.

***

آتدي الين قائمه خنجره،

 دوردو بئش اون ووردو من مضطره،

من ائله بيلديم آي، او سؤز ياخشيدير،

 ياتما مسلمانه دئديم بيلمه ديم.

***

دوستا دئيه ر دوست خطاياتيني،

 تا ائده اصلاح عيوباتيني،

دين و وطن دشمني ظن ائيله ديم،

 معجزه بيگانه دئديم بيلمه ديم.

***

سرخودودوم شيرث انگور ايله،

 معجزي گؤردوم دولانير حور ايله،

وئرمه ز اؤپوش حور سنه زور ايله،

 عاشيق نالانه دئديم، بيلمه ديم.

معجز شبستری

*****************************************

پيشيگه خطاب

مين غصه سي بير بنادمين  وار، اي گربه سنين ده بيرغمين وار؟!

خلاق جهان مثال آيشميش، انداميوا بير لباس بيچميش

نه خوابي گئده ر ، نه رنگي بير آز يوز ايل قوي اونو گونشده سولماز.

حيران اونا لاله و بنفشه هئچ فرشده يوخدور ائيله نقشه.ل

مانند حرير خامدير او به به نه گؤزه ل لباسدير او.لل

مثلين توخويانماز اهل صنعت فيكر ائيله سه تا الي قيامت.

لايقدير او سن نه قدر اؤيسن آهنلمه ز او اللي ايلده گئيسن.

اما بو باشي بلالي انسان آهنه لدر هر ايل بئش آلتي تومان.

چون چيرك اولو گون به گون ياخاسي فورا گلي  بيت باسار لباسي.

آهريزه سفر ائده ر تكذبان، بير پونزا  صابون ازر تكذبان.

چون قالخدي گؤيه دؤيج، قاييتدي پالتونون ائوي ييخيلدي گئتدي.

هم دوستو يامار جورابي هرگون رنكي سارالار بئش آيدا بؤرآون.

مين غصه سي بير بنادمين وار اي گربه  سنين ده بير غمين وار.

هر ايل نئچه قيز نكاه ائديرسن، دامدا گئجه ني صاباح ائديرسن.

نه صيغث عقد  اوخوتدورورسان، نه مولايا آله قند وئريرسن.

نه چاديرا، نه حنا ، نه باشماق نه شام، نه ناهار، نه پارچا ياشماق.

بزازدان آلميسان آياقليق  قايناتايا ائتميسن قوناقليق.

آستار آوپه سيز زفاف ائديرسن هئچ آس ده دئمه ز خلاف ائديرسن.

نه چاي وئريرسن، نه ات تويوندا ميرنوو تپه سن فقط تويوندا.

بيلمم نئجه ائيله دين دوگون  سن درويشي ده بير گتيرمه دين سن.

نه قنبره نئي پاراسي وئردين نه قاسيما ساز آيراسي وئردين.

نه آرواديوا آبين ساليرسان، نه باجيوا توي پايي آليرسان.

توي موفته، عروس موفته اوورش من آورسويه اود تؤآوم سن اگلش.

اوچ آي قيشي آورسوده ياتيرسان نه سئرچه و نه سيچان توتورسان.

بورجلو تانيدي منيم ياخامي سن موفته يئدين ناهار و شامي.

با اينهمه احترام و قوللوق، اي بي شرف ائيليسن اوغورلوق؟

نه حق تانيسان و نه پيامبر، نه ماللا، نه مسجد و نه منبر.

قوللاريوي گاه چيرماليرسان، آدم آيمي دستاماز آليرسان.

آما سني مسجده گئده نده، يا سجده و يا رآوع ائده نده.

من گؤرمه ميشم،گؤره ن ده يوخدور، الحاصل مذهبين هولوقدور.

اي گربث بختور ، ولاآين، اولسان بو سنه بو ائوده ساآن،

فقر آتشينه دوشوب يانارسان معجز اودون آلماييب، دونارسان.

تاريخ: آذر ماه ١٣١٠

معجز شبستری

*****************************************

بوشلا گئده

آيشي سنه يازيرام من فيلاني بوشلا گئده،

وفاسي يوخدو جهانين، جهاني بوشلا گئده.

روادي سن ياتاسان دلبر ايله، من يالقيز؟!

به مرگ بنده ، او ماملي ماتاني بوشلا گئده.

دئيين تؤآولدو، آغاردي ساچين و ساققالين،

داها بَسيندير عم اوغلو، زناني بوشلا گئده.

قومارا وئرمه خيالين، باشان دؤنوم، تئز گل،

سني خدا  او پاچاني ماچاني بوشلا گئده.

او وقتده آي، بو نامه اولور سنه واصل،

دوآاني سات، نيسييه ن ييغ، اوداني ٤ بوشلا گئده .

ترابوزان يولو يكباره داغدي، داشدي، دره،

گلنده روسيه دن گل، اوراني بوشلا گئده.

