| تبليغات | X |
|
آپاردیلار گولومی - ائیله دیله ر ظولومی- نه قویدولار دانیشام - نه کسدیله ر دیلیمی
|
بير بهانه الده اونوان ائتمه لي بوندان سورا
بوسبوتون مخلوقه ائلان ائتمه لي بوندان سورا!
نوو اوسولون شره برکس اولدوغون ايضاح ائديب،
کؤهنه ني تطبیقي-قوران ائتمه لي بوندان سورا!
خاصه بو ژورنال، قزئت امرينده بير فيتوا تاپيب،
سدد راهي-نشري-عيرفان ائتمه لي بوندان سورا!
بويله ايش، بونجا قزئت، بونجا مازئت اولماز، جانيم!
بونلاري محکومي-بوتلان ائتمه لي بوندان سورا!
دين گئدير، مذهب گئدير، قدري ايتير موللالارين،
چارئيي-امري-موسلمان ائتمه لي بوندان سورا!
هر يئتن کندين موحرير ادد ائديب مين سؤز يازير،
بونلاري مترودي-اؤوتان ائتمه لي بوندان سورا!
کسمه لي هر نؤو ايله اولسا نوفوزون، حؤرمتين،
سربسر آوارئيي-نان ائتمه لي بوندان سورا!
جيرمالي دفترلرين، سينديرمالي چئرنيل قابين،
فيکري ترويجي-قلمدان ائتمه لي بوندان سورا!
مومکون اولسا لاپ کؤکوندن قالديريب بير ظن ايله
جومله متبواتي ويران ائتمه لي بوندان سورا!
سيييما، شاعيرلري حؤکمن و هؤتمن زور ايله
خاريج-از-ايسلامو ايمان ائتمه لي بوندان سورا!
موختصر، هر کيم کي، گؤردون فهمي وار، بير سؤز قانير، --
کوفر ايله مشهوري-دؤوران ائتمه لي بوندان سورا!
آرقاداشلار، المان، گل تئز وئريب ده ال-اله،
هم بو يولدا عهدو-پئيمان ائتمه لي بوندان سورا!
آيد اولمور ايندي بونلاردان بيزه بير منفعت،
پول وئررلرسه، موسلمان ائتمه لي بوندان سورا!
ميرزه علي اکبر سابير
****************************************
بير دسته گول
ايرانلي دئيير کي، عدل ايله داد اولسون،
عوثمانلي دئيير کي، ميلت آزاد اولسون،
زاهيد نه دئيير؟ دئيير کي، قارنيم دولسون،
ايرانلي دا، عوثمانلي دا برباد اولسون!
تاجير آرايير کي، بير تيجارت ياپسين،
عاميل چاليشير بو يولدا خيدمت ياپسين،
ايش موللالاريندير کي، چالسين-چاپسين،
ياتسين، دورسون، قوسلي-جنابت ياپسين.
ژورنال، قزئته چيخير کي، ميلت اوخوسون،
هر بير اثريندن آلسين عيبرت، اوخوسون،
روسجا اوخوموشلارا بو ايش آر گلير،
دئرلر، بونو قوي قاره جمات اوخوسون.
ظن ائتمه کي، ذيکره، سجده يه دالماق اوچون
زاهيد يويورور مسجيده اجر آلماق اوچون،
دون چالديغي سججادگي ساتميش دا يئميش،
ايندي يويورور علاوه سين چالماق اوچون.
ميرزه علي اکبر سابير
****************************************
بير گول
واعيظ کي، چيخار مينبره تئز پوفلر اودو،
تکفيره قويار کيمين کي، عشق ايسه مودو؛
واردير دئيه سن بو خازيني-نييرانين
آغزيندا ائکسترئنني کافير زاوودو.
ميرزه علي اکبر سابير
****************************************
بيزه نه؟
گر بو ايل خلقي تباه ائتدي گيرانليق، بيزه نه؟!
تاپمايير آج-يالاواجلار گوزرانليق، بيزه نه؟!
بيز مگر آجلارا وقف ائيله ميشيک ماليميزي،
Тا کي، هر موستحقه بذل ائدک امواليميزي؟
بيز موراات ائدريک آنجاق اؤز احواليميزي،
دايما بسله يهريک ناز ايله اطفاليميزي.
آتاسيز طيفللري باسدي بورانليق، بيزه نه؟!
تاپمايير آج-يالاواجلار گوزرانليق، بيزه نه؟!
بو دا سؤزدورمو، قازانديقلاريميز پاره لري
هئي وئرک بوغمالاسين زنگزور آواره لري؟
بيزلره دخلي ندير -- يوخدور اگر چاره لري؟
قوي آغارسين فوقرا گؤزلري نين قاره لري!
چکسين اونلار گئجه-گوندوز نيگرانليق، بيزه نه؟!
تاپمايير آج-يالاواجلار گوزرانليق، بيزه نه؟!
بوشلا، آي موللا دايي، سن ده بيزي چکمه زورا!
بيز سنين حيله ن ايله دوشمريک اصلا بو تورا!
باخماريق گوشئيي-چئشم ايله داها زنگزورا!
قارلي داغلاردا سويوقدان اؤلنين جاني گورا!
اولمادي قيسمت او بدبخته آرانليق، بيزه نه؟!
تاپمايير آج-يالاواجلار گوزرانليق، بيزه نه؟!
بيزه گؤسترمه، عزيزيم، او قم اويلاقلاريني،
يازدا چوخ گزميشيک آل گوللر آچان داغلاريني،
ييغميشيق دهيئکيني، بوشلاميشيق باغلاريني،
قيش اوچون خوشلاميشيق طيفليس اويونجاقلاريني....
چولغاييب زنگزورو ايندي بورانليق، بيزه نه؟!
تاپمايير آج-يالاواجلار گوزرانليق، بيزه نه؟!
هله ليک توللاميشيق خانئيي-ويرانه لري،
دولانيب کيشوري-طيفليسده کاشانه لري
تاپديق آخير ليزالار تک نئچه جانانه لري،
چيلچيراقلارلا ايشيقلانديريريق خانه لري،
زالخالار داخماسينا چؤکدو قارانليق، بيزه نه؟!
تاپمايير آج-يالاواجلار گوزرانليق، بيزه نه؟!
ميرزه علي اکبر سابير
