|
آپاردیلار گولومی - ائیله دیله ر ظولومی- نه قویدولار دانیشام - نه کسدیله ر دیلیمی
|
Qulsğ asın yenə söyləyim ellər
Bu şanlı ölkənin səaadətinndən
Sizə kahın kimi verim xoş xəbər
Rəşid oğulların rişadətindən
Qərnlər boyu bu yurd bu toprağ
Çox bəlalər çəkib zaalim əlindən
Zülmün pəncəsində olub oyunçax
Sızıldamış yazıx naümüd vətən
Nəhaayət bu vətən bir uca səslə
Çağırır dadına növcavanları
Onun dövrəsinə böyük həvəslən
Toplandı təbrizin qəhrəmanları
Dedilər haqqını qoymarux bata
Düşdülər iyidlər döyüş məşqinə
Qılıncı bağlayıb mindilər ata
Azadlıq eşqinə vətən eşqinə
Səf – səf dayandılar müqabilində
Na omid ananın mərd oğulları
Intiqam kəlməsi əzbər dilində
Tapıldı millətin böyük səedarı
Məhəbbətlə vətən baxdı sərdara
Gördü şücaəətlı pəhləvandır o
Bildi heç zaman o düşməz dara
Çün ki cisarətli qəhrəmandır o
Söylədi gəl oğul yapış əlimdən
Gözümün yaşını sil ətəyinlə
Çalış zülmkardan xilas olum mən
Sevinsin ürəyim şad ürəyinlə
Eşidcək bu sözü qeyrətli sərdar
Başında tükıəri durdu biz kimi
Dünya gözlərində oldu tirə tar
Coşdu dalğalanmış bir dəniz kimi
Söylədi ey ana ey böyük vətən
əlində əsləhə dilimdə ismin
gəldim imdadına şücaaətlə mən
gözlərimdə qəzəb ürəyimdə kin
qoç kimi iyidlər girdi meydana
müstəbid sultana etdilər qiyam
məşrutə aldılar butun IRANa
xainə işrəti etdilər haram
vətənin sevməli iş bilən oğlu
SƏTTARXAN deyilən naamuslu oğlu
zalimin üzünə bağlayıb yolu
sultanın qəlbini etdi daağdar
bu gün ey vətənin rəşid elləri
o taarixdən keçir indi qırxbeş il
bizim xalqımızın iyidlikləri
günəş tək bulutda gizlənən deyil
ğalib gəlmiyəcək bilin xeyrə şər
bizə birliyimiz verəcək nicat
var olsun həqiqət var olsun bəşər
var olsun azadlıq var olsun həyat
yazan-məhəmməd biriya
من نه دئييرم
من دئييرم ظولمکاردان آازاد اولسون وطنيم
پوزولماسين خزان وورموش باغلار کيمي گولشه نيم
آنا توپراغ قونچالانسين گول چيچکلر سئوينسين
سولقون اوزلر ياشلي گؤزلر پاک اوره کله ر سئوينسين
من دئييرم اؤلکه ميزین يانسين علمين چيراغي
هميشه ليک سؤندوروولسون جهالتين چيراغي
هه ر طرفده مدنيت سارايلاري تيکيلسين
خيياوانلار گئنيشلنسين تيراموالار چکيلسين
من دئييرم ايسارت ده ن خيلاص اولسون ائليميز
بوندان آرتيغ ظاليملره باغلانماسين بئليميز
ايستعمارا قارشي دورسون رنجبرلر اوردوسو
اکينجيلر زحمتکئشلر کارگرلر اوردوسو
من دئييرم ديکتاتورلوق ابديليک چوروسون
آزادليغين گؤزل نوورو هر طرفي بوروسون
حریت ين کلمه سييله شؤهرت تاپسين آديميز
بيز اؤلسکده سعادتله ياشاسين ائولاديميز
من دئييرم يوردوموزا کج باخانلار يوخ اولسون
بؤهتان دئييب آديميزا شر ياخانلار يوخ اولسون
خالقيميزين ايگيدلييي دوشسون ديلدن ديللره
عمللري يادگار تک قاسين ائلدن ائللره
من دئييرم آذربايجان قهرمانلار يوردودور
شوجاتلي باغيرخانلار ستتارخانلار يوردودور
بؤيوک قاجار شاهلاريني يولا سالميش بو ديار
اونون هر بير قارشيسيندا اجداديمين حاقي وار
محمد بيريا
Mən nə deyirəm
Mən deyirəm zülmkardan aazad olsun vətənim
Pozulmasın xəzan vurmuş bağlar kimi gülşənim
Ana toprağ qonçalansın gül çiçəklər sevinsin
solqun üzlər yaşlı gözlər paak ürəklər sevinsin
Mən deyirəm ölkemizde yansın elmin çırağı
Hemişelik söndürülsün cihaletin ocağı
Her tərəfdə mədəniyyət sarayları tikilsin
Xiyavanlar genişlənsin tıramvalar çəkilsin
Mən deyirəm isaretden xilas olsun elimiz
Bundan artığ zalimlərə bağlanmasın belimiz
Isteemara qarşı dursun rəncbərlər ordusu
əkincilər zəhmətkeşlər kargərlər ordusu
Mən deyirəm diktatorluq əbədilik çurusun
Aazadlığın gözəl nuuru hər tərəfi bürüsün
Hürrüyətin kəlməsiylə şöhrət tapsın adımız
Biz ölsəkdə səaadətlə yaşasın evladımız
Mən deyirəm yurdumuza kəc baxanlar yox olsun
Böhtan deyib adımıza şər yaxanlar yox olsun
Xalqımızın iyidlıyi düşsun dildən dillərə
əməlləri yadgar tək qalsın eldən ellərə
Mən deyirəm azərbaycan qəhrəmanlar yurdudur
Şücaəətli BAĞIRXANlar SƏTTARXANlar yurdudur
Böyük QACAR şahlarını yola salmış bu diyar
Onun hər bir qarşısında əcdadımın haqqı var
MƏHƏMMƏD BIRIYA
بختيار وطنيم
هر زامان آرزيم بودور بير لاله زار اولسون وطن
لاله لر گولله ر آچيلسين خوش دييار اولسون وطن
آزريستان اؤلکه سي ظولمييله چوخ تالان اولوب
ايسترم آابادليغين تا پايدار اولسون وطن
اتحاد ائتمک گه ره کدير بو وطن اوغروندا بيز
محو ائده ک ظاليملري تا بختيار اولسون وطن
چوخ اميينم گؤرمه سين ذلت داهي يوردوم منيم
هئر جهتدن صاحيب-اي عز-او- ووقار اولسون وطن
يازان-مه حه ممه د بيرييا
Bəxtyar vətənim
Hər zaman arzım budur bir laləzar olsun vətən
Lalələr güllər açılsın xoş diyar olsun vətən
Aazəristan ölkəsi zülmiylə çox taalaan olub
Istərəm aabadlığın ta paydar olsun vətən
Ittihad etmək gərəkdir bu vətən uğrunda biz
Məhv edək zalimləri ta bəxtyar olsun vətən
Çox əmiinəm görməsin zllət dahi yurdum mənim
Her cəhətdən sahib-i izz-o- vüqar olsun vətən
Yazan—məhəmməd biriya
Oğlan bu nə səsdir
Oğlan qapını bağla nə haydır bu nə səsdir?
Get söylə utansın bu cəmaaət daha bəsdir
QAFLANTIni keçdi yenə məşrutə sedası
Başlandı bu təbrizlilərin köhnə ədası
Yırtıldı əcəb müstəbidin qanlı rədası
Minlələ rə,iyyət bu yolun oldi fədaası
Kor gözləri gördu sonu bihudə əbəsdir
Oğlan qapını bağla nə haydır bu nə səsdir?
əlbət keçəcəkdir əlimə bir kərə firsət
onda verərəm məndə bu məxluqə əziyyət
bir-bir gələcək həbsə bu əəzay-e cəmi,t
puldur mənə hər şey nəyə lazımdı həmiyyət
baş tutmuri hiləm-kələyim el özu nəsdir
Oğlan qapını bağla nə haydır bu nə səsdir?
Boş-boş danışı yorsa özün millət-i nadan
Ağlar qalacaq olmayacaq ərzidə xəndan
Dünyadə gərək olmaya bir sahib-i vicdan
Tərtib olunubdur oların cürmünə zindan
Zahirdə adəı ölkədi baatində qəfəsdir
Oğlan qapını bağla nə haydır bu nə səsdir?
Sən eylə xəyal eyləmə məndə dalı qallam
Aaxır oların kütləsinə zəlzələ sallam
əzra,il olub qudrətilə canların allam
bir bir tutaram başlarına qəddara çallam
bax dövrənə məəmurdu nigəhbandı əsəsdir
Oğlan qapını bağla nə haydır bu nə səsdir?
Bu xakidə hökm eyləyəcək dayim isarət
Bir gün elərəm evlərizi zülmülə qaarət
Var məndə qoşun qər-o-ğəzəb kin-o-maharət
Etmişdi əgər bəziləri xeyli cisarət
Ülkütdüm olar səslərini gör necə kəsdi
Oğlan qapını bağla nə haydır bu nə səsdir?
Irsə yetişibdir mənə bu dövlət-o-millət
Hakimdi bütün millətə hər nöqtədə dövlət
Təqsim olunanda yetişibdir sizə zillət
Rədd eyləmə gözdən nədi məqsəd nədir illət
Aaləmdə zərər eylədi hər kəs ki tələsdi
Oğlan qapını bağla nə haydır bu nə səsdir?
Yazan məhəmməd biriya
Şehid anası
Her məzaarın üstə tökub ganlı göz yaşı
((eyvay oğul !))deyib çəkərəm naalə ağlaram
Naləm düşəndə hər daşa dilləndirir daşı
Qəbrimdə bitməyincə qızıl laalə ağlaram
Aadət edibdir ağlamağa gözlərim mənim
Təəsir edərmi qatilinə sözlərim mənim?
Tək bir sənə ürək dolusu bağlayıb ümüd
Dayim əlinlə hiss eləyirdim nicaatımı
Azadlığın yolunda səni etdilər şəhid
Birəhmlər zəhr eylədilər şən həyaatımı
Qəlbinm inanmıran dözə bu son müsibətə
Ba,islərin duçar ola nifrin və lə,nətə
Hər zəhmətə təhəmmül edən binəva anan
Min zövq alırdı nazını çəkdikcə sübh-o-şam
Indi rəvadır ey gözümün nuru nagəhan
Mən öz boyum bərabəri oğlumdan ayrılam
Yox-yox cəhanı tərk eyləyib olmək istərəm
Hicrində qoymaram ürəyim vərəm
Aldı qərar-o- səbrimi dəhşətli matəmin
Oldum bəlaye firqət-o-həsrələ rubəru
Sənsiz nə həzzi var daha məənasız aaləmin
Çox gördu bir səni mənə bu çərx kinəcu
Haqqımda ruigar eylədi zülmünü tamam
Yoldaşların gərək ala zaalimdən intiqam
Yazn məhəmməd biriya
ستارخان و مشروطه بايرامي
قولاق آسين يئنه سويله ييم ائللر
بو شانلي اولكه نين سعادتيندن
سيزه كاهن كيمي وئريم خوش خبر
رشيد اوغوللارين رشادتيندن
قرنلر بويو، بو يورد، بو توپراق
چوخ بلالر چكيب ظاليم اليندن
ظولمون پنجه سينده اولوب اويونجاق
سيزيلداميش يازيق نااميد وطن
نهايت بو وطن بير اوجا سسله
چاغيردي دادينا نوجوانلاري
اونون دوره سينه بويوك هوسله
توپلاندي تبريزين قهرمانلاري
دئديلر حققيني قويماريق باتا
دوشدولر ايگيت لر دويوش مشقينه
قيلينجي باغلاييب، مينديلر آتا
آزادليق عشقينه، وطن عشقينه
صف- صف دايانديلار مقابيلينده
نااميد آنانين، مرد اوغوللاري
انتقام كلمه سي ازبر ديلينده
تاپيلدي ميللتين بويوك سرداري
محبتله وطن باخدي سردارا
گوردي شجاعتلي پهلوان دير او
بيلدي هئچ بير زمان او دوشمز دارا
چونكي جسارتلي قهرماندير او
سويله دي: گل اوغول، ياپيش اليمدن
گوزومون ياشيني سيل اته گين له
چاليش ظولمكاردان خلاص اولوم من
سئوينسين اوره گيم، شاد اوره گين له
ائشيتجك بو سوزو غيرتلي سردار
باشيندا توكلري دوردو بيز كيمي
دونيا گوزلرينده اولدو تيره- تار
جوشدو دالغالانميش بير دنيز كيمي
سويله دي: اي آنا، اي بويوك وطن!
اليمده اسلحه، ديليمده اسمين
گلديم امدادينا شجاعتله من
گوزلريمده غضب، اوره گيمده كين
قوچ كيمي ايگيت لر گيردي ميدانا
مستبد سلطانا ائتديلر قيام
مشروطه آلديلار بوتون ايرانا
خائينه عشرتي قيلديلار حرام
وطنين سويمه لي، ايش بيلن اوغلو
((ستارخان)) دئييلن ناموسلو سردار
ظاليمين اوزونه باغلاييب يولو
سلطانين قلبيني ائتدي داغدار
بو گون اي وطنين رشيد ائللري
او تاريخدن كئچير ايندي قيرخ بئش ايل
بيزيم خلقيميزين ايگيت ليكلري
گونش تك بولوتدا گيزله نن دئييل
غاليب گلمه يه جك، بيلين خيره، شر
بيزه بيرليگيميز وئره جك نجات
وار اولسون حقيقت، وار اولسون بشر
وار اولسون آزادليق، وار اولسون حيات
یازان: محمد بي ريا
اوغلان بو نه سس دير؟
اوغلان! قاپيني باغلا، نه هايدير بو، نه سس دير؟
گئت سويله اوتانسين بو جماعت داها بسدير!
((قافلانتي)) ني كئچدي يئنه مشروطه صداسي
باشلاندي بو تبريزليلرين كوهنه اداسي
ييرتيلدي عجب مستبدين قانلي رداسي
مين لرله رعيت بو يولون اولدو فداسي
كور گوزلري گوردو، سوني بيهوده، عبث دير
اوغلان! قاپيني باغلا، نه هايدير بو، نه سس دير؟
البت كئچه جكدير اليمه بير كره فرصت
اوندا وئره رم منده، بو مخلوقه اذيت
بير- بير گئده جك حبسه، بو اعضاي جمعيت
پولدور منه هر شئي، نه يه لازيمدي حميت
باش توتموري حيله م- كلكيم، ايل اوزو نس دير!
اوغلان! قاپيني باغلا، نه هايدير بو، نه سس دير؟
بوش- بوش دانيشيب، يورسا اوزون ملت نادان
آغلار قالاجاق، اولمياجاق ارضده خندان
دونياده گرك اولميا بير صاحب وجدان
ترتيب اولونوبدير اولارين جرمينه زندان
ظاهيرده آدي اولكه دي، باطينده قفس دير
اوغلان! قاپيني باغلا، نه هايدير بو، نه سس دير؟
سن ائيله خيال ائيله مه منده دالي قاللام
آخير اولارين كوتله سينه، زلزله ساللام
عزرائيل اولوب، قدرتيله جانلارين آللام
بير- بير توتارام باشلارينا قدداره چاللام
باخ دوره نه، ماموردي، نگهبان دير، عسس دير
اوغلان! قاپيني باغلا، نه هايدير بو، نه سس دير؟
بو خاكده، حكم ائيله يه جك دائم اسارت
بير گون ائله رم ائولريزي ظلمله غارت
وار منده قوشون، قهر و غضب، كين و مهارت
ائتميشدي اگر بعضي لري خيلي جسارت
اولكوتدوم، اولار سسلريني گور نئجه كسدي؟
اوغلان! قاپيني باغلا، نه هايدير بو، نه سس دير؟
ارثآ يئتيشيبدير منه، بو دولت و ملت
حاكمدي بوتون ميللته، هر نقطه ده دولت
تقسيم اولوناندا يئتيشيبدير سيزه ذلت
رد ائيله مه گوزدن نه دي مقصد، نه دير علت؟
عالمده ضرر ائيله دي، هر كس كي تلسدي
اوغلان! قاپيني باغلا، نه هايدير بو، نه سس دير؟
یازان: محمد بي ريا
شهيد آناسي
هر مزارين اوسته توكوب قانلي گوز ياشي
((ايواي اوغول!)) دئيب چكه رم ناله,آغلارام
ناله م دوشنده هرداشا, ديللنديرر داشي
قبرينده بيتمه يينجه قيزيل لاله,آغلارام
عادت ائديبدير آغلاماغا,گوزلريم منيم
تاثير ائدرمي قاتلينه سوزلريم منيم؟
تك بير سنه اوره ك دولوسو باغلاييب اميد
دائم الين له حس ائله ييرديم نجاتيمي
آزادليقين يولوندا سني ائتديلر شهيد
بي رحملر زهرله ديلرشن حياتيمي
قلبيم اينانميرام دوزه بو سون مصيبته
باعث لرين دوچار اولا نفرين ولعنته!
هر زحمته تحمل ائده ن, بي نوا آنان
مين ذوق آليردي نازيني چكديكده صبح وشام
ايندي روادير اي گوزومون نورو, ناگهان
من اوز بويوم برابري اوغلومدان آيريلام؟
يوخ – يوخ! جهاني ترك ائله ييب ئولمك ايستره م
هجرينده قويمارام اوره گيم باغلاسين ورم
آلدي قراروصبريمي, دهشتلي ماتمين
اولدوم بلاي فرقت وحسرتله روبرو
سنسيز نه حظي وار, داها معناسيز عالمين؟
چوخ گوردو بير سني منه بو چرخ كينه جو
حقيمده روزگار ائله دي ظولمونو تمام
يولداشلازين گرك آلا ظالمدن انتقام
یازان: محمد بي ريا
عزيز وطنيم
بسله نير قلبيمده سونسوز حورمت،
آذربايجانا
ايسته رم دونياده من حوريت آذربايجانا
سانمايين اوز يوردومون اسرارينا بيگانه يم
من اونون سوداي عشقيندن بوجور ديوانه يم
شمعه بنزر، دوره سينده فيرلانان پروانه يم
قويمارام اصلا قويولسون منت آذربايجانا
شاعيرم بير بولبولم من، آشيانه مدير وطن
سئيرگاهيم دير افقلر، خوابگاهيم دير چمن
چولده بيتميش لاله لر، داغلاردا آچميش ياسمن
هر بيري وئرميش يئنه بير زينت آذربايجانا
بير گوزلدير سئوديگيم كي، حسنونون حيرانيام
من اونا تعريف يازان شاعيرلرين قوربانييام
بيلميرم صوفي پرستم، عارفم، روحانييام
قائلم معناده من، بير قيمت آذربايجانا
من خيانت ائتمه ديم مرحوم اولان اجداديما
ارث تك وئرديم بو يوردو، قهرمان اولاديما
حفظ ائديب بو اولكه ني، باش اگمه سين جلاديما
اونلارين آوازي وئرسين، شهرت آذربايجانا
پايدار اولسون گوروم اودلو آلاولار تورپاغي
دالغالانسين شانلي بورجوندا عدالت بايراغي
قصردن خوشدور منه هر داخماسي، هر چارداغي
بسله نير قلبيمده سونسوز حرمت آذربايجانا
یازان: محمد بي ريا
آزربایجان مارشی
بیز دونیانین قورخو بیلمه زبیر قه هره مان ائلییک
آلوولاردان یارانیلمیش آزربایجان ائلییک
یوردوموزو یاشاداجاخ آدیمیزلا سانیمیز
هیندیستانین داغلاریندان موحکه مدیر ایمانیمیز
تاریخله رین زینه تی دیر شوهره تیمیز شانیمیز
بونا شاهید به ده نده کی ایلیییمیز قانیمیز
بیز دونیانین قورخو بیلمه زبیر قه هره مان ائلییک
آلوولاردان یارانیلمیش آزربایجان ائلییک
بیز بیر ائلییک قوی بیلینسین آندیمیزدیر , سؤزووموز
خائینله ره مه رحه مه تله باخا بیلمه ز گؤزوموز
خالقیمیری حیفظ ائتمیشیک ایلله ر بویو ئوزوموز
تیکیلمه میش یئره بیزیم آلنی آچیخ أوزوموز
بیز دونیانین قورخو بیلمه زبیر قه هره مان ائلییک
آلوولاردان یارانیلمیش آزربایجان ائلییک
بیر یولوموز وارسادا او حوررییه تین یولودور
باشدان باشا أوره ییمیز صیداقه تله دولودور
آزربایجان ائلی حه ققین بوکولمیه ن قولودور
دوسلاریمیز بیزه گولدور , دوشمان تیکان کولودور
بیز دونیانین قورخو بیلمه زبیر قه هره مان ائلییک
آلوولاردان یارانیلمیش آزربایجان ائلییک
سو وئریبدیر آنا , ایشیغیندا اولکه رین
به سله نمیشیک قوجاغیندا ,آل گونه شین سه حه رین
هه ر یئرینی بوروموشوک قافلانکی نین – خه زه رین
آلیر بیزده ن بوتون ائلله ر سوراغینی ظه فه رین
بیز دونیانین قورخو بیلمه زبیر قه هره مان ائلییک
آلوولاردان یارانیلمیش آزربایجان ائلییک
مه حه ممه د بی رییا
وطن حه سره تی
یئنه جیلوه له نیر وه طه ن گؤزومده
مرد کیمی دویورام هونه ر اؤزومده
دورموشام یئنه ده اسگی سؤزومده
قه هره مان ائلیمی آزاد ایسته ره م
انا توپراغیمی آباد ایسته ره م
بودور دالغالانان قوجامان خه زه ر
اونو لاچین کیمی خه یالیم گه زه ر
ساغ اولسایدی اگه ر بابامیز آزر
ئوز اوغوللارینی آختاراردی او
بیزی بو ظولمه تده ن قورتاراردی او
اوزاخدان گؤروره م آخان آرازی
دئشیلیر قلبیمین کؤهنه یاراسی
ایکی یه بؤلونموش بو آی پاراسی
ناواخ بیرله شه جه ک کیم بولور بونو
نازامان گؤره جه ک آنا اوغلونو
بیر طه ره ف داعیستان بیر طه ره ف زنجان
سه رین سویون هاوان خالقا وئریر جان
سه نه قوربان اولوم آی آزربایجان
وه طه ن وه طه ن دئیه دوشموشوک دیلده ن
ئوززون چاغیر بیزی بو قوربه ت ائلده ن
سنه قوربان اولوم گؤزه ل آبشورون
آدینلا نورلانیر هه ر ائو هه ر سالون
گئجه گوندوز آخان او قارا آلتون
ائلیمین یوردومون ایفتیخاریدیر
شه ره فی شووکه تی اعتیباریدیر
سنه قوربان اولوم شانلی ته بریزیم
تیجاره تده آدلی-سانلی ته بریزیم
مچیدلی مه رثیه خانلی ته بریزیم
فحله کتدیلیله ره دئ مه نده ن سالام
بیلسینله ر کی هه له دیرییه م ساغام
باکی 1957-مه حه ممه د بی رییا
Vətən həsrəti
Yenə cilvələnir vətən qözümdə
Mərd kimi duyuram hünər özümdə
Durmuşam yenədə əsgi sözümdə
Qəhrəman elimi azad istərəm
Ana toprağımı abad istərəm
Budur dalğalanan qocaman xəzər
Onu laçın kimi xəyalım gəzər
Sağ olsaydı əgər babamız azər
Öz oğullarını axtarardı o
Bizi bu zülmətdən qurtarardı o
Uzaxdan görürəm axan arazı
Deşilir qəlbimin köhnə yarası
Ikiyə bölünmüş bu ay parası
Navax birləşəcək –kim bülür bunu
Nazaman görəcək ana oğlunu
Bir tərəf dağistan bir tərəf zəncan
Sərin suyun havan xalqa verir can
Sənə qurban olum ay azərbaycan
Vətan – vətan deyə düşmüşük dildən
Özün çağır bizi bu qurbət eldən
Sənə qurban olum gözəl abşoran
Adınla nurlanır hər ev hər salon
Gecə-gündüz axan o gara altun
Elimin yurdumun iftixarıdır
Şərəfi şöhrəti eetibarıdır
Sənə qurban olum şanlı təbrizim
Ticarətdə adlı-sanlı təbrizim
Məçidli mərsiyə xanlı təbrizim
Fəhlə kətlilərə de məndən salam
Bilsinlər ki hələ diriyəm sağam
Bakı 1957-MƏHƏMMƏD BİRİYA
اورمو
یوردومو بورویوب جه لالین اورمو
بوندان آرتیق نه دیر خه یالین اورمو
حه سره تین چه کیردیم ایلله رده ن به ری
ائیله میشدی مه نی عشقین سه ر سه ری
ناهایه ت باهارین بیر خوش سه حه ری
قیسمه ت اولدی مه نه ویصالین اورمو
اطرافین ته په دیر صفالی داغدیر
هه ر یئرین باخچادیر چه مه ندیر باغدیر
ائل ته ک النین آچیخ اوزونده آغدیر
مه نه ایلهام وئریر او حالین اورمو
گؤرونمور گؤزومه ظولموده ن نیشان
آزاد نه فه س چه کیر بو آزربایجان
گؤروم گؤیله رینه چوکمه سین دومان
خالق گؤسته رمه سین زاوالین اورمو
مه ن کی آیاخ باسدیم بو شاد گولشه نه
قویمارام که ج باخا دوشمانلار سه نه
گول مه نیم سؤزومده ن فه ره حلن یئنه
گول کیمی آچیلسین جامالین اورمو
لاییق سه ن بیلیره م ده رین حؤرمه ته
وورغونسان اده به , علمه , حیکمه ته
سالیبدیر گؤره نی ده رین حئیره ته
علمین معرفتین , کامالین اورمو
بیر گون سوراغینا گله ر سه جه للاد
نامه رده م سه نه گه ر ائتمه سه م ایمداد
شاعیره م سؤزومو سؤیله ره م آزاد
دونیادا یوخ سه نین میثالین اورمو
مه حه ممه د بی رییا(محمد بیریا)1323
/* /*]]>*/
Urmu
Yurdumu bürüyüb cəlalın urmu
Bundan artıx nədir xəyalın urmu
Həsrətin çəkirdim illərdən bəri
Eyləmişdi məni eşqin sərsəri
Nahayət baharın bir xoş səhəri
Qismət oldi mənə visalın urmu
ətrafın təpədir səfalı dağdır
hər yerin baxçadır çəməndir bağdır
el tək alnın açıx üzündə ağdır
mənə ilham verir o halın urmu
görünmür gözümə zülmüdn nişan
azad nəfəs çəkir bu azərbaycan
görüm göylərinə çökməsin duman
xalq göstərməsin zavalın urmu
mən ki ayax basdım buşad gülşənə
qoymaram kəc baxa düşmanlar sənə
gül mənim sözümdən fərəhlən yenə
gül kimi açılsın camalın urmu
layiqsən bilirəm dəərin hörmətə
vurqunsan ədəbə elmə hikmətə
salıbdır görəni dərin heyrətə
elmin məərifətin kamalın urmu
bir gün surağına gələrsa cəllad
namərdəm sənə gər etməsəm imdad
şairəm sözümü soylərəm azad
dünyada yox sənin misalın urmu
MƏHƏMMƏ BİRİYA
ته حه سسور
جاوانلیغ چاغیمیز کئچیب گئددی هئی
آز قالیب اجه لیم شیکاره گه لسین
عومرومون گونه شی قوروب ائتددی هئی
دئیین آرزیلاریم مه رازه گه لسین
دونیایه گه لدیییم ده قیقه ده ن مه ن
حایاتی بیلمیشه م نه فسیمه دوشمه ن
حه قی قه ت آختاران مه نی ایسته یه ن
عه ده م سؤیله نیله ن دییاره گه لسین
بیر عاده تدیر آچیخ سؤز دئمه ک مه نه
تیکان ته ک گؤرونور گول چیچه ک مه نه
مه حه ببه ت یئتیره ن هه ر اوره ک مه نه
یئرین مئحوه ری ته ک مداره گه لسین
گه لیب آیلا گونه ش دورسا اوز اوزه