ائله آي وارد اولورسان حدود ايرانه،

ليوانتاني  ، صابونو، اوستوراني  بوشلا گئده.

بيريسي گر ياپيشا ائششگين پالانيندان،

اليوي قوي گؤزون اوسته، پالاني بوشلا گئده.

گتيرديگين قيراواتي  بغلده پنهان ائت،

بيغين قاباغيني وور، مرحباني بوشلا گئده.

گيرنده خزنه ي حمامه گؤزلرين دؤرد آچ،

آياغينا توخونان قورباغاني بوشلا گئده.

صمد عمي آيمي گورآان سوخار مزارا سني،

قاوالي، دنبكي، سازي، آماني بوشلا گئده.

سلامين آلماسا ماللا، قارا گونون قابلا،

اوزووو قيرخماسا دللك، ياماني بوشلا گئده.

وورالا پئيسريوه، هم گؤزون اوياللا سنين

باشيوي سال آشاغي ، ادعاني بوشلا گئده.

مباشير ايسته سه، مرحوم آتان سرانه سيني

آيسه ن باغين تئز آچ، اون بئش قيراني بوشلا گئده.

مريض اولاندا باشين، يا ديشين و يا قارنين،

دعا نويسه پولون وئر، داواني بوشلا گئده.

دئمه بو باغ منيمدير و گردآان آغاجي،

آغاج سنيندي ، ولي گردآاني بوشلا گئده.

ايچينده هر نه آي وار، اوغرولار ائدر قسمت،

فقط هاواسي سنيندير ، هاواني بوشلا گئده.

قويارلار آديوي بابي، چكلله داره سني،

دانيشما، دينمه گده، آؤشكراني  بوشلا گئده.

چكيل آناره، الين چك او پاك دامندن،

زيارته گئدير اوغلان، آغاني بوشلا گئده

امامدير سنه شافع  ، امامدير سنه يار،

توسل ائيله امامه ، خداني بوشلا گئده.

گؤزونده قالمادي ياش، قورخورام چيخا جانين،

گؤزووو سيل بالا ، آه و فغاني بوشلا گئده.

نقدر ظلم ائديسن ائيله خلقه، من دئييره م،

فقط نه پ.... يئييسن ، يئ، رباني بوشلا گئده.

جفنگياتِ "سليمان نظيفه" وئرمه قولاق

يالانچي باشيدير او ، بي حياني بوشلا گئده.

ائشيتميشم آي، يازير: آورد آلدي تبريزي،

او بي مروته سؤيله يالاني بوشلا گئده.

نه اورمو قالدي، نه ديلمان، نه جهر الينده اونون،

او باشي داشلي سيميتقو آقاني بوشلا گئده.

هزار بار دئديم من اونا، اي اسماعيل،

عيزوغو، ميرزوغو، سيد طاهاني بوشلا گئده.

، عمر  رآابيني اؤپدو رئيس قازاقين

عؤمورده يوخدو وفا، بيوفاني بوشلا گئده.

، نوچايا" قاچ، نه "وانا"، نه "باش قالايا"  » دئديم: نه

گه گير توپ آلتينا  ، بوش ادعاني بوشلا گئده.

سويوق دوشر ياشايا بيلمه سن بياباندا،

گئچن آئچيبدي، مضي ما مضاني بوشلا گئده.

حمايت ائيله مز اآراده تورك، من بيليرم،

گووه نمه تورآه، او آامل پاشاني بوشلا گئده.

گتيرمه ينده گتيرمه ز، ياتاندا بخت، ياتار،

آييتما، قوي ياتا بختي، قاراني بوشلا گئده.

قافاسي بوشدور او آهنه شهرلي تيمورون

وار ارشدي ، او اوزون نردواني بوشلا گئده.

دئديم: بلالي جهاندير او انگليس اي دوست،

بلايه سالما اؤزون ، گل بلاني بوشلا گئده.

اگر دئييم من اونا: آوروپا بسيندي سنين،

آي انگليس، من اؤلوم ، آسياني بوشلا گئده.

او دا منه دئيه جك: قوي داداش قامان قينينا،

باشين داغيتما ، سر بينواني بوشلا گئده.

گئجه آئچيبدي، دور يات، دامدا اوغرو وار، اوشودو،

چيراغي باس آشاغي ، داستاني بوشلا گئده.

بو گئجه نوبه سنيندير، يقينا اي معجز!،

ناغاني قوي باشين آلتدا، دعاني بوشلا گئده

معجز شبستری

*****************************************

 

اي ويلهلم!

گئتدي الدن هر نه وارسا مال ملك  ، اي ويلهلم

قالمادي ائوده مگر قلبير، الك، اي ويلهلم.

بينوا مخلوقا بير دامجي ياغيش ياغديرميري،

ظلم و جوروندن سنين چرخ و فلك، اي ويلهلم.

قيمت بوغدا ترقي ائيله دي گوندن گونه،

سگيز عبّاسي  توتور سگيز چؤره ك، اي ويلهلم.

