| تبليغات | X |
|
آپاردیلار گولومی - ائیله دیله ر ظولومی- نه قویدولار دانیشام - نه کسدیله ر دیلیمی
|
باکيدا بير کندده موحاويره
کندلي:
-- دئنيلير، عئلم اوخويون، سؤزلري هر آندا بيزه،
بونو تصديق ائدييور آيئيي-قوران دا بيزه،
آخوند:
-- هانسي قوراندير او کي، اوندا يازيلميش بو خبر؟
شيعه موللاسي يازان تورکيجه قورانسا اگر،
من اونون يازديغي قورانا ياويق دورماييرام،
ماشا ايله ياپيشيب، ال ده بئله وورماييرام.
کندلي:
-- خوب، بويور سونني يازان بير نئچه تفسيري اوخو،
علمين ايجابي اوچون اونداکي تقديري اوخو!
آخوند:
-- اوخ، آپار بير يانا آت سونني يازان تفسيري!
باشينا ده يسين اونون ترجومه سي، تحريري!
بيزلره موللا فيلانکس يازان آثار گرک!
بيز اولاق اونداکي مضمونه خبردار گرک!
کندلي:
-- او يازيب: يئر اؤکوزون بوينوزو اوستونده دورور،
بيز گرکدير ايناناق کي، کيشي بويله بويورور؟!
آخوند:
-- بونا شوبهن ده وار؟
کندلي:
-- البتته، اينانمام بو سؤزه!
آخوند:
-- نعلت وللا، آ گاوور، شکک ائدييورسان اؤکوزه؟!
ميرزه علي اکبر صابير