قارانلیغ گئجه له ر دؤنسه گوندوزه
آرتیغ اینانمیرام هه ر گوله ن اوزه
گه له ن قوی باشیما دوباره گه لسین
عاله مده گؤرمه دیم ذوق ی سه عاده ت
هه میشه هه مده میم اولدو فه لاکه ت
وه فاده ن ده م ووران اهلی صه داقه ت
حاققیمدا قطعی بیر قه راره گه لسین
چه کدیم جه فاسینی چوخ اینسانلارین
حوقوقی مه حو اولوب تاپدالانلارین
مه ن کیمی ده هریده آلدانانلارین
قه لبینه عه رشینه شه راره گه لسین
سئوگیلیم باشینا قارا باغلاسین
بولاغ ته ک گؤزونده ن سولار چاغلاسین
دوشمانلاریم گولسون , دوسلار آغلاسین
گؤزله رینین یاشی عیذاره گه لسین
یازان : مه حه ممه د بی رییا
1323
Təhəssür
Cavanlığ çağımız Keçib getdi hey
Az qalıb əcəlim şikarə gəlsin
Ömrümün günəşi qurub etdi hey
Deyin arzılarım məzarə gəlsin
Dünyayə gəldiyim dəqiqədən mən
Hayatı bilmişəm nəfsimə düşmən
Həqiqət axtaran məni istəyən
ədəm söylənilən diyarə gəlsin
bir adətdir açıx söz demək mənə
tikan tək görüqnür gül çiçək mənə
məhəbbət yetirən hər ürək mənə
yerin çehvəri tək mədarə gəlsin
gəlib ayla günəş dursa üz-üzə
qaranlığ gecələr dönsə günduzə
artığ inanmıram hər gülən üzən
gələn qoy başıma dubarə gəlsin
aaləmdə görmədim zövq-i səadət
həmişə həmdəmim oldu fəlakət
vəfadən dəm vuran əhli sidaqət
haqqımda qətii bir qərarə gəlsin
çəkdim çəfasini çox insanların
huquqı məhv olaub tapdalanların
mən kimi dəhridə aldananların
qəlbinə ərşidən şərarə gəlsin
Sevgilim başına qara bağlasın
Bulağ tək gözündən sular çağlasın
Düşmanlarım gülsün doslar ağlasın
Gözlərinin yaşı izarə gəlsin
Yazan - MƏHƏMMƏD BİRİYA1323
قوققولی قو
خاراب اولار روزیقار
الیمده یوخ ایختییار
گئدیم دئییم حاکیمه
منیم شیرین دیلیم وار
قوققولی قو
فیره نگی ته ک یوخ فئریم
خییاواندا پوز وئریم
مه ن آزری اوغلویام
آزربایجاندیر یئریم
قوققولی قو
یاخین دئییل منزیلیم
سه ن دئیه نی من بیلیم
دونیا بیلیر جانیمدان
مه نه عزیزدیر دیلیم
قوققولی قو
تیکیب دیر گؤز ائل مه نه
توخونماسین یئل مه نه
بوغولمادیم دریادا
نئیلییه جه ک سئل مه نه
قوققولی قو
مه حه ممه د بیرییا(محمد بیریا)
Quqquliqu
Xarab olar ruziqar
əlimdə yox ixtiyar
gedim deyim hakimə
mənim şirin dilim var
Quqquliqu
Firəngi tək yox ferim
Xiyavanda poz verim
Mən azəri oğluyam
Azərbaycandır yerim
Quqquliqu
Yaxın deyil mənzilim
Sən diyəni mən bilim
Dünya bilir canımdan
Mənə əzizdir dilim
Quqquliqu
Tikibdir göz el mənə
Toxunmasın yel mənə
Boğulmadım dəryada
Neyliyəcək sel mənə
Quqquliqu
MƏHƏMMƏD BİRİYA