ديش دايانماز قارشيسيندا، چونكي هر بير باتمانين

داش و آسك وار ايچينده بير چره ك  ، اي ويلهلم.

بو قدر قان ائيله دين بسدير، آفايتدير بالام،

ال وئره ر  ، شيتلنمه، آز قدارا چك، اي ويلهلم.

گون اوزون، آلفت اوروج، دويماج ايله آئچمير عمل،

ريزه آوفته، هم آباب ايستير اوره ك، اي ويلهلم.

معجز بختي قارانين هرنه گلسه باشينا،

هاميسي سندندي، لعن الله لك  ، اي ويلهلم.

بير سورو خيردا اوشاق وار ائوده، عريان، لات و لوت،

قدرتيم چاتمير آلام بير توپ قدك ، اي ويلهلم.

طفل معصومو  قوجاغيمدا آپارديم بزازا،

وئرمه دي بر اؤنلوك ايله بير لچك  ، اي ويلهلم.

بير قپيك  بورج وئرمير استانبولچويا تفليس چيلر،

اسكناس وار هر بيرينده بير اتَك، اي ويلهلم.

باغيميز، بوستانيميز اود توتدو، ياندي سهلدير،

وارليلار بير شربه سو  وئرمير ايچك، اي ويلهلم.

مرحمت آثاري يوخ دولتلي لرده مو قدر،

وارليدان ممكن دئييل پول ايسته مك، اي ويلهلم.

سو ايچينده لعنت ائيلر شمره بو تاجيرلري،

اؤزلري ظلم ائيليري اوندان قشنگ، اي ويلهلم.

قالب بي روحه بنزه ر  بي مروت اغنيا،

خلقي شيرين آام ائده رمي  بوش پتك؟ اي ويلهلم.

صلح باش توتمور، ايشين راست گئتمه يير آيا نه دن؟

حق يانيندا بير گناهين وار دئمك، اي ويلهلم.

بلكه اوغلان قيخديريرسان ساققالي، اونداندي بو؟

چونكي، ائتمه ز فاسيقا  آللاه آمك، اي ويلهلم.

تون به تون ، ساققالي قيخديرماق ظرافتدير مگر؟

هر توآوندن ساللانير مين ملك، اي ويلهلم.

گل گناهين توبه ائيله، آچ يولون استانبولون،

رحم ائله، الدن گئدير دام و ديره ك، اي ويلهلم.

نه باغيمدا بير اريك وار، نه جيبيمده بير قپيك،

ماليات ايسته ر مباشير، نئيلمه يك، اي ويلهلم.

پول وصول اولماز بو ايل ديوانا ، مندن بير شاهي،

وورسالار لوت جانيما يوز يوز آؤتك، اي ويلهلم.

بو اوروجلوقدا خيلاص اولدوق داداش بگدن عجب،

گتدي  بيلدير باشيما يوز مين آلك، اي ويلهلم.

پايدار اولسون جهان ايچره دموآرات فرقه سي،

تا نه قدري واردي دريادا نمك، اي ويلهلم.

آچ يولون استانبولون، رحم ائيله آللاه عشقينه،

خلقله اگلنمه چوخ، بسدير هنك اي ويلهلم.

بورج وئره ن يوخ، قوتيم يوخ ايشله ييم، بس نئيله ييم؟

قند وچاي لازيمدي، هم نان و نمك، اي ويلهلم.

من حاجي زاده نئجه باتمان بئلي شيشليم يئره؟

قولوما لازيمدي بير قالين بيلك، اي ويلهلم.

شعر يازماقدان عبارت بير متاعيم وار منيم؟

اونا دا ايرانلي وئرمه زبير قپيك، اي ويلهلم.

بير بيرينه چالخاديز جمله جهاني هر بيريز

باشيزا ييغديز بئش اون مين بيج، دبنگ، اي ويلهلم.

آي بالام! ال چكميسيز خلقين ياخاسيندان نييه؟

سن بيج اوغلو بيج، حرامزاده فرنگ، اي ويلهلم.

بير گون ائيلر ظالمي ظلم الهي دستگير،

باخ اگر بينادي  سنده مردمك  ، اي ويلهلم.

نيقولا  ظلم ائيله دي، بولدو  جزاسين عاقبت،

گؤر نئجه زنداندا قالميش  چار چك  ، اي ويلهلم.

تورآله روسو باريشدير، انگليسي آت گئده

او قبول ائتمه زسه، في النار و درك  ، اي ويلهلم.

تختيوي تابوت ائدر بير گون سنين ده روزگار،

آيمسه يه رحم ائيله مز ظالم فلك، اي ويلهلم.

قيزلارين، اوغلانلارين بوغسون، گؤروم، خيرنك سنين

يا آپارسين هاميسين بيردن چيچك، اي ويلهلم.

معجز هر وقت جيبلرين يوخلار، گؤره ر بوش، دامجيلار،

گؤزلريندن ياش بسان مرجمك ، اي ويلهلم.

 

معجز شبستری

*****************************